రాష్ట్రీయం
మళ్లీ.. ఆ ముగ్గురే!
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, సెప్టెంబర్ 23: ఎట్టకేలకు తెలుగుదేశం పార్టీ జాతీయ, ఆంధ్రప్రదేశ్, తెలంగాణ రాష్ట్ర కమిటీలను అధినేత చంద్రబాబు శనివారం ప్రకటించారు. గతంలో పొలిట్ బ్యూరో సభ్యులుగావున్న ఎర్రబెల్లి దయాకర్, రమేష్ రాథోడ్ స్థానంలో రేవూరి ప్రకాష్‌రెడ్డి, సీతక్కను తీసుకున్నామన్నారు. నందమూరి హరికృష్ణ పొలిట్ బ్యూరోలో కొనసాగుతారని శనివారం మీడియాకు వెల్లడించారు. ఏపీ అధ్యక్షుడిగా కళా వెంకట్రావు, తెలంగాణ అధ్యక్షుడిగా ఎల్ రమణ, వర్కింగ్ ప్రెసిడెంట్‌గా రేవంత్‌రెడ్డి తిరిగి ఎంపికకాగా, జాతీయ పార్టీ అధ్యక్షుడిగా ఏపి సిఎం చంద్రబాబు కొనసాగారు. జాతీయ అధికార ప్రతినిధి స్థానం నుంచి విజయవాడ ఎమ్మెల్యే బోండా ఉమను తప్పించగా, చాలాకాలంగా పార్టీ కార్యక్రమాల్లో పెద్దగా కనిపించని హరికృష్ణను పొలిట్‌బ్యూరో సభ్యుడిగా మళ్లీ అవకాశమిచ్చారు. సీనియర్ నేత, మాజీ మంత్రి ఆనం రామనారాయణరెడ్డి, వైకాపా నుంచి వచ్చిన మరో మాజీ మంత్రి కొత్తపల్లి సుబ్బారాయుడు, పార్టీ యువనేత కేశవ్‌కు కొత్తగా రాష్ట్ర ప్రధాన కార్యదర్శి పదవులు దక్కాయి. జాతీయ కమిటీలో ఐదుగురు ఉపాధ్యక్షులు, నలుగురు ప్రధాన కార్యదర్శులు ఉన్నారు. పొలిట్ బ్యూరోలో 16మంది సభ్యులు, ఏపి రాష్ట్ర కమిటీలో ఏడుగురు ఉపాధ్యక్షులు, ఆరుగురు ప్రధాన కార్యదర్శులు, 7గురు అధికార ప్రతినిధులు, 38మంది కార్యనిర్వహక కార్యదర్శులు, 40మంది కార్యదర్శులు ఉన్నారు.
జాతీయ కమిటీ ఉపాధ్యక్షులుగా కె నారాయణ, డికె సత్యప్రభ, గరికపాటి మోహన్‌రావు, మాగుంట శ్రీనివాసరెడ్డి, సండ్ర వెంకటవీరయ్య; ప్రధాన కార్యదర్శులుగా నారా లోకేష్, ఇ పెద్దిరెడ్డి, ఎంఏ షరీఫ్, కె రామ్మోహన్‌నాయుడు; కోశాధికారిగా శిద్దా రాఘవరావు; కార్యాలయ సమన్వయ కార్యదర్శిగా టిడి జనార్దన్‌రావు; ప్రోగ్రాం కమిటీ కన్వీనర్‌గా వివివి చౌదరి; క్రమశిక్షణ కమిటీ చైర్మన్‌గా తోట నరసింహం, సభ్యులుగా బక్కని నర్శింహులు, పిఎస్ మునిరత్నం; అధికార ప్రతినిధులుగా సీఎం రమేష్, కంభంపాటి రామ్మోహన్‌రావు, కొత్తకోట దయాకర్‌రెడ్డి, గల్లా జయదేవ్, అరవిందకుమార్‌గౌడ్; మీడియా కన్వీనర్‌గా ఎల్వీఎస్సార్కె ప్రసాద్ నియమితులయ్యారు.
పొలిట్ బ్యూరో సభ్యులుగా చంద్రబాబు, అశోక్‌గజపతిరాజు, యనమల రామకృష్ణుడు, చినరాజప్ప, కెఇ కృష్ణమూర్తి, హరికృష్ణ, కాల్వ శ్రీనివాసులు, దేవేందర్‌గౌడ్, ఉమామాధవరెడ్డి, రావుల చంద్రశేఖర్‌రెడ్డి, మోత్కుపల్లి నర్శింహులు, సోమిరెడ్డి చంద్రమోహన్‌రెడ్డి, ప్రతిభాభారతి, అయ్యన్నపాత్రుడు, నామా నాగేశ్వర్‌రావు, రేవూరి ప్రకాశ్‌రెడ్డి, సీతక్క నియమితులయ్యారు.
చిత్రాలు..కళా వెంకట్రావు* ఎల్ రమణ *చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.