రాష్ట్రీయం
టెక్నాలజీతో సిరుల పంట
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (బెంజిసర్కిల్), నవంబర్ 21: రైతాంగానికి ఉపయోగపడే సాంకేతిక పరిజ్ఞానం ప్రపంచంలో ఎక్కడున్నా రైతు మంగిటకు తెచ్చేందుకు చర్యలు తీసుకుంటున్నట్లు సీఎం చంద్రబాబు వెల్లడించారు. పూర్తి ఆధునిక సాంకేతిక పరిజ్ఞానాన్ని వినియోగించి నేడు రైతు ఇంట సిరులు పండించేలా వ్యవసాయ విప్లవానికి శ్రీకారం చుట్టామన్నారు. రైతు ఆత్మహత్యలు లేని నాడే వ్యవసాయంలో అభివృద్ధి సాధ్యపడుతుందని అభిప్రాయపడ్డ ఆయన మారుతున్న పరిస్థితులకు అనుగుణంగా రైతాంగం కూడా వ్యవసాయంలో మెళుకువలు పాటిస్తూ రెండు పంటల దిశగా ముందుకు సాగాలన్నారు. ఏపీ అసెంబ్లీ సమావేశాల్లో భాగంగా ఆరో రోజు మంగళవారం శాసన సభలో వ్యవసాయం, అనుబంధ రంగాలపై జరిగిన స్వల్పకాలిక చర్చలో మాట్లాడుతూ గతంలో వ్యవసాయ రంగం అనేక అటుపోట్లను ఎదుర్కొందన్నారు. వ్యవసాయంలో నేడు ఖర్చు ఎక్కువ.. ఆదాయం తక్కువగా ఉన్నందున అనుబంధ రంగాలపై దృష్టి సారించాల్సిన అవసరం ఉందన్నారు. వ్యవసాయ రంగంపై ఆధార పడిన మన రాష్ట్రంలో ఆహర భద్రతతోపాటు ఈ రంగంలో ఆర్థిక పరిపుష్టి కావాలన్నారు. దీనిలో భాగంగానే ముందుగా రైతాంగాన్ని అదుకునేందుకు
రుణమాఫీని చేసి చూపించామన్నారు. రుణ మాఫీతో రైతుకు కొంత ఆర్థిక వెసులుబాటు కలిగిందని అభిప్రాయపడ్డ ఆయన ఇదే సమయంలో వ్యవసాయరంగానికి ప్రత్యేక బడ్జెట్‌ను కూడా కేటాయించామన్నారు. ప్రస్తుతం రైతాంగానికి 7 గంటల పాటు నాణ్యమైన విద్యుత్‌ను అందిస్తున్నామన్న ఆయన కొన్ని సందర్భాల్లో రైతులకు అవసరమైన ప్రాంతాల్లో మరో మూడు గంటల పాటు అదనంగా విద్యుత్‌ను అందించే విధంగా కలెక్టర్లకు స్పష్టమైన అదేశాలు ఇచ్చినట్లు తెలిపారు. వ్యవసాయంపై అధార పడి ఉన్న సన్నకారు, చిన్నకారు రైతులను దృష్టిలో ఉంచుకుని వ్యవసాయంలో నూతన ఓరవడి తీసుకు వస్తున్నట్లు తెలిపారు. ముఖ్యంగా అగ్రీ వాచ్ ద్వారా వ్యవసాయ రంగాన్ని అధునీకరిస్తున్నట్లు తెలిపారు. అగ్రీవాచ్‌తో రానున్న అవసరాలు, పంట ఉత్పత్తులపై రైతులను ముందుగానే సమాయత్తం చేస్తున్నట్లు తెలిపారు. 20 సంవత్సరాల క్రితం కుప్పంలో ఇజ్రాయిల్ పరిజ్ఞానంతో వ్యవసాయం చేసి కూరగాయలు పండించామని, ఇప్పుడు ఇటువంటి పరిజ్ఞానాన్ని రైతాంగానికి అందించే విధంగా చర్యలు తీసుకుంటున్నట్లు తెలిపారు. వ్యవసాయానికి టెక్నాలజీని జోడించడం ద్వారా భూసార పరీక్షలు నిర్వహించి అవసరమైన సూక్ష్మ పోషకాలను రైతులకు అందిస్తున్నట్లు వివరించిన ఆయన ఇందుకోసం ఎంత ఖర్చయినా భరిస్తామన్నారు. విత్తనాలను కల్తీ చేసేవారిపై కఠినంగా వ్యవహరిస్తామన్నారు. వ్యవసాయ అనుబంధ రంగాలను మరింత ప్రోత్సహించేందుకు రైతులకు అవసరమైన ప్రోత్సహకాలు ఇస్తున్నామన్న ఆయన ఇది రైతు పక్షపాత ప్రభుత్వమని ధీమాగా చెప్పారు. 15 ఫుడ్ ప్రోసెసింగ్ యూనిట్లను ఇప్పటికే ప్రారంభించామన్నారు. వీటిని మరిన్ని ప్రారంభించే విధంగా చర్యలు తీసుకుంటున్నామన్నారు. ఇదే సమయంలో ప్రతీ నవంబర్ నెలలో తుఫాన్‌లు వస్తున్నందున రైతాంగం ముందుగానే వ్యవసాయ పనులు పూర్తి చేసే విధంగా ఉండాలన్నారు. జూన్ నెలలోనే వ్యవసాయపనులు ప్రారంభించి అక్టోబర్‌కు పూర్తి చేసుకోవాలన్నారు. అలాగే ఏడాదిలో రెండు పంటలు వేసుకునే విధంగా ఎమ్మెల్యేలు వారికి అవగాహన కల్పించాలన్న ఆయన ముఖ్యంగా ఆరుతడి పంటలను ప్రోత్సహించాలన్నారు. నాగార్జున సాగర్‌లో తక్కువ నీరు ఉన్నందున ఆరుతడి పంటలకు తక్కువ నీటి ద్వారా ఉత్పత్తి సాధ్యమని అభిప్రాయపడ్డారు. మారుతున్న పరిస్థితులకు అనుగుణంగా వ్యవసాయాన్ని లాభసాటిగా మార్చిడమే తన అకాంక్షగా అభివర్ణించిన సిఎం బాబు అవసరమైన పక్షంలో సబ్సిడీపై మరిన్ని అధునిక యంత్రాలను రైతాంగానికి అందిస్తామని భరోసా కల్పించారు.
చిత్రం.. అసెంబ్లీ లో మాట్లాడుతున్న సీఎం చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.