రాష్ట్రీయం
8 మంది నక్సల్స్ హతం
S ,7 à 8 RSCA (si SASPAS) et 6 cialis pharmacie cialis rapports de stage.
కొత్తగూడెం, డిసెంబర్ 14: భద్రాద్రి కొత్తగూడెం జిల్లా టేకులపల్లి మండలం మేళ్లమడుగు సమీపంలో గురువారం తెల్లవారుజామున జరిగిన ఎదురుకాల్పుల ఘటనలో సీపీఐ(ఎంఎల్) చండ్ర పుల్లారెడ్డి వర్గానికి చెందిన 8 మంది నక్సల్స్ మృతి చెందారు. పోలీసులు, స్థానికుల కథనం ప్రకారం వివరాలు ఇలా ఉన్నాయి. నక్సల్స్ కదలికలపై టేకులపల్లి, గుండాల మండలాల పోలీసులతోపాటు స్పెషల్ పార్టీకి చెందిన పోలీసులు కూంబింగ్ నిర్వహిస్తుండగా మావోయిస్టులు తారసపడి కాల్పులు జరిపారు. దీనికి జవాబుగా పోలీసులు ఎదురు కాల్పులు ప్రారంభించారు. ఈ కాల్పుల్లో 8 మంది నక్సల్స్ అక్కడికక్కడే మృతిచెందారు. పాల్వంచ మండలం మర్రిగూడెం గ్రామానికి చెందిన దళ కమాండర్ ఎట్టి కుమార్ అలియాస్ రాఖీ (35), వరంగల్ జిల్లా మంగపేటకు చెందిన ఆజాద్(25), భద్రాద్రి కొత్తగూడెం జిల్లా బూర్గంపహాడ్ మండలం సారపాకకు చెందిన నూనావత్ అర్జున్ అలియాస్ నవీన్ (22), మహబూబాబాద్ జిల్లా పెద్ద ఎల్లాపురానికి చెందిన ఆర్‌ఎంపి వైద్యుడు బైన ఓంప్రకాష్ అలియాస్ గణేష్ (39), గుండాల మండలం కొడవటంచ గ్రామానికి చెందిన ఈసం నరేష్ అలియాస్ సుదర్శన్ (30), గుండాలకు చెందిన తురకాని మధు(35), మహబూబాబాద్ మండలం కంబాలపల్లికి చెందిన రషీద్(28), టేకులపల్లి మండలం కోయగూడెంకు చెందిన గాడుదుల శ్రీను(40) మృతి చెందారు. మృతుల వద్ద ఏకే 47 రైఫిల్, ఎస్‌ఎల్‌ఆర్ రైఫిల్స్‌తోపాటు ఆరు తుపాకులు, కిట్ బ్యాగులు, విప్లవ సాహిత్యం లభించినట్లు జిల్లా ఎస్పీ అంబర్ కిషోర్ ఝా ప్రకటించారు. ఓఎస్డీ రవీందర్, ఇల్లందు, కొత్తగూడెం డిఎస్పీలు ప్రకాష్‌రావు, ఎస్‌ఎం ఆలీలతోపాటు టేకులపల్లి, గుండాల సీఐలు దోమల రమేష్, రవికుమార్ సంఘటనా స్థలాన్ని సందర్శించారు. మృత దేహాలకు కొత్తగూడెం తహశీల్దారు అశోక చక్రవర్తి, పాల్వంచ తహశీల్దారు గన్యా, లక్ష్మీదేవిపల్లి తహశీల్దారు సునిల్‌లు పంచనామా నిర్వహించారు. కొత్తగూడెం ప్రభుత్వ ఆసుపత్రికి తరలించిన మృతదేహాలను చూసేందుకు వచ్చిన బంధువులను పోలీసులు అడ్డుకోవటంతో ఇల్లందు మాజీ శాసన సభ్యులు గుమ్మడి నర్సయ్య ఆందోళనకు దిగారు. పోలీసులకు వ్యతిరేకంగా మృతుల బంధువులు పెద్ద ఎత్తున నినాదాలు చేయటంతో ఉద్రిక్త పరిస్థితులు నెలకొన్నాయి.
ఇది బూటకపు ఎన్‌కౌంటర్ : మాజీ ఎమ్మెల్యే నర్సయ్య
ఇది బూటకపు ఎన్‌కౌంటర్ అని ఇల్లందు మాజీ ఎమ్మెల్యే గుమ్మడి నర్సయ్య ఆరోపించారు. బాధ్యులపై చర్యలు తీసుకోవాలని డిమాండ్ చేశారు. మృతులపై గతంలో ఎటువంటి కేసులు లేకున్నా ఎనిమిది మందిని మట్టుబెట్టిన పోలీసులపై చర్యలు తీసుకోవాలన్నారు.
చిత్రాలు..ఎన్‌కౌంటర్‌లో మృతి చెందిన నక్సలైట్లు
*ఘటనా స్థలంలో దొరికిన ఆయుధాలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.