రాష్ట్రీయం
చిన్న ఆలోచనలకే పెద్ద పీట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 23: ప్రపంచ ఔత్సాహిక పారిశ్రామిక వేత్తల సదస్సు నిర్వహణకు ఒక పక్క భారీ ఏర్పాట్లు జరుగుతుండగా, మరో పక్క సదస్సులో నిర్వహించే సమావేశాలు, సమాంతర సమావేశాల ఏర్పాట్లు ఊపందుకున్నాయి. సమావేశంలో మాట్లాడే వారి జాబితా సిద్ధమైంది. సమాంతర సమావేశాలు రెండు పేర్లతో నిర్వహిస్తారు. అందులో ఒకటి బ్రేకవుట్ పేరుతో రెండోది మాస్టర్ క్లాస్ పేరుతో నిర్వహిస్తారు. ఇంకో పక్క వివిధ అంశాలపై వర్కుషాప్‌లు కూడా జరుగుతాయి. బ్రేకవుట్ సమావేశాల్లో 300 నండి 350 మందిని అనుమతిస్తారు. మాస్టర్ క్లాసు సమావేశంలో 150 మంది వరకూ అనుమతిస్కాతరు.
ఇక వర్కుషాప్‌ల్లో 40 మందిని అనుమతిస్తారు. ఇవన్నీ రోజూ జరిగే ప్లీనరీలకు సమాంతరంగా జరుగుతుంటాయి. 28న ప్రారంభ కార్యక్రమంలో అందరికీ అనుమతిస్తారు. 29 నుండి అసలు కార్యక్రమం మొదలవుతుంది. తొలి రోజు ప్లీనరీ సమావేశంలో మనం చేయగలం పేరుతో వక్తల ఉపన్యాసాలు మొదలవుతాయి. మానవ వనరుల అభివృద్ధి, కౌశలాల నైపుణ్య పెంపు ఎలా చేయాలనేదానిపై పలువురు మాట్లాడతారు. ముఖ్యంగా ఉద్యోగాల్లో మహిళల భాగస్వామ్యం పెంచడం, వారి భాగస్వామ్యంతో ఆర్ధికాభివృద్ధి త్వరితం చెందడంపై చర్చ జరుగుతుంది.
చిన్న చిన్న ఆలోచనలకు అధిక ప్రాధాన్యం ఇచ్చి, ఆ చిన్న ఆలోచనలు ఆచరణలో ఎలా పెట్టారనే దానిపై చర్చిస్తారు. అలాగే సమాజాన్ని మార్చిన మహిళల ఆలోచనలకు ఈ సదస్సులో అగ్రతాంబూలం వేస్తారు. సైన్స్ అండ్ టెక్నాలజీని వినియోగించుకుని నెట్‌వర్కింగ్- గ్లోబల్ ఇన్నోవేషన్ అనే అంశంపై అమెరికాలవనూ, భారత్‌లోనూ వివిధ స్టార్టప్‌ల ఆగమనంపై చర్చ జరుగుతుంది. ఎప్పటికీ డబ్బుకు ప్రాధాన్యమే అనే అంశంపై బ్రేకవుట్ చర్చ జరుగుతుంది. ప్రైవేటు వ్యక్తుల పెట్టుబడులు ఆకర్షించడం, తమ అంకురాల్లో వారి ఆర్ధిక భాగస్వామ్యం పెంచడంపై విజేతలు మాట్లాడతారు. తర్వాత జరిగే బ్రేకవుట్ సదస్సు ‘హాలీవుడ్ నుండి నాలీవుడ్ అక్కడి నుండి బాలీవుడ్’ అనే అంశంపై జరుగుతుంది. ఈ చర్చలో షారూక్‌ఖాన్ కూడా హాజరు కానున్నారు. సినీ చిత్రనిర్మాణంపై ఇందులో చర్చ జరుగుతుంది. మహిళలను సినీ పరిశ్రమలోని వివిధ విభాగాల్లో రాణించేలా ఏ విధంగా ప్రోత్సహించవచ్చో, వారికి ఉన్న అవకాశాలు ఏమిటో ఇందులో చర్చిస్తారు. తర్వాత మాస్టర్ క్లాసులో ‘ ఆమె అంటే వ్యాపారం’ అనే అంశంపైనా, తేలికగా పారిశ్రామిక ఔత్సాహికత, డిజిటల్ అగాధం, ఆరోగ్యరంగంలో అంకురాలు, సామాజిక మాధ్యమాలు , అగ్రిటెక్ పేరిట చర్చలు జరుగుతాయి. మధ్యాహ్నం భోజన విరామం తర్వాత డిజిటల్ థింకింగ్, పెట్టుబడుల విజయం, నాకు తెలిసి ఉంటే నేనిపుడు తెలుసుకునేదేముంది అనే అంశాలపై చర్చలు జరుగుతాయి. అలాగే జార్జి జట్సన్‌తో ముఖాముఖి, ఔత్సాహిక పారిశ్రామికవేత్తల దూరదృష్టి, ప్రతి చోట జలం, చెల్లింపు వేదికలు, అభ్యసనం, ఎదుగుతున్న మార్కెట్లలో మహిళల పాత్ర అంశాలపై కూడా చర్చిస్తారు. ఈ సందర్భంగా దాదాపు వంద మందికి మాట్లాడే అవకాశం ఉంటుందని చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.