రాష్ట్రీయం
నోట్ల మార్పిడి ముఠా అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
గోదావరిఖని, నవంబర్ 20: పాత నోట్లను భారత ప్రభుత్వం రద్దు చేసి ఏడాది దాటుతున్నా ఇంకా ఆ నోట్ల మార్పిడి చేసే దందా గుట్టుగా సాగుతూనే ఉంది. ఎక్కడిక్కడ కట్టుదిట్టం చేస్తున్నా... ఒక్కటి కాదు... రెండు కాదు... లక్షల రూపాయల నోట్ల మార్పిడి చేసే ముఠాలు పట్టుబడుతూనే ఉన్నాయి. నిన్న కొమురం భీం జిల్లా తిర్యాణిలో పాత నోట్ల మార్పిడి ముఠా పట్టుబడగా... నేడు పెద్దపల్లి జిల్లా రామగుండంలో రద్దయిన పాత నోట్లను తరలిస్తూ మార్పిడి చేసే ఐదుగురు సభ్యుల ముఠా ఆదివారం రాత్రి పోలీసులకు చిక్కింది. ముఠా నుంచి 19 లక్షల రూపాయల పాత నోట్లు, రెండు ద్విచక్ర వాహనాలను స్వాధీనం చేసుకున్నారు.
ఈ మేరకు సోమవారం రామగుండం పోలీస్ స్టేషన్‌లో ఏర్పాటు చేసిన విలేఖరుల సమావేశంలో సీఐ వాసుదేవరావు అరెస్ట్ వివరాలను వెల్లడించారు. అరెస్టయిన వారిలో మహారాష్టల్రోని గడ్చిరోలి జిల్లా సిరోంచకు చెందిన జమీల్ హుస్సేన్, షఫీఖ్ అంకూస్ షేక్, తులసగిరి మధూకర్ సమ్మయ్య, మంచిర్యాల జిల్లాకు చెందిన నేరెళ్ల మనోహర్, పెద్దపల్లి జిల్లా గోదావరిఖనికి చెందిన బాలసాని రమేష్ ఉన్నారని తెలిపారు. రామగుండంలోని అక్బర్ నగర్‌లో పెట్రోలింగ్ నిర్వహిస్తుండగా ఈ ముఠా పట్టుబడ్డట్లు చెప్పారు. వీరిని విచారించగా మహారాష్ట్ర ప్రాంతం నుంచి సిరోంచకు చెందిన ముఠా రద్దయిన 19 లక్షల రూపాయల పాత నోట్లను తీసుకువస్తే గోదావరిఖనికి ప్రాంతానికి చెందిన రమేష్, మంచిర్యాలకు చెందిన మనోహర్ నోట్లను మార్పిడి చేయిస్తానని చెప్పడంతో పాత నోట్లతో మహారాష్ట్రీయులు ఇక్కడికి వచ్చినట్లు వివరించారు. వీరి నుంచి రద్దయిన 19 లక్షల రూపాయల పాత నోట్లు, రెండు ద్విచక్ర వాహనాలను స్వాధీనం చేసుకున్నట్లు ఆయన చెప్పారు. అరెస్టయిన ముఠా సభ్యులను కోర్టులో హాజరు పరుస్తున్నట్లు సీఐ తెలిపారు. ఈ విలేఖరుల సమావేశంలో రామగుండం ఎస్‌ఐలు రాజ్ కుమార్ గౌడ్, సాబీర్‌తోపాటు హెచ్‌సి వ్యవస్థ శ్రీనివాస్, కానిస్టేబుల్ దుబాసి రమేష్ పాల్గొన్నారు.
చిత్రం..పట్టుబబడిన రద్దయన పాత నోట్లు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.