రాష్ట్రీయం
నైరుతి.. తిష్టవేసింది!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 8: తెలంగాణలో నైరుతి రుతుపవనాలు తిష్టవేశాయి. నైరుతీ రుతుపవనాలు (సౌత్‌వెస్ట్ మాన్‌సూన్) ఇప్పటికే రాష్ట్రం నుంచి వెళ్లిపోయి, ఈశాన్య రుతుపవనాలు (నార్త్-ఈస్ట్ మాన్‌సూన్) ప్రారంభం కావల్సి ఉన్నప్పటికీ, అది జరగలేదు. సీజన్ చివరిలో తెలంగాణ అంతటా భారీ వర్షాలు కురుస్తున్నాయి. ఏటా జూన్ నుండి సెప్టెంబర్ చివరి వరకు అంటే నాలుగు నెలలపాటు నైరుతి రుతుపవనాలు తెలంగాణలో కీలక భూమిక పోషిస్తాయి. ఈ నాలుగు నెలల కాలంలో రాష్ట్రంలో సరాసరి వర్షాపాతం 720 మిల్లీమీటర్లుగా నమోదవుతుంది. ఒక్కో పర్యాయం ఇంతకుమించి వర్షం కురుస్తుంది. మరికొన్ని సందర్భాల్లో తక్కువ వర్షపాతం నమోదవుతుంది. తాజా సమాచారం ప్రకారం ఈ సీజన్‌లో 620 మిల్లీమీటర్ల వర్షపాతం నమోదైంది. కాస్త తక్కువ ఐనప్పటికీ, ఇది సాధారణ వర్షపాతంగానే భావిస్తుంటారు. తెలంగాణలోని చాలా ప్రాంతాల్లో ఈ ఏడాది చెరువులు, కుంటల్లోకి బాగా నీళ్లు చేరుకున్నాయి. శ్రీశైలం రిజర్వాయర్ దాదాపు పూర్తిస్థాయిలో
నిండింది. దాంతో శ్రీశైలం బ్యాక్ వాటర్‌ను తెలంగాణలోని మహబూబ్‌నగర్, వనపర్తి, నాగర్‌కర్నూలు, రంగారెడ్డి జిల్లాలకు ఇప్పుడు తరలిస్తున్నారు. దాంతో ఆయా జిల్లాల్లోని ప్రజల్లో ఆనందం తాండవిస్తోంది.
నైరుతీ రుతుపవనాల వల్ల వచ్చే వర్షంతో తెలంగాణలోని దాదాపు 40 లక్షల ఎకరాల్లో మెట్టపంటలు వేస్తారు. మెట్టపంటలైన జొన్న, సజ్జ, తైదలు, ఆముదం, కందులు, పెసళ్లు, మినుములు, ఉలవలు, పల్లీ, పొద్దుతిరుగుడు, కుసుమ, సోయా, పత్తి, మిరప, ఉల్లి తదితర పంటలు వేస్తారు. వరి ఒక్కటే సాగునీరు అందుబాటులో ఉండే చెరువులు, కుంటలు, కాలువలు, బావులు, బోర్‌బావుల కింద పండిస్తారు. ఈ ఏడు 18 లక్షల ఎకరాల్లో వరినాట్లు పడ్డాయి. ఈశాన్య రుతుపవనాలపై ఆధారపడి తెలంగాణ రైతులు పంటలు వేయడం లేదు. వానాకాలం పంటలు పూరె్తైన తర్వాత యాసంగి పంటలు వేస్తారు. యాసంగి పంటలు నవంబర్- డిసెంబర్‌లో ప్రారంభమవుతాయి. మార్చిలో పంటలు కోతకు వస్తాయి. వానాకాలం పంటలు ఇప్పుడు చేతికి వస్తున్నాయి. నెలరోజుల్లో యాసంగి పంటలు షురూ అవుతాయి.
హైదరాబాద్‌లో భారీ వర్షం
హైదరాబాద్‌లో గత మూడురోజుల నుండి భారీగా వర్షం కురుస్తోంది. ఆదివారం ఉదయం నుంచి సాయంత్రం వరకు రాజధాని నగరం యావత్తూ వర్షం కురిసింది. శనివారం రెండు సెంటీమీటర్ల నుండి ఏడు సెంటీమీటర్ల వరకు వాన కురవగా, ఆదివారం వివిధ ప్రాంతాల్లో రెండు సెంటీమీటర్ల నుండి ఎనిమిది సెంటీమీటర్ల వరకు వాన కురిసిందని భారత వాతావరణ శాఖ (ఐఎండి) తెలిపింది. హైదరాబాద్‌తో పాటు రంగారెడ్డి, మేడ్చల్, వికారాబాద్, మహబూబ్‌నగర్, వనపర్తి, నాగర్‌కర్నూలు, నల్లగొండ, మెదక్ తదితర జిల్లాల్లో వానలు కురుస్తున్నాయి. బంగాళాఖాతంలో అల్పపీడనం ఏర్పడటంతో ఈ వానలు కురుస్తున్నాయని ఐఎండి వెల్లడించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.