రాష్ట్రీయం
ప్రతి తలుపూ తట్టండి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, సెప్టెంబర్ 17: ‘ఇంటింటికీ తెలుగుదేశం ప్రతి ఎస్సీ, ఎస్టీ కాలనీలో నిర్వహించాలి. ప్రతి ఒక్క ఇంటి తలుపునూ తట్టాలి. వారి యోగక్షేమాలు విచారించాలి. బలహీన వర్గాల సంక్షేమానికి ప్రభుత్వం చేపట్టిన పథకాలను వివరించాలి. వారి అవసరాలను గుర్తించాలి. సమస్యలను నమోదు చేయాలి’ అని శ్రేణులకు తెదేపా జాతీయ అధ్యక్షుడు, సిఎం చంద్రబాబు దిశానిర్దేశం చేశారు. ఉండవల్లిలోని తన నివాసం నుంచి ఇంటింటికీ తెలుగుదేశంపై పార్టీ నేతలతో ఆదివారం టెలికాన్ఫరెన్స్ నిర్వహించారు. ‘75 యూనిట్ల విద్యుత్ ఉచితంగా ఇస్తున్నాం. వాడవాడలా సిమెంట్ రోడ్లు నిర్మిస్తున్నాం. ఎల్‌ఈడి బల్బులు పంపిణీ చేస్తున్నాం. పింఛన్లు, రేషన్ కార్డులు 100 శాతం సంతృప్త స్థాయికి చేరేలా అందిద్దాం’ అని చెప్పారు. ఇంటి జాగా, పింఛన్, రేషన్ కార్డు కావాల్సిన వారి వివరాలు తెలుసుకోవాలని నాయకులకు సూచించారు. రాజకీయ లాభాల కోసం ఎస్సీ, ఎస్టీ, ముస్లింలను వాడుకున్నారేతప్ప వారి అభ్యున్నతికి కాంగ్రెస్, వైపాకాలు చేసిందేమీ లేదన్నారు. ఎస్సీ ఫైనాన్స్ కార్పొరేషన్‌ను నిర్వీర్యం చేశారని, నిధులివ్వకుండా నీరుగార్చారని, ఎస్సీ, ఎస్టీ సబ్‌ప్లాన్ నిధులను దారిమళ్లించి దుర్వినియోగం చేశారన్నారు. టిడిపి ప్రభుత్వం గత మూడేళ్లుగా అనేక వినూత్న కార్యక్రమాలు చేపట్టి వారి సంక్షేమానికి అమలు చేస్తోందని ఆయన గుర్తుచేశారు. ఎస్సీలకు ముందడుగు, ఎస్టీలకు చైతన్యం, ముస్లింలకు రోష్నీ పథకాలను మళ్లీ ప్రారంభిస్తున్నామని, ఈ పథకాలను నిలిపివేసి కాంగ్రెస్ తీరని అన్యాయం చేసిందన్నారు. మాదిగల రిజర్వేషన్ అంశం కేంద్రం పరిధిలో ఉందని, రాష్ట్ర ప్రభుత్వం చేయాల్సిందంతా చేసిందని, నిర్ణయం తీసుకోవాల్సింది కేంద్రమేనన్నారు. ‘నంద్యాలలో ముస్లింలు అంతా ఏకపక్షంగా టిడిపికి మద్దతు పలకడం కొత్త చరిత్ర. దీన్ని అందరూ స్వాగతించాలి. రాష్టవ్య్రాప్తంగా అన్ని నియోజకవర్గాల ముస్లింలకు నంద్యాల స్ఫూర్తి కావాలి. కాకినాడలో ఎస్సీలంతా టిడిపికి అండగా నిలిచారు. ఇది మరో చరిత్ర. దీన్ని అందరూ ఆహ్వానించాలి. కాకినాడ ఎస్సీల ముందడుగు మిగిలిన అన్ని ప్రాంతాల ఎస్సీలకు స్ఫూర్తిదాయకం కావాలి. బలహీన వర్గాలు, షెడ్యూల్ కులాలు, షెడ్యూల్ తరగతులు, ముస్లిం, క్రిస్టియన్ మైనారిటీ వర్గాల్లో 80 శాతం టిడిపికి అండగా ఉండేలా వారిలో అవగాహన పెంచాలి, చైతన్యపరచాలి’ అంటూ చంద్రబాబు దిశానిర్దేశం చేశారు. ఎస్సీ, ఎస్టీ, ముస్లిం వర్గాలతో తరచూ సమావేశాలు జరిపి సంతృప్తే లక్ష్యంగా ముందుకు సాగాలని పిలుపునిచ్చారు. బీసీలు టిడిపికి వెనె్నముక అని, వారి అభ్యున్నతే తెలుగుదేశం ప్రభుత్వ లక్ష్యమన్నారు. టెలికాన్ఫరెన్స్‌లో మంత్రి జవహర్, కార్పొరేషన్ల చైర్మన్లు వర్ల రామయ్య, పుష్పరాజ్, శివాజీ, ఎమ్మెల్యేలు అనిత, యామినీబాల, శ్రావణ్‌కుమార్, ఆనందరావు, మణిగాంధీ, సునీల్‌కుమార్, శమంతకమణి, ఎలక్షన్ బాబు, చిరంజీవి, ఎస్సీ సెల్ నాయకులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.