రాష్ట్రీయం
తెలుగుకు కొత్త వెలుగు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 12: ప్రపంచ తెలుగు మహాసభలను డిసెంబర్ 15నుంచి 19 వరకు ఐదు రోజుల పాటు నిర్వహించనున్నట్టు సిఎం చంద్రశేఖర్‌రావు ప్రకటించారు. మహాసభల ప్రారంభోత్సవం, ముగింపు కార్యక్రమాలకు ప్రధాన మంత్రి, రాష్టప్రతిని ఆహ్వానించాలని నిర్ణయించారు. మహాసభల నిర్వహణకు రూ.50 కోట్లు మంజూరు చేస్తున్నట్టు ప్రకటించారు. అలాగే సాహిత్య అకాడమీకి రూ.5 కోట్లు, అధికార భాషా సంఘానికి రూ.2 కోట్లు సభల నిర్వహణకు ప్రత్యేకంగా నిధులు కేటాయిస్తున్నట్టు చెప్పారు. మహాసభల నిర్వహణకు సాహిత్య అకాడమీ నోడల్ ఏజెన్సీగా ఉంటుందన్నారు. ప్రపంచ తెలుగు మహాసభల నిర్వహణపై ప్రగతి భవన్‌లో మంగళవారం సాహిత్య అకాడమీ చైర్మన్ నందిని సిద్ధారెడ్డి, అధికార భాషా సంఘం అధ్యక్షుడు దేవులపల్లి ప్రభాకర్‌రావు, గ్రంథాలయ పరిషత్ చైర్మన్ ఆయాచితం శ్రీ్ధర్, సాంస్కృతికశాఖ డైరెక్టర్ మామిడి హరికృష్ణ తదితరులతో ఉన్నతస్థాయి సమావేశం నిర్వహించారు. సభల నిర్వహణపై పలు నిర్ణయాలు తీసుకున్నారు. వాస్తవానికి అక్టోబర్‌లోనే ప్రపంచ తెలుగు మహాసభలు నిర్వహించాలని అనుకున్నప్పటికీ, అదే నెలలో హైదరాబాద్‌లో ప్రపంచ పర్యాటక సదస్సు, నవంబర్‌లో ప్రపంచ పారిశ్రామిక సదస్సులు ఉండటంవల్ల తెలుగు మహాసభలు డిసెంబర్‌లో నిర్వహించాలని నిర్ణయించామన్నారు. ఎల్‌బి స్టేడియం ప్రధాన వేదికగా మహాసభలు నిర్వహించాలని, రవీంద్రభారతి, ఇందిరా ప్రియదర్శిని ఆడిటోరియం, లలిత కళాతోరణం, నిజాం కాలేజీ మైదానం, భారతీయ విద్యాభవన్, పింగళి వెంకట్రామారెడ్డి హాల్, శిల్పకళా వేదిక తదితరచోట్ల కూడా కార్యక్రమాలు నిర్వహించాలని నిర్ణయించారు. మహాసభల్లో తెలంగాణలో తెలుగు భాషాభివృద్ధికి, తెలుగు భాష వైభవానికి జరిగిన ప్రయత్నాలపై చర్చా గోష్టులతోపాటు గోల్కొండ నుంచి వెలువడిన తెలుగు సాహిత్యాన్ని ప్రపంచానికి చాటాలని నిర్ణయించారు. ఉదయం సాహిత్య గోష్టులు, సాయంత్రం సాంస్కృతిక కార్యక్రమాలు, బతుకమ్మ, గోండు నృత్యాలు, కోలాటం, పేరిణి, కలుపు, నాట్ల, కోత, దుక్కి పాటలు, జానపద గేయాలు వంటి అంశాలు ప్రదర్శించాలని నిర్ణయించారు. దేశ, విదేశాల నుంచి అతిథులను ఆహ్వానించడానికి అమెరికా, యూరప్, గల్ఫ్, మారిషస్, సింగపూర్, మలేషియా తదితర దేశాలలో సన్నాహక సమావేశాలు నిర్వహించాలని నిర్ణయించినట్టు సిఎం వెల్లడించారు.
చిత్రం..ప్రపంచ తెలుగు మహాసభల నిర్వహణపై నిర్వహించిన
సమీక్ష సమావేశంలో మాట్లాడుతున్న ముఖ్యమంత్రి కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.