రాష్ట్రీయం
విద్యా ప్రమాణాలు పెంచండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 14: తెలంగాణ రాష్ట్రంలో ఉన్నత విద్యాసంస్థల్లో ప్రమాణాలు పెంచాలని, జవాబుదారీతనాన్ని తీసుకురావాలని రాష్ట్ర గవర్నర్ ఇఎస్‌ఎల్ నరసింహన్ పేర్కొన్నారు. ఉన్నత విద్యా మండలి చైర్మన్ ప్రొఫెసర్ టి పాపిరెడ్డితో పాటు ఉన్నతాధికారులు గురువారం నాడు గవర్నర్‌ను కలిసి కొత్త వైస్ చైర్మన్లు ప్రొఫెసర్ ఆర్ లింబాద్రిని, ప్రొఫెసర్ వి వెంకటరమణను పరిచయం చేయడంతో పాటు విద్యారంగ పరిస్థితులను వివరించారు. ఇటీవల వివిధ యూనివర్శిటీలకు, విద్యాసంస్థలకు నేషనల్ అసెస్‌మెంట్ అక్రిడిటేషన్ సంస్థ ఇచ్చిన అక్రిడిటేషన్లు, ఇతర వివరాలను గవర్నర్‌కు వివరించారు. యూనివర్శిటీలు సజావుగా పనిచేసేలా చూడాలని, అవి తమ పనితీరును ఎప్పటికపుడు స్వీయ సమీక్ష జరుపుకోవాలని , ఎప్పటికపుడు ప్రభుత్వ ఆలోచనలకు అనుగుణంగా విద్యా ప్రమాణాల పెంపునకు ప్రయత్నించాలని చెప్పారు. తెలంగాణలో యూనివర్శిటీలు ఎదుర్కొంటున్న సవాళ్లు, ఖాళీల భర్తీ, నిధుల కొరత, ప్రమాణాలు, పరిశోధనలు, అంతర్జాతీయ రేటింగ్, అక్రిడిటేషన్ వంటి అంశాలపై సమగ్ర నివేదికలను తయారుచేసి తదనుగుణంగా వాటిని సాధించేందుకు కార్యాచరణ రూపొందించుకోవాలని చెప్పారు. వైస్ చాన్సలర్ల సదస్సు అక్టోబర్‌లో నిర్వహించేందుకు వీలుగా సన్నద్ధం కావాలని ఉన్నత విద్యామండలి చైర్మన్ ప్రొఫెసర్ టి పాపిరెడ్డిని గవర్నర్ నరసింహన్ ఆదేశించారు. ఈ సందర్భంగా గవర్నర్‌కు రాష్ట్రంలో యూనివర్శిటీలు, స్థితిగతులపై ఉన్నత విద్యామండలి చైర్మన్ పవర్‌పాయింట్ ప్రజెంటేషన్ ఇచ్చారు. దశల వారీగా అన్ని కాలేజీలు, యూనివర్శిటీలు అక్రిడిటేషన్ తీసుకునేలా తగిన సూచనలు, సలహాలు అందిస్తున్నట్టు పాపిరెడ్డి వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.