రాష్ట్రీయం
సింగిల్ విండో.. సినిమా!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 7: దేశంలో ఎక్కడా లేనివిధంగా తెలంగాణ రాష్ట్ర చలనచిత్ర అభివృద్ధి సంస్థ ఆధ్వర్యంలో ఆన్‌లైన్ టికెటింగ్ పోర్టల్‌తో పాటు షూటింగ్‌ల కోసం సింగిల్ విండో అనుమతులను అందించే ఆన్‌లైన్ విధానాన్ని ప్రారంభించినట్టు సినిమాటోగ్రఫీ మంత్రి తలసాని శ్రీనివాస్ యాదవ్ తెలిపారు. శనివారం సచివాలయంలో ఆయన లాంఛనంగా టిఎస్ బాక్సాఫీస్ డాట్ ఇన్ అనే వెబ్ పోర్టల్‌ను ప్రారంభించారు. సిఎం కెసిఆర్ ఆదేశాలతో తెలుగు చలన చిత్ర పరిశ్రమ అభివృద్ధికి ప్రభుత్వ మంత్రులతో సబ్ కమిటీ వేసిందని, వారికి ఉపయోగపడే ఎన్నో నిర్ణయాలను ప్రభుత్వం తీసుకుందని అన్నారు. చిన్న చిత్రాల ప్రోత్సాహానికి ఐదో ఆట ప్రదర్శించేందుకు అనుమతి ఇస్తున్నామని అన్నారు. ఇందుకు సంబంధించిన జీవోలను ఒకటి రెండు రోజుల్లో ఇస్తామని చెప్పారు. సినిమా షూటింగ్‌లకు వివిధ శాఖల నుండి అనుమతులకు నిర్మాతలు ఇబ్బందులు పడుతున్న విషయాన్ని దృష్టిలో ఉంచుకుని టిఎస్‌ఎఫ్‌డి ఆన్‌లైన్ దరఖాస్తు చేసుకుంటే ఏడు రోజుల్లో అన్ని అనుమతులు మంజూరు అవుతాయని చెప్పారు. ఏడు రోజుల లోపు అనుమతి రాకపోతే వచ్చినట్టు పరిగణించి షూటింగ్‌లు ప్రారంభించుకోవచ్చని అన్నారు. అంతర్జాతీయ స్థాయిలో ఫిలింస్టూడియో నిర్మాణానికి సంబంధించిన స్థలం ఎంపిక దీపావళి తర్వాత జరుగుతుందని తెలిపారు. ఆర్టీసీ బస్టాండ్‌లలో మినీ థియేటర్ల నిర్మాణానికి టెండర్లు పిలిచామని ఆయన వెల్లడించారు. సినీ అవార్డుల నిర్వహణకు సంబంధించి ప్రభుత్వ సలహాదారు డాక్టర్ కె వి రమణాచారి అధ్యక్షతన కమిటీ సమావేశమైందని, మార్గదర్శకాలను తయారుచేసి ముఖ్యమంత్రి అనుమతితో నిర్వహిస్తామని అయన తెలిపారు. ఈ సందర్భంగా రమణాచారి మాట్లాడుతూ రెండు మంచి కార్యక్రమాలు ప్రారంభం అయ్యాయని అన్నారు. ఎఫ్‌డిసి చైర్మన్ రాం మోహన్ మాట్లాడుతూ సినీ పరిశ్రమ అభివృద్ధికి అనేక నిర్ణయాలను ప్రభుత్వం తీసుకుంటోందని చెప్పారు. ఎండి నవీన్ మిట్టల్ మాట్లాడుతూ దేశంలో అత్యుత్తమ విధానాన్ని ప్రారంభించామని అన్నారు. ఆన్‌లైన్ అనుమతులకు సంబంధించి ప్రతి శాఖలో ఒక నోడల్ అధికారి ఉంటారని, వీరు వారంలో అనుమతుల ప్రక్రియ పూర్తి చేస్తారని వివరించారు. ఈ కార్యక్రమంలో జెఎండి కిశోర్ బాబు, హైదరాబాద్ అడిషనల్ కమిషనర్ టి మురళీకృష్ణ, సైబరాబాద్ జాయింట్ కమిషనర్ షాన్‌వాజ్ ఖాసిం, సినీ ప్రముఖులు దిల్ రాజు, జెమిని కిరణ్ తదితరులు పాల్గొన్నారు.
చిత్రం..ఆన్‌లైన్ టికెటింగ్ పోర్టల్‌ను ప్రారంభిస్తున్న మంత్రి తలసాని
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.