రాష్ట్రీయం
విజయగాథల వేదిక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 24: హైదరాబాద్‌కు తలమానిక సదస్సుగా మారనున్న జీఈఎస్ ప్రపంచ మహిళా శక్తికి, యుక్తికీ కూడా వేదిక కాబోతోంది. భిన్న రంగాల్లో అద్భుత, అనన్య సామాన్య విజయాలు సాధించిన మహిళల విజయగాధలకూ ఇదే స్ఫూర్తిదాయక వేదిక. అవగాహన, ఆలోచనే విజయాలకు సోపానం. వాటిని పరస్పరం పంచుకుంటేనే అది స్ఫూర్తిదాయక విజయం..తమతో పాటు మరి కొందరూ అదే విజయబాటలో రాణించేందుకు తోడ్పడే విజయసూత్రం. అలాంటి విజయసోపానాలెన్నింటినో అధిరోహించిన వందలాది మహిళలకు జీఈఎస్ నిరుపమాన వేదికేననడంలో ఎలాంటి సందేహం లేదు. ఎవరు తోడుంటారనో, ఎవరు సహకరిస్తారనో, ఇది అసాధ్యం అనో భావించిన వారికి ఈ విజయగాథల్లో చోటు లేదు. కష్టమని తెలిసి అడుగు ముందుకు వేసిన వారే మిగిలిన వారికి మార్గదర్శకంగానూ, విజేతలుగానూ నిలిచారు. వారి విజయం తొలుత చిన్నదే కావచ్చు, అది అనేక ఇబ్బందులను , కష్టాలనూ దాటుకుంటూ సమస్యల వలయం నుండి బయటపడి గొప్ప అవకాశంగా మారిపోయిన సందర్భాలు అనేకం. కాబూల్ నుండి జీఈఎస్‌లో పాల్గొంటున్న ఒక మహిళ గాధ అలాంటిదే. సొంతగా వ్యాపారం చేసుకుంటూ ఎదగడం, నిలదొక్కుకోవడం ఆఫ్గన్ లాంటి
దేశంలో అసాధ్యం. అదీ మహిళ అయితే ఇంక చెప్పలేం. అఫ్సానా రహిమి ఎన్నో అడ్డంకులు అధిగమించింది. ఇపుడామె మీడియా మేనేజిమెంట్ ప్రొడక్షన్ కంపెనీ నడుపుతోంది. ఆఫ్గన్ మహిళా ఛాంబర్‌కు ఆమె అధ్యక్షురాలు కూడా. కాబూల్‌ల్లో ఉన్న కిలిద్ గ్రూప్ విస్తరణలో ఆమె ఎంతో కృషి చేసింది. ఒకే ఒక ఎఫ్ ఎం రేడియో స్టేషన్ బాధ్యత నుండి ఆమె దానిని 10 స్టేషన్లకు విస్తరించింది.
ఇంకో మహిళ జమ్మూకాశ్మీర్ నుండి సదస్సులో పాల్గొనబోతున్నారు. దామిని మహాజన్, ఆమె ముగ్గురు అబ్బాయిలకు తల్లి. సంప్రదాయ కుటుంబం నుండి వచ్చినా, వాటిని గౌరవిస్తూనే ఉయ్ మేక్ స్కాలర్స్ అనే సంస్థను ఏర్పాటు చేశారు. ప్రపంచవ్యాప్తంగా విద్యార్థులకు లభించే విద్యావకాశాలు, స్కాలర్‌షిప్‌లు, రుణాలు, ఇతర సమాచారాన్ని అందించి వారికి తోడ్పడేందుకు ఆమె కృషి చేస్తున్నారు. ఇంజనీరింగ్ చేసిన మహాజన్ అమెరికా వెళ్లి మాస్టర్స్ డిగ్రీ చేసింది. తిరిగి భారత్‌కు వస్తూ హైదరాబాద్‌లో ఒక సంస్థ ఏర్పాటుచేయాలని తలపోశారు. తమ ఆలోచనను ఫేస్‌బుక్‌లో బీటా వెర్షన్‌లో ప్రారంభించింది. వెంటనే లక్ష మంది దానికి ఆకర్షితులయ్యారు. 200 దేశాలకు చెందిన 30 లక్షల మంది చైతన్యవంతులైన యువత ఈసంస్థ సూచనలు, సలహాలు స్వీకరిస్తున్నారు. ఏ సంస్థ నిర్వహించాలన్నా ముందు తమ పనిపై దృష్టి, ఆసక్తి, అభిరుచి, అనురక్తి ఉండాలని ఔత్సాహిక పారిశ్రామిక వేత్తలు చెబుతున్నారు. ఎపుడూ యుద్ధాలతో అట్టుడికిపోయే దేశాల్లో సైతం మహిళలు ఎన్నో విజయాలు సాధించడం గమనార్హం. అఫ్సానా, దామిని వంటి వారు మిగిలిన మహిళలకు గొప్ప చైతన్య దీపికలు కాబోతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.