రాష్ట్రీయం
పట్టు తప్పుతున్న పోర్టు!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, సెప్టెంబర్ 12: కార్గో హ్యాండ్లింగ్‌లో దేశంలోనే టాప్ త్రీ అనిపించుకున్న విశాఖపట్నం పోర్టు ట్రస్ట్ క్రమంగా పట్టుకోల్పోతోంది. గతంలో మాన్యువల్‌గా కార్గో హ్యాండ్లింగ్ చేసిన విశాఖపట్నం పోర్టు, ఇప్పుడు పూర్తి యాంత్రీకరణకు మారింది. దీంతోపాటు విశాఖపట్నం పోర్టుకు భారీ నౌకలు వచ్చేందుకు వీలుగా డ్రాఫ్ట్‌నూ పెంచారు. కోల్ ఎగుమతి, దిగుమతుల్లో విశాఖ పోర్టు ట్రస్ట్ అగ్రగామిగా ఉండేది. అలాగే ఐరన్ ఓర్, ఫెర్టిలైజర్ల హ్యాండ్లింగ్‌తో ఎప్పుడూ బిజిగా ఉండే విశాఖ పోర్టు వైభవం చాలావరకూ తగ్గింది. విశాఖపట్నం పోర్టుకు అత్యంత సమీపంలో ఉన్న గంగవరం పోర్టు గత ఆరేడేళ్ల నుంచి తన కార్యకలాపాలను ముమ్మరం చేసుకుంది. అంతేకాదు, విశాఖపట్నం పోర్టుకు పోటీగా నిలబడింది. విశాఖపట్నం పోర్టుకు వచ్చే కార్గోను తనవైపునకు మళ్లించుకుంది. దీంతో విశాఖపట్నం పోర్టు ట్రస్ట్ ఆదాయానికి భారీగా గండిపడింది. దీనికి కొన్ని కారణాలు కూడా లేకపోలేదు.
విశాఖపట్నం పోర్టులో వెసల్స్ నుంచి దిగుమతి చేసుకున్న కార్గోను కొంత కాలంపాటు యార్డులో నిల్వ చేసుకునేందుకు స్టీవ్‌డర్ కంపెనీలు భారీ మొత్తాన్ని చెల్లించాల్సి వస్తోంది. స్క్వేర్ సెంటీ మీటరుకు 3.11 రూపాయలు విశాఖపట్నం పోర్టు యాజమాన్యం వసూలు చేస్తోంది. అంటే ఒక వెసల్‌లో సుమారు 50 వేల టన్నుల కార్గో దిగుమతి అయి, దాన్ని యార్డుకు తరలిస్తే, దీనికి 12 వారాలకు సుమారు 80 వేలు చెల్లించాల్సి ఉంటుంది. గంగవరం పోర్టు అయితే, ఈ ఛార్జీలు ఉండవు. అలాగే, టెర్మినల్ ఛార్జి ఒక టన్నుకు 11 రూపాయలు వసూలు చేస్తున్నారు. ఈ చార్జీలు కూడా గంగవరం పోర్టులో ఉండవు. అంతేకాదు, లక్ష డిడబ్ల్యుటి సామర్థ్యం కలిగిన నౌకలు విశాఖపట్నం పోర్టులోకి రావు. ఈ పోర్టుకు సమీపంలో ఉన్న వేదాంత బెర్త్‌కు మాత్రమే నౌకలు రాగలుగుతాయ. అక్కడ బెర్త్‌లు ఖాళీగా లేకపోవడంతో ఇటువంటి భారీ నౌకలు గంగవరం పోర్టుకు వెళ్లిపోతున్నాయని తెలుస్తోంది.
దీనివలన విశాఖపట్నం పోర్టులోకి భారీగా వచ్చే కోల్ ఇప్పుడు గంగవరం పోర్టుకు వెళ్లిపోయింది. అలాగే ఐరన్ ఓర్ విషయానికి వచ్చేప్పటికి గతంలో రోజుకు 10 నుంచి 15 రేక్‌ల సరుకు రవాణా అయ్యేది. కానీ ఇప్పుడు నెలకు 10 నుంచి 15 రేక్‌లు కూడా అవ్వడం లేదని తెలుస్తోంది. ఇటువంటి పరిస్థితుల నేపథ్యంలో దేశంలోని మేజర్ పోర్టుల్లో ఒకటైన విశాఖపట్నం పోర్టు భవిష్యత్‌లో తన ఆథిపత్యాన్ని ఎలా నిలబెట్టుకుంటుందో వేచి చూడాలి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.