రాష్ట్రీయం
రికార్డు టైంలో పవర్ ప్లాంట్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 15: కొత్తగూడెం థర్మల్ ప్లాంట్ నిర్మాణం పూర్తయింది. వచ్చే నెలలో సిఎం కె చంద్రశేఖరరావు ప్లాంట్‌ను ప్రారంభించనున్నారు. తెలంగాణ ఆవిర్భవించిన తర్వాత 36 నెలల్లో థర్మల్ ప్లాంట్ నిర్మాణం పూర్తికావడం విశేషం. ఈ ప్రాజెక్టును బిహెచ్‌ఇఎల్ నిర్మించింది. ఈ ప్రాజెక్టుకు రూ. 3810 కోట్ల వ్యయమైంది. ఇంజనీరింగ్, ప్రొక్యూర్‌మెంట్, కన్‌స్ట్రక్షన్ ప్రాతిపదికన ప్లాంట్‌ను నిర్మించారు. 800 మెగావాట్ల విద్యుత్ థర్మల్ ప్లాంట్ నిర్మాణం 36 నెలల్లో పూర్తి కావడం దేశంలో తొలిసారి. దీంతో కెటిపిఎస్ కెపాసిటీ 2620 మెగావాట్లకు చేరుకుంది. ఇప్పటికే కెటిపిఎస్‌లో ఆరు యూనిట్లు పనిచేస్తున్నాయి. ఈ ఆరు యూనిట్ల కెపాసిటీ 1820 మెగావాట్లు. భద్రాద్రి థర్మల్ ప్లాంట్ 1080 మెగావాట్ల కెపాసిటీతో నిర్మించనున్నారు. ఈ ప్లాంట్ నిర్మాణం పనులు కూడా వేగవంతం చేశారు. తెలంగాణ జెన్కో ఈ ప్లాంట్‌ను నిర్మిస్తోంది. వచ్చే ఏడాది జూన్ నాటికి 270 మెగావాట్ల ప్లాంట్ తొలి దశ నిర్మాణం పూర్తి కానుంది. పర్యావరణ సంబంధ అనుమతుల్లో జాప్యం వల్ల ఈ ప్లాంట్ తొలి దశ నిర్మాణం మందగించింది. కాని అనుమతులు వచ్చిన వెంటనే ప్లాంట్ నిర్మాణం పనులు వేగంగా కొనసాగుతున్నట్లు తెలంగాణ జెన్కో వర్గాలు తెలిపాయి. ఈ ప్లాంట్‌లో విద్యుత్ ఉత్పత్తి ప్రారంభమైతే, ఖమ్మం, మహబూబాబాద్, వరంగల్, భవనగిరి, నల్లగొండ జిల్లాల్లో విద్యుత్ సరఫరాకు ఎటువంటి అంతరాయం కలగకుండా ఉంటుంది. యాదాద్రి థర్మల్ ప్లాంట్ 4వేల మెగావాట్ల ప్లాంట్ నిర్మాణం పనులు కూడా వేగవంతమైనట్లు జెన్కో అధికారులు తెలిపారు. నల్లగొండ జిల్లా దామరచర్ల వద్ద ఈ ప్లాంట్‌ను నిర్మిస్తున్నారు. బిహెచ్‌ఇఎల్‌కు ఈ ప్లాంట్ నిర్మాణం బాధ్యతలు అప్పగించారు. యాదాద్రి ప్లాంట్‌కు కూడా అనుమతులు త్వరలో లభించనున్నాయి. 2021 నాటికి ఈ ప్లాంట్ పూర్తి నిర్మాణం పనులు పూర్తవుతాయని జెన్కో అధికారులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.