రాష్ట్రీయం
కృష్ణదేవరాయలను మరిచారా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 18: తెలుగు ప్రాంతంలో లేకపోయినప్పటికీ, ఈ భాషకు విశేషంగా శ్రమించిన కొంత మందిని తెలుగు మహాసభల సమయంలో స్మరించుకోవాల్సిన అవసరం ఉంది. కన్నడ ప్రాంతాన్ని పాలించినప్పటికీ, తెలుగు భాషకు శ్రీకృష్ణదేవ రాయలు చేసిన సేవ అజరామరం. అలాంటి మహనీయుడికి మహాసభల్లో సముచిత ప్రాధాన్యం లేదన్న విమర్శలున్నాయి. ఆముక్తమాల్యద కావ్య రచయితగా, పండితుడిగా, సాహిత్యాభిలాష ఉన్న పాలకుడిగా బహుముఖ ప్రజ్ఞావంతుడైన రాయల ఘన కీర్తిని నోరారా చాటలేని సభలెందుకని కొంత మంది బాహాటంకంగానే వ్యాఖ్యానిస్తున్నారు. ఇక, ఆయన కొలువులోని అష్టదిగ్గజాల గురించి ఎంత చెప్పినా తక్కువే. ఒక్కొక్కరూ ఒక్కో ఆణి ముత్యమే. రాయలసీమ ప్రాంతానికి చెందిన అల్లసాని పెద్దన, ధూర్జటి, నంది తిమ్మన, మాదయ్యగారి మల్లన, అయ్యలరాజు రామభద్రుడు, పింగళి సూరనతోపాటు తెనాలి రామకృష్ణుడు, రామరాజ భూషణుడుతో కూడిన ‘్భవన విజయం’ తెలుగు సాహితీ కేంద్రంగా విరాజిల్లింది. రాయలు రాజధాని నేటి కర్నాటకలో ఉంది కాబట్టి ఆయనను విస్మరించారేమోనన్న అనుమానాలు వ్యక్తమవుతున్నాయి. ఏ ప్రాంతానికి చెందిన వారైనా, తెలుగు భాషకు ఏదో ఒక రూపంలో సేవలు అందించిన వారిని గుర్తు చేసుకోవాల్సిన అవసరం ఎంతైనా ఉంది. తంజావూరుకు చెందిన సముఖం వెంకట కృష్ణప్ప నాయుడు జెమినీ భారతం రాసి, తెలుగుకు తన వంతు సేవ చేశాడు. ఆయన పేరు తెలుగు మహాసభల్లో తలచుకున్న వారే కనిపించలేదు. తెలుగు వ్యాకరణానికి దిశానిర్దేశనం చేసిన పరవస్తు చిన్నయసూరి నేటి తమిళనాడు రాష్ట్రంలో ఉన్న పెరంబదూరుకు చెందిన వాడు. ఆయన రాసిన ‘బాల వ్యాకరణం’ తెలుగును చందోబద్ధం చేసింది. కానీ, చిన్నయ సూరి గురించిన ప్రస్తావన, ఆయన గొప్పతనాన్ని తెలియచేసే కార్యక్రమాలు మహాసభల్లో లేవనే చెప్పాలి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.