రాష్ట్రీయం
బ్లూవేల్ బూచియేనా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 24: దేశవ్యాప్తంగా కలకలం సృష్టిస్తోన్న బ్లూవేల్ బూచి మాత్రమేనని కొందరు అంటుండగా, ఇది నిజంగా బూచియేనానని మీమాంస మరికొందరిలో వ్యక్తమవుతోంది. అదేబాటలో రియాల్టీ షో కూడా బూచిగానే మరికొందరు పరిగణిస్తున్నారు. బహుమతి ఇవ్వలేదని.. ప్రేయసి రాలేదని.. ప్రేమలో పడేందుకే ఇలాంటి షోలకు పాల్పడుతున్నారని వాదనలు వినిపిస్తున్నాయి. ఈ క్రమంలో బ్లూవేల్ సవాల్ ప్రభావంపై ఇటీవల హైదరాబాద్ సైబర్ క్రైం పోలీస్ అధికారులు విశే్లషించేందుకు పుదుచ్చేరి, మధురై వెళ్లారు. నేర పరిశోధన అధికారులు చేసిన పరిశీలనలో కొత్త అంశాలు వెల్లడయ్యాయి. బ్లూవేల్ సవాల్‌కు స్పందించి ఆత్మహత్యా యత్నాలు చేసుకున్న వారిలో 80శాతం మంది ఇతర కారణాలతో అలా చేసుకున్నట్టు తేలింది. బాధితులు బ్లూవేల్ గురించి తెలుసుకుని దాన్ని బూచిగా చూపి తల్లిదండ్రులు, స్నేహితులు, ప్రియురాలి దృష్టి ఆకర్షించేందుకు ఇలా చేశారని అధికారులు విశే్లషించారు. రెండు నెలల వ్యవధిలోనే దేశంలోని మొత్తం ఎనిమిది ప్రాంతాల్లో బ్లూవేల్ సవాల్‌తో ఆత్మహత్యలకు పాల్పడ్డారంటూ వార్తలు వచ్చిన విషయం తెలిసిందే. అయితే ఆ సవాల్‌లో పాల్గొన్నవారు ఎలా ప్రవర్తిస్తారు? ఇందుకు గల కారణాలేంటీ? అని తెలుసుకుని హైదరాబాద్‌లో బ్లూవేల్ ప్రభావాన్ని తగ్గించాలని సైబర్ క్రైం పోలీసులు నిర్ణయించారు. ఇందులో భాగంగానే అధికారుల బృందం కొన్ని రాష్ట్రాల్లో పర్యటించింది. ఆత్మహత్యాయత్నం చేసుకున్నవారితో మాట్లాడినట్టు డిసిపి అవినాశ్ మహంతి తెలిపారు. రాజస్థాన్, నాగపూర్ పోలీస్ అధికారులతో కూడా మాట్లాడి వివరాలు సేకరించారు. ఇటీవల మిడ్నాపూర్‌లో మృతిచెందిన ఓ 16ఏళ్ల కుర్రాడు బ్లూవేల్ సవాల్‌తో ఇల్లు వదిలి రాలేదని, వేరే కారణాలతో వచ్చాడని అక్కడి అధికారులు చెప్పినట్టు తెలిపారు. ఓ విద్యార్థి తన పుట్టిన రోజుకు స్నేహితులు, తల్లిదండ్రులు బహుమతి ఇవ్వకపోవడంతో అలా చేశాడని వివరించినట్టు డిసిపి పేర్కొన్నారు. మధురైలో 20 రోజుల క్రితం ఆత్మహత్యకు పాల్పడ్డ విఘ్నేష్ అనే యువకుడు బ్లూవేల్ చిత్రాన్ని చేతిపై వేసుకోలేదని, గాటు మాత్రమే పెట్టుకున్నాడంటూ అక్కడి అధికారులు తమకు వివరించినట్టు ఆయన పేర్కొన్నారు. తన ప్రియురాలు సరిగ్గా మాట్లాడడం లేదని, తాను పిలిచిన చోటికి రాలేదన్న కారణంతోనే ఆమె దృష్టిని ఆకర్షించేందుకు విఘ్నేష్ ఇలా చేసినట్టు అక్కడి పోలీసుల దర్యాప్తులో తేలిందన్నారు.
ప్రస్తుతం అంతర్జాలంలో బ్లూవేల్ లింకులు లేవని సైబర్ క్రైం డిసిపి అవినాష్ మహంతి తెలిపారు. బ్లూవేల్‌పై ఆందోళన చెందాల్సిన అవసరం లేదని, పిల్లలను గమనిస్తూ ఉండాలని ఆయన సూచించారు. గత ఆరేళ్ల క్రితం హైదరాబాద్ నగరంలో రియాల్టీ షోల ముసుగులో ఇలాంటి ఘటనలు కూడా చోటుచేసుకున్నాయన్నారు. బ్లూవేల్, రియాల్టీ షోలకు పిల్లలు దూరంగా ఉండేలా గమనిస్తూ ఉండాలని డిసిపి అవినాష్ మహంతి సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.