రాష్ట్రీయం
కెఎల్‌యూలో బడ్జెట్ అసెంబ్లీ?
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 19: అసెంబ్లీ బడ్జెట్ సమావేశాల నిర్వహణకు అనువైన ప్రదేశంపై ప్రభుత్వ, శాసనసభ, పోలీసు ఉన్నతాధికారులతో చర్చించి నిర్ణయం తీసుకుంటామని శాసనసభ స్పీకర్ డాక్టర్ కోడెల శివప్రసాద్ అన్నారు. బడ్జెట్ సమావేశాల నిర్వహణకు కెఎల్ యూనివర్సిటీని మంగళవారం ఉదయం ఆయన పరిశీలించారు. ఈ సందర్భంగా స్థానిక పాత్రికేయులతో మాట్లాడుతూ రానున్న బడ్జెట్ సమావేశాలను రాష్ట్ర రాజధానిలో నిర్వహిస్తే సముచితంగా ఉంటుందన్న ప్రజల మనోభావాల్ని దృష్టిలో ఉంచుకుని ఇందుకు అనువైన వేదిక గుర్తించేందుకు కెఎల్ యూనివర్సిటీని సందర్శించినట్లు స్పీకర్ తెలిపారు. శాసనసభ సమావేశాల నిర్వహణకు తగిన విధంగా భవనాలను కేటాయించేందుకు కెఎల్ యూనివర్సిటీ యాజమాన్యం ముందుకొచ్చిన మీదట తాము సందర్శనకు వచ్చినట్లు ఆయన పేర్కొన్నారు. కేవలం భవనాల కేటాయింపు మాత్రమే సమావేశాల నిర్వహణకు సరిపోదని, ముఖ్యమంత్రి, మంత్రుల, సభ్యులు భద్రత, ఇతర సౌకర్యాలు కూడా పరిగణనలోకి తీసుకోవాల్సి ఉంటుందని స్పీకర్ చెప్పారు. ఇందుకోసం త్వరలోనే సంబంధిత ఉన్నతాధికారులతో సమావేశం నిర్వహిస్తామని స్పీకర్ వెల్లడించారు. ఈ పర్యటనలో స్పీకర్ వెంట శాసనసభ కార్యదర్శి సత్యనారాయణ, ముఖ్యమంత్రి భద్రతా అధికారి జోషి, రహదారులు, భవనాల శాఖ ఎస్‌ఇ కె.రాఘవేంద్రరావు, ఇఇ పి.మహేశ్వరరావు, కెఎల్ యూనివర్సిటీ వైస్ ప్రెసిడెంట్ కె.హవీష్, వైస్ ఛాన్సలర్ ఎల్‌ఎస్‌ఎస్ రెడ్డి తదితరులు పాల్గొన్నారు.
చిత్రం... కెఎల్ యూనివర్సిటీ భవనాలు పరిశీలిస్తున్న స్పీకర్ కోడెల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.