రాష్ట్రీయం
రైతు చనిపోయాడు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ కరీంనగర్, సెప్టెంబర్ 24: తెరాస సర్కారు చేపట్టిన దళితుల భూ పంపి ణీ కార్యక్రమం నిండు ప్రాణాన్ని బలిగొంది. భూమి కోసం యువ రైతు కొద్దిరోజుల క్రితం ఒంటిపై పెట్రోలు పోసుకుని ఆత్మహత్యయత్నానికి పాల్పడ్డాడు. కాలిన గాయాలతో చికిత్స పొందుతూ 22 రోజులపాటు మృత్యువుతో పోరాడి ఆదివారం మధ్యాహ్నం హైదరాబాద్‌లోని యశోద ఆసుపత్రిలో తుదిశ్వాస విడిచాడు. దళితులకు భూ పంపిణీలో అక్రమాలు చోటుచేసుకున్నాయని, తనకు రావలసిన మూడెకరాల భూమి దక్కలేదని మనోవేదనకు గురైన సిద్దిపేట జిల్లా బెజ్జంకి మండలం గూడెం గ్రామానికి చెందిన మహాంకాళి శ్రీనివాస్, మరో రైతు యాలాల పరశురాములు మానకొండూరు ఎమ్మెల్యే రసమయి బాలకిషన్ ఆఫీసు వద్ద ఈనెల 3న ఒంటిపై కిరోసిన్ పోసుకుని నిప్పంటించుకున్నారు. దీంతో మహాంకాళి శ్రీనివాస్ ఒళ్లు కాలిపోగా, పరశురాములు తీవ్రంగా గాయపడ్డాడు. సంఘటనపై వెంటనే స్పందించిన ఎమ్మెల్యే రసమయి బాలకిషన్, జిల్లా మంత్రి, ఎంపీలు బాధితుల ప్రాణాలను కాపాడుతామని మెరుగైన వైద్యం కోసం హైదరాబాద్‌కు తరలించారు.
శ్రీనివాస్ ఆరోగ్య పరిస్థితి విషమంగా ఉండటంతో 22రోజులుగా మృత్యువుతో పోరాడుతున్నాడు. కాగా మరో వ్యక్తి పరశురాములు కోలుకున్నాడని, సోమవారం ఇతణ్ని డిశ్చార్జి చేస్తున్నట్టు ఆసుపత్రి వర్గాలు వెల్లడించాయి. ఈ నేపథ్యంలో మహాంకాళి శ్రీనివాస్ మృతిచెందగా ఆసుపత్రి
వద్ద ఉద్రిక్తత వాతావరణం చోటుచేసుకుంది. భారీ బందోబస్తు మధ్య మృతదేహాన్ని సొంతూరికి తరలించారు. ఎమ్మెల్యే రసమయి ఆఫీసు వద్ద పోలీసులు భారీగా మోహరించారు.
భగ్గుమన్న ప్రతిపక్షాలు, దళిత సంఘాలు
యువ రైతు మహంకాళి శ్రీనివాస్ మృతి పట్ల ప్రతిపక్షాలు, దళిత సంఘాలు భగ్గుమన్నాయి. మృతుడి కుటుంబాన్ని అన్ని విధాలా ఆదుకోవాలని, రూ. 50 లక్షలు ఎక్స్‌గ్రేషియా చెల్లించాలని, రైతు మృతికి కారకుడైన ఎమ్మెల్యే రసమయి బాలకిషన్‌ను బర్తరఫ్ చేయాలని డిమాండ్ చేస్తూ కరీంనగర్, సిద్దిపేట జిల్లాల్లో బిజెపి, టిడిపి, కాంగ్రెస్, సిపిఐ పార్టీల నాయకులు, కార్యకర్తలు పెద్దఎత్తున ఆందోళనకు దిగారు. పలుచోట్ల ఎమ్మెల్యే రసమయి దిష్టిబొమ్మలు దగ్ధం చేశారు. దళిత సంఘాల ఆధ్వర్యంలో నిరసన ప్రదర్శనలు జరిగాయి.
నేడు బంద్‌కు పిలుపు
రైతు శ్రీనివాస్ మృతికి నిరసనగా తెలుగుదేశం పార్టీ సోమవారం మానకొండూరు నియోజకవర్గం బంద్‌కు పిలుపునిచ్చింది. ఈ సందర్భంగా జిల్లాలో ఎలాంటి అవాంఛనీయ సంఘటనలు చోటుచేసుకోకుండా పోలీసులు భారీ బందోబస్తు ఏర్పాటు చేశారు. ఎమ్మెల్యే రసమయి బాలకిషన్ కార్యాలయం వద్ధ పోలీసులు భారీగా మోహరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.