రాష్ట్రీయం
బాలల బయోస్కోప్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 7: రాష్ట్ర రాజధానిలో బుధవారం నుంచి వారంపాటు సినిమా పండుగ జరగబోతోంది. 20వ అంతర్జాతీయ బాలల చలన చిత్రోత్సవాన్ని నేటినుంచి 14 వరకు నిర్వహించేందుకు భారీ ఏర్పాట్లు జరిగాయి. హైదరాబాద్, రంగారెడ్డి జిల్లాల్లోని 13 థియేటర్లతో పాటు రాష్టవ్య్రాప్తంగా ఉన్న మిగతా 29 జిల్లాల్లో ఎంపిక చేసిన థియేటర్లలో చిత్రాల ప్రదర్శన నిర్వహిస్తున్నారు. చిల్డ్రన్స్ ఫిలిం సొసైటీ ఆఫ్ ఇండియా, తెలంగాణ ప్రభుత్వం సంయుక్తంగా ఉత్సవాలను నిర్వహిస్తున్నాయి. బుధవారం సాయంత్రం శిల్పకళాతోరణంలో ప్రారంభోత్సవ వేడుకలు నిర్వహిస్తారు. ఉత్సవాలకు సంబంధించి ఏర్పాట్లపై తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస యాదవ్ మంగళవారం సమీక్షించారు. హైదరాబాద్ (ఐమాక్స్ థియేటర్)లో ఏర్పాటు చేసిన మీడియా సెంటర్‌ను ఆయన ప్రారంభించారు. ఈ సందర్భంగా మీడియాతో మాట్లాడుతూ బాలల చలన చిత్రోత్సవం పిల్లల్లో సృజనాత్మక శక్తిని పెంచుతుందని, మంచి నడవడికకు దోహదపడుతుందన్నారు. బాలల చిత్రోత్సవ వేడుకలకు హైదరాబాద్ నగరం సరైన నగరమని, ఇక్కడ వాతావరణం ఆహ్లాదంగా ఉంటుందన్నారు.
31 దేశాల నుండి 300 మంది ‘చైల్డ్ డెలిగేట్స్’ వేడుకలకు హాజరవుతున్నారు. తెలంగాణ నుంచి 50 మంది పిల్లలు చైల్డ్ డెలిగేట్స్‌గా హాజరవుతారు. ఈ సందర్భంగా నిర్వహిస్తున్న వర్క్‌షాప్‌లో బాలబాలికల చిత్ర నిర్మాణం, కథారచన, యానిమేషన్ తదితర అంశాల్లో శిక్షణ ఇవ్వనున్నారు. బాలల చలన చిత్రోత్సవం స్ఫూర్తిదాయక సందేశాన్ని రాష్ట్ర నలుమూలలకు తీసుకుపోయేందుకు తొలిసారిగా జిల్లా కేంద్రాల్లోనూ చిత్రాల ప్రదర్శనకు ఏర్పాట్లు చేశారు.
ప్రస్తుతం నిర్వహిస్తున్న చలన చిత్స్రోవాల్లో పాల్గొంటున్న చైల్డ్ డెలిగేట్స్ సంఖ్య గతంలోకంటే ఎక్కువగా ఉందని చిల్డ్రన్స్ ఫిలిం సొసైటీ ఆప్ ఇండియా సిఈఓ శ్రవణ్‌కుమార్ తెలిపారు. ప్రస్తుత ఉత్సవాలు ప్రత్యేక ప్రతిపత్తి సంతరించుకున్నాయన్నారు. లిటిల్ డైరెక్టర్స్ విభాగంలో ప్రదర్శించే పిల్లలే తీసిన పిల్లల చిత్రాల సంఖ్య గణనీయంగా పెరిగిందన్నారు. 31 దేశాల నుండి లిటిల్ డైరెక్టర్ విభాగంలో ‘చిన్నారి దర్శకులు’ పాల్గొంటున్నారని వివరించారు. వివిధ దేశాల్లో నిర్వహించే బాలల చిత్రోత్సవాల్లో పాల్గొన్న 92మంది ప్రఖ్యాత దర్శకులు, సినిమారంగంతో సంబంధం ఉన్న వివిధ వర్శిటీల ప్రొఫెసర్లు, ఇతర ప్రముఖులు పాల్గొంటున్నారు. చలన చిత్ర రంగంలో ఆసక్తి ఉన్న చిన్నారులకు ‘లెర్నింగ్ ఎక్స్‌పీరియన్స్’గా ఉంటుందని భావిస్తున్నామన్నారు. హైదరాబాద్ నగరాన్ని అంతర్జాతీయ చలన చిత్రోత్సవాలకు శాశ్వత వేదికగా ప్రకటించే అంశం పరిశీలనలో ఉందని శ్రావణ్‌కుమార్ తెలిపారు. ప్రారంభోత్సవం సందర్భంగా ‘స్కూల్ ఛలే’గా చిత్ర ప్రదర్శన ఉంటుందని తెలంగాణ రాష్ట్ర సమాచార శాఖ కమిషనర్ నవీన్‌మిట్టల్ తెలిపారు. చిత్రోత్సవాల్లో తెలుగు సినిమాలు పూర్ణ, నేను నా దేశం, అప్పూ తదితర సినిమాలను చేర్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.