రాష్ట్రీయం
దేశంలోనే తెలంగాణ ముందంజ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 22: కొత్తగా ఏర్పడిన తెలంగాణ రాష్ట్రం ముఖ్యమంత్రి కె చంద్రశేఖరరావు నాయకత్వంలో అభివృద్ధి, సంక్షేమ కార్యక్రమాల అమలులో దేశంలో ముందంజలో ఉందని ప్రభుత్వ ప్రధాన కార్యదర్శి ఎస్‌పి సింగ్ చెప్పారు. శుక్రవారం నాడు సచివాలయంలో భారత పర్యటనలో భాగంగా హైదరాబాద్‌కు వచ్చిన శ్రీలంక జర్నలిస్టుల బృందంతో సిఎస్ సమావేశమయ్యారు. 400 ఏళ్లకు పైగా చరిత్ర ఉన్న హైదరాబాద్‌లో విభిన్న మతాలు, ప్రాంతాల ప్రజలు ఎంతో స్నేహపూర్వక వాతావరణంలో జీవిస్తున్నారని, చారిత్రాత్మకంగా ఎంతో ప్రాధాన్యత ఉందని అన్నారు. భారతదేశంలోనే హైదరాబాద్ ఐదో అతి పెద్ద నగరమని అన్నారు. దేశంలో పోలీసింగ్ వ్యవస్థ, చట్టాలు, శాంతి భద్రతల అంశాలు, నియామకం, శిక్షణ తదితర అంశాలను చర్చించారు. తెలంగాణ రాష్ట్రం నుండి ఎంతో మంది యాత్రికులు శ్రీలంకను సందర్శించారని, ఎంతో మంది కాంట్రాక్టర్లు వివిధ అభివృద్ధి పనుల నిర్మాణాలను చేపడుతున్నారని అన్నారు. సాహిత్య, వాణిజ్య, ఆర్ధిక పరంగా శ్రీలంకతో సంబంధాలు మెరుగ్గా ఉన్నాయని వివరించారు. శ్రీలంకకు చెందిన 17 మంది సీనియర్ ఎడిటర్లు, జర్నలిస్టుల బృందం భారత్‌లో ఈ నెల 23 వరకూ పర్యటించనుంది. ఈ పర్యటనలో భాగంగా వారు ఇండియన్ నేషనల్ సెంటర్ ఫర్ ఓషన్ ఇన్ఫర్మేషన్ సర్వీసెస్, ఎన్‌ఆర్‌ఎస్‌ఎ, ఐఎస్‌బి, గోల్కొండ కోట, రామోజీ ఫిలింసిటీ సందర్శిస్తారు.
చిత్రం..శుక్రవారం సచివాలయంలో సిఎస్ ఎస్‌పి సింగ్‌తో సమావేశమైన శ్రీలంక జర్నలిస్టులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.