రాష్ట్రీయం
‘గ్రీన్ రైల్వే స్టేషన్’గా సికింద్రాబాద్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 11: దేశంలో ఉన్న రైల్వే స్టేషన్లలో సికింద్రాబాద్ రైల్వే స్టేషన్ ‘గ్రీన్ రైల్వే స్టేషన్’గా గుర్తింపు తెచ్చుకుంది. ఇండియా గ్రీన్ బిల్డింగ్ కౌన్సిల్, కానె్ఫడరేషన్ ఆఫ్ ఇండియన్ ఇండస్ట్రీ సంయుక్తంగా సికింద్రాబాద్ రైల్వే స్టేషన్‌కు గ్రీన్ రేటింగ్ ఇచ్చాయి. దక్షిణ మధ్య రైల్వేకి ఇప్పటి వరకు లభించిన రికార్డుల్లో ఇదో అరుదైన రికార్డుగా రైల్వే అభివర్ణించింది. ఈ రేటింగ్ కోసం జాతీయ స్థాయిలో పరిశీలనకు తీసుకునే అంశాలైన నీటి సంరక్షణ, చెత్త, వ్యర్ధపదార్ధాలను సక్రమంగా తొలగించడం, ఇంధన సామర్ధ్యాన్ని సక్రమంగా వినియోగించుకోవడం, విద్యుత్ వినియోగంలో పొదుపు, అనవసరమైన మెటీరియల్స్‌ను వాడకుండా తద్వారా ఆరోగ్య పరిరక్షణ, ప్రయాణీకులకు మెరుగైన సేవలు అందించడంతో గ్రీన్ రైల్వే స్టేషన్‌గా గుర్తింపు వచ్చిందని రైల్వే తెలిపింది. ఈ నెల 5న జైపూర్‌లో జరిగిన గ్రీన్ బిల్డింగ్ కాంగ్రెస్ 2017లో సికింద్రాబాద్ డివిజన్ రైల్వే అధికారులు వరల్డ్ గ్రీన్ బిల్డింగ్ కౌన్సిల్ చైర్మన్ తాయ్ లీ సియాంగ్, సిఈఓ టెర్రీ విల్స్ నుంచి ఈ అవార్డును స్వీకరించారు. ఈ అవార్డు కాలపరిమితి మూడేళ్ల వరకు ఉంటుంది. దక్షిణ మధ్య రైల్వే జనరల్ మేనేజర్ వినోద్ కుమార్ యాదవ్ వ్యూహ రచన చేసి అందించిన ప్రణాళిక మేరకు కింది స్థాయి అధికారులంతా సమిష్టిగా చేసిన కృషి ఫలితంగా జాతీయ స్థాయి గుర్తింపు సికింద్రాబాద్ రైల్వే స్టేషన్‌కు లభించిందని రైల్వే పేర్కొంది. సికింద్రాబాద్ రైల్వే స్టేషన్ 13.34 ఎకరాల్లో ఉండగా, ఆ పరిధిలో వివిధ రకాల 408 చెట్లను పెంచుతున్నారు. 2016లో 500 కెడబ్ల్యూపి సామర్ధ్యంతో కూడిన సౌరవిద్యుత్ పాంట్‌ను కూడా ఏర్పాటు చేసింది. ఈ ప్లాంట్ ద్వారా 2500 యూనిట్ల విద్యుత్ ఉత్పాతన ప్రతి రోజు జరుగుతోంది. సికింద్రాబాద్ స్టేషన్ విద్యుత్ అవసరాల్లో 37 శాతం సౌర విద్యుత్ ప్లాంట్ తీరుస్తూ ఏటా రూ.72.92 లక్షల మొత్తాన్ని ఆదా చేస్తోంది. ఇలా చేపట్టిన ఎన్నో మంచి పనుల వల్ల జాతీయ స్థాయి గుర్తింపు లభించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.