రాష్ట్రీయం
2018లో చంద్రయాన్-2
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, జనవరి 26: నెల్లూరు జిల్లా శ్రీహరికోటలోని భారత అంతరిక్ష ప్రయోగ కేంద్రం సతీష్ థావన్ స్పేస్ సెంటర్ (షార్) నుండి ఈ ఏడాది మరో ఆరు రాకెట్ ప్రయోగాలు చేపడుతున్నట్లు షార్ డైరెక్టర్ కె కున్హికృష్ణన్ తెలిపారు. మంగళవారం ఆయన షార్‌లోని కల్పన అంతరిక్ష భవనంలో విలేఖర్ల సమావేశంలో మాట్లాడుతూ 2018లో చంద్రయాన్-2 ప్రయోగానికి సన్నాహం చేస్తున్నట్లు చెప్పారు. మార్చి 10న పిఎస్‌ఎల్‌వి-సి 32 రాకెట్ ద్వారా ఐఆర్‌ఎన్‌ఎస్‌ఎస్-1ఎఫ్, మార్చి 31న పిఎస్‌ఎల్‌వి-సి 33 వాహక నౌక ద్వారా ఐఆర్‌ఎన్‌ఎస్‌ఎస్-1జి భారత క్షేత్రియ దిక్సూచి ఉపగ్రహ ప్రయోగాలు ఉంటాయన్నారు. ఫిబ్రవరి రెండో వారంలో ఉపగ్రహాలను బెంగళూరు నుండి షార్ కేంద్రానికి తీసుకొచ్చి రాకెట్‌లో అమర్చుతామన్నారు. ఇప్పటికే నావిగేషన్ సిరీస్‌లో ఐదు ప్రయోగాలు పూర్తయ్యాయని ఈ రెండు ప్రయోగాలు పూర్తయితే నావిగేషన్ సేవలు పూర్తిస్థాయిలో అందుబాటులోకి రానున్నాయన్నారు. సెప్టెంబరులో పిఎస్‌ఎల్‌వి-సి 34 ద్వారా మన దేశానికి చెందిన కార్డోశాట్- 2సి, అక్టోబర్ చివరిలో పిఎస్‌ఎల్‌వి-సి 35 రాకెట్ ద్వారా స్వదేశానికి చెందిన రీసోర్స్‌శాట్- 2ఎ ఉపగ్రహాలను అంతరిక్షంలోకి పంపనున్నట్లు పేర్కొన్నారు. జూన్‌లో జిఎస్‌ఎల్‌వి- ఎఫ్ 05 ద్వారా ఇన్‌శాట్-3డిఆర్ ఉపగ్రహ ప్రయోగం ఉంటుందన్నారు. డిసెంబరులో జిఎస్‌ఎల్‌వి-మార్క్ 3 ప్రయోగం చేపట్టనున్నట్లు తెలిపారు. ఆగస్టు నుండి డిసెంబరు చివరిలోపు ఒక ఆర్‌ఎల్‌వి పునఃప్రవేశ ప్రయోగం ఉంటుందని దీని ద్వారా అంతరిక్షంలో కాలపరిమితి అయిన ఉపగ్రహాలతో పాటు వ్యర్థపదార్థాలను తీసుకొచ్చేందుకు వీలుంటుందన్నారు. 2018లో చంద్రయాన్-2 ప్రయోగానికి సన్నాహం చేస్తున్నట్లు ఆయన పేర్కొన్నారు. కార్యక్రమంలో షార్ గ్రూపు డైరెక్టర్ విజయసారధి, పబ్లికేషన్ అండ్ పబ్లిసిటి అధికారి విశ్వనాధ్‌శర్మ, షార్ ఉద్యోగులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.