రాష్ట్రీయం
గిరిజన రైతుల నిలువు దోపిడీ
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, నవంబర్ 9: అనుమతులు లేకుండానే వ్యాపారాలు చేస్తూ తమ మాటలతో, చేతలతో అమాయక గిరిజనులను మోసం చేస్తున్న వైనమిది. తెలంగాణ రాష్ట్రంలోని సుమారు 12జిల్లాల్లో ఈ తరహా వ్యాపారం ముమ్మరంగా సాగుతోంది. రైతులు పోడు చేసుకొని పండించిన ధాన్యాన్ని వ్యాపారులు పడికట్టి నాణ్యతాలోపం పేరుతో తక్కువ ధరకు కొనుగోలు చేస్తున్నారు. ఇప్పటికే పంటలకు తెగుళ్ళు సోకి నష్టపోయిన రైతులకు ఇది మరింత ఇబ్బందిగా మారింది. గతంలో సొసైటీలు, డ్వాక్రా సంఘాలు ధాన్యం కొనుగోలు చేసేవి. కాని డ్వాక్రా ఉద్యోగులు సమ్మె చేస్తున్న నేపథ్యంలో వ్యాపారులు తమకు అనుకూలమైన ధరను చెల్లిస్తూ గిరిజనులను మోసం చేస్తున్నారు. తూకంలో పడికట్టి రైతులను ఇబ్బందులపాలు చేస్తున్నారు. తాము కొనుగోలు చేసిన ధాన్యాన్ని సమీపంలోని వ్యవసాయ మార్కెట్‌కు తరలించి అమ్మేవారు కొందరైతే మరికొందరు నేరుగా రైస్ మిల్లులకు తరలిస్తున్నారు. తరలించేందుకు అనుమతులు ఇస్తున్న అధికారులు కాటాల విషయంపై స్పందించకపోవడం విశేషం. కొంతమంది ధాన్యం వ్యాపారులు రైతుల అమాయకత్వాన్ని ఆసరాగా చేసుకొని రాళ్ళతోనే కాటాలు వేస్తున్నారు. నిబంధనల ప్రకారం సీలువేసిన రాళ్ళతోనే కాటాలు పట్టాలి. లైసెన్సులు ఉండాలి. కాని కొత్తగూడెం, భూపాలపల్లి, వరంగల్, అసిఫాబాద్, పెద్దపల్లి, వరంగల్ రూరల్, మహబూబాబాద్, ఆదిలాబాద్, నిర్మల్ జిల్లాల పరిధిలోని ఏజన్సీ గ్రామాల్లో ఈ తరహా వ్యాపారం జోరుగా సాగుతున్నది. 75కిలోల బస్తాకు అతితక్కువ ధరను చెల్లిస్తున్నారు. నాటురాళ్ళు, బస్తాలతో పొలాల వద్దనే కర్రలు కట్టి తూకాలు వేస్తున్నారు. దీంతో 75కేజీల బస్తాకు ఆరునుంచి 8కేజీల వరకు మోసం జరుగుతున్నట్లు తెలుస్తోంది. ప్రతి జిల్లాలో సుమారు 45నుంచి 60మంది ధాన్యం వ్యాపారులు లైసెన్స్ లేకుండానే వ్యాపారం కొనసాగిస్తున్నారు. ఎటు చూసినా నిత్యం ఈ పరిస్థితి స్పష్టంగా కనిపిస్తోంది. మార్కెట్ కమిటీ అధికారులు, తూనికలు, కొలతల, రెవెన్యూ శాఖల అధికారులు కనీసం పట్టించుకోకపోవడం గమనార్హం.
చిత్రం..పొలంవద్దనే కర్రలతో కట్టి కాటాలు వేస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.