రాష్ట్రీయం
వచ్చేది.. గ్లోబల్ ఫార్మా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 10: ప్రపంచంలోనే అతి పెద్ద ఫార్మాసిటీని రాష్ట్రంలో నెలకొల్పడానికి సన్నాహాలు జరుగుతున్నాయని ఐటీ, పరిశ్రమలశాఖ మంత్రి కె తారకరామారావు అన్నారు. ఫార్మారంగంలో హైదరాబాద్ ప్రస్తుతం అగ్రస్థానంలో నిలిచిందని, ఫార్మాసిటీ ఏర్పాటుతో ప్రపంచంలోనే అగ్రస్థానానికి చేరుకుంటుందన్నారు. ఫార్మాసిటీ ఏర్పాటుపై అధికారుల బృందం దేశ విదేశాల్లో అన్ని కోణాల్లో అధ్యయనం చేసి వచ్చిందన్నారు. ఫార్మాసిటీవల్ల కాలుష్యం తప్పదన్న కాంగ్రెస్ తప్పుడు ప్రచారాన్ని మంత్రి ఖండించారు. వేర్వేరు ప్రాంతాల్లో ఫార్మా కంపెనీలను ఏర్పాటు చేయడంవల్ల అదనంగా డబ్బు ఖర్చు అవడంతో పాటు కాలుష్యం కూడా పెరిగిందన్నారు. ఒకేచోట వీటిని ఏర్పాటు చేయడం వల్ల డబ్బు ఆదాతోపాటు కాలుష్యాన్ని నియంత్రించవచ్చని మంత్రి కెటిఆర్ అభిప్రాయపడ్డారు. హెచ్‌ఐసిసిలో మంగళవారం ది ఫెడరేషన్ ఆఫ్ ఇండియన్ ఛాంబర్స్ కామర్స్ అండ్ ఇండస్ట్రీ (్ఫక్కీ) ఆధ్వర్యంలో ‘సాంకేతికత స్వీకరణ, తెలంగాణ పరివర్తన’ అంశంపై ఏర్పాటు చేసిన సదస్సును మంత్రి కెటిఆర్ ప్రారంభించారు. ఫార్మాసిటీ ఏర్పాటుతో కాలుష్యం ఏర్పడుతుందని ప్రజలు ఆందోళన చెందాల్సిన అవసరం లేదన్నారు. పారిశ్రామిక కాలుష్యమనేది సాంకేతికత అంతగా అభివృద్ధి చెందనప్పుడు జరిగేదని, రానురాను కాలుష్యరాహిత్య పరిజ్ఞానం అందుబాటులోకి వచ్చిందన్నారు. ఔషదాల తయారీలో భారత్ వెనుకబడి ఉందని, ఇప్పటికీ 84శాతం మందుల ముడి సరుకులను చైనా, ఐరోపా, అమెరికా నుంచి దిగుమతి అవుతున్నాయన్నారు. ఫార్మాసిటీ ఏర్పాటు చేశాక మందుల ధరలు గణనీయంగా తగ్గనున్నాయన్నారు. ఫార్మాసిటీ వల్ల ప్రత్యక్షంగా, పరోక్షంగా 4.2 లక్షల మందికి ఉద్యోగ, ఉపాధి అవకాశాలు లభిస్తాయన్నారు. ఉద్యోగాలలో స్థానికులకు ప్రాధాన్యత కల్పించేందుకు చర్యలు తీసుకుంటామన్నారు. నిరుద్యోగులకు శిక్షణ ఇచ్చి ఉద్యోగం కల్పించే బాధ్యతను ప్రభుత్వమే తీసుకుంటుదని మంత్రి హామీ ఇచ్చారు. ఒకేసారి 19 వేల ఎకరాల్లో ఫార్మాసిటీని ఏర్పాటు చేయడం సాధ్యం కాదని, దశలవారీగా విస్తరిస్తామన్నారు. ఫార్మాసిటీ ఏర్పాటుతో ప్రభుత్వానికి మంచి పేరు వస్తుందేమోనని విపక్షాలు భయపడుతు న్నాయని, ఆ భయంతోనే దుష్ప్రచారం చేస్తున్నాయన్నారు. అలాంటి అవాస్తవిక ప్రచారాలను స్థానికులు తిప్పికొట్టాలని మంత్రి కెటిఆర్ పిలుపునిచ్చారు.
చిత్రం..‘సాంకేతికత స్వీకరణ, తెలంగాణ పరివర్తన’ అంశంపై ఫిక్కీ నిర్వహించిన సదస్సులో ప్రతినిధులతో మంత్రి కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.