రాష్ట్రీయం
ఉద్యమ నేత ఒక్కరూ లేరు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, నవంబర్ 16: అధికారం లేకపోయినా తెలంగాణ రాష్ట్ర సాధనే లక్ష్యంగా పోరాడిన వారికే రైతు సమన్వయ సమితుల్లో(ఆర్‌ఎస్‌ఎస్) స్థానం కల్పించామని అసెంబ్లీ సాక్షిగా ముఖ్యమంత్రి కేసీఆర్ ప్రకటించగా ఖమ్మం జిల్లా సమితిలో ఒక్కరు కూడా ఉద్యమ నేత లేకపోవడం గమనార్హం. జిల్లా సమన్వయ సమితుల్లో నాడు తెలంగాణ ఉద్యమంలో కాంగ్రెస్ ప్రభుత్వానికి ఎదురొడ్డి పోరాడిన వారినే తీసుకుంటామని స్పష్టంగా చెప్పిన ముఖ్యమంత్రి ఖమ్మం జిల్లాలో నాటి ఉద్యమనేతలు ఒక్కరు కూడా లేరనే విషయాన్ని గమనించలేదు. జిల్లా సమన్వయ సమితిలో 25మందిని నియమించాల్సి ఉండగా ఇప్పటికే ప్రతిపాదించిన జాబితాలో ఉద్యమ టీఆర్‌ఎస్ నేతలు ఒక్కరూ లేరు. టీడీపీ నుంచి వలస వచ్చిన వారు 13మంది, వైఎస్‌ఆర్ కాంగ్రెస్ నుంచి టీఆర్‌ఎస్‌లో చేరిన వారు వారు ఐదుగురు, కాంగ్రెస్ నుంచి చేరిన వారు ముగ్గురు, సీపీఎం నుంచి వచ్చి చేరిన వారు ముగ్గురు, సీపీఐ నుంచి వచ్చినవారు ఒకరు ఉన్నారు. జిల్లా కమిటీలో ప్రభుత్వ పెద్దలు ప్రతిపాదించిన జాబితాలో ఒక్కరు కూడా నాడు ఉద్యమంలో పనిచేసిన వారు లేకపోవడంపై సర్వత్రా చర్చ జరుగుతోంది. తెలంగాణ రాష్ట్రంలోని అన్ని జిల్లా సమన్వయ సమితుల్లో సగంమందికి పైగా పార్టీ అధికారంలోకి వచ్చిన తరువాత ఇతర పార్టీల నుంచి వచ్చి చేరిన వారే ఉన్నారు. ఇప్పటికే ప్రభుత్వం వలస పక్షులకే అధిక ప్రాధాన్యమిస్తున్నదని వస్తున్న ప్రచారానికి ఈ నియామకాలు, ముఖ్యమంత్రి ప్రకటన మరింత ప్రాధాన్యతను కల్పిస్తున్నాయి. నాడు ఉద్యమంలో ప్రభుత్వానికి ఎదురొడ్డి పోరాడిన నేతల కంటే మంత్రులు, ఎంపీలు, ఎమ్మెల్యేల అనుచరులకే సమన్వయ సమితుల్లో అధిక ప్రాధాన్యమిస్తున్నారని ప్రచారం జరుగుతోంది. దీనికి ఖమ్మం జిల్లాలో ఆ పార్టీ ప్రతిపాదించిన జాబితాను ఉదాహరణగా చెబుతున్నారు. ఇప్పటికే పలు కార్పొరేషన్ చైర్మన్లు, డైరెక్టర్ పదవుల్లో వలసవాదులకు ప్రాధాన్యతనిచ్చారని ఆరోపణలు ఎదుర్కొంటున్న ప్రభుత్వం రైతు సమన్వయ సమితులతో మరింత ఇరకాటంలో పడనున్నది. కొత్తగూడెం జిల్లాలో కూడా పూర్తిగా ఇదే పరిస్థితి నెలకొన్నది. ఉద్యమంలో కీలకంగా పనిచేసిన నేతల్లో ఒకరిద్దరు మినహా ఖమ్మం, కొత్తగూడెం జిల్లాల పరిధిలో నేతలు కన్పించడం లేదు. వారంతా రాజకీయాల్లో వెనుకబడగా ఇతర పార్టీల నుంచి వచ్చిన వారు అధికారం చెలాయిస్తున్నారు. స్థానిక సంస్థల ఎన్నికలు త్వరలో జరగనున్నాయనే ప్రచారం జరుగుతున్న నేపథ్యంలో తమ ప్రాంతాల్లో పట్టు బిగించేందుకు వలసవాదులు ఇప్పటి నుంచే ప్రయత్నిస్తున్నట్లు బహిరంగంగానే విమర్శలు వస్తున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.