రాష్ట్రీయం
కుల గొబ్బెమ్మల వేడుక!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఏ కులమైనా పూర్తిగా ఒకే పార్టీకి ఓట్లు వేస్తుందా? అంటే చెప్పడం కష్టం. కానీ గంప గుత్తగా ఒకే పార్టీకి ఓట్లు పడకపోయినా, మెజారిటీ ఓట్లు పడేందుకు అవకాశం ఉంటుంది. అంటే ఆయా పార్టీలు ఇచ్చే హామీలు, ఆ పార్టీలకు నాయకత్వం వహిస్తున్న నేతల పిలుపులు, సూచనలు కొంత వరకు పని చేస్తాయని చెప్పవచ్చు. అందుకే వివిధ పార్టీల నేతలు ఎన్నికలకు ముందు కుల సంఘాల నేతలతో మంతనాలు జరుపుతుంటారు. ఎన్నికలకు ఇంకా సంవత్సరంన్నర కూడా పూర్తిగా లేనందున, ఇప్పటికే టిఆర్‌ఎస్, కాంగ్రెస్ నేతలు వివిధ కుల సంఘాలను ఆకర్షించేందుకు పోటీ పడుతున్నారు. ఇందులో భాగంగానే ముఖ్యమంత్రి కె. చంద్రశేఖర్ రావు వివిధ కుల సంఘాల ముఖ్య నేతలను పిలిపించుకుని హామీల వర్షం కురిపిస్తున్నారు. ముఖ్యంగా యాదవుల నుంచి ఒకరికి రాజ్యసభ టిక్కెట్ ఇస్తానని ప్రకటించడం చర్చనీయాంశమైంది. యాదవులకు ఇస్తే మరి మా సంగతేమిటీ? అని రెడ్డిలు, గొల్ల, కురమలు తదితర సంఘాల నేతలు ముఖ్యమంత్రిని కోరుతున్నారు.
దీంతో ముఖ్యమంత్రి ఇటీవల రెడ్డి కుల నాయకులతో సమావేశమై రెడ్డి భవన నిర్మాణానికి స్థలం కేటాయింపు, నిర్మాణానికి కొంత డబ్బు ఇస్తానని ప్రకటించడంతో మిగతా కులాలు ఆశలు పెంచుకుంటున్నాయి. ఇలాఉండగా ప్రధాన ప్రతిపక్షమైన కాంగ్రెస్ నేతలు కూడా కులాల వారీగా సభలు, సమావేశాలు నిర్వహించడం ప్రారంభించారు. అధికారంలోకి వచ్చిన వెంటనే చేనేత కార్మికులకు సబ్సిడీ మొత్తాన్ని పెంచి ఆదుకుంటామని హామీ ఇచ్చారు. దళితులను ఆకర్షించేందుకు ఎంఆర్‌పిఎస్ అధ్యక్షుడు మంద కృష్ణ మాదిగ అరెస్టుపై రాజ్‌భవన్‌లో గవర్నర్‌ను కలిసేందుకు వెళ్ళి అక్కడ ఆయనతో వాగ్వావాదానికి దిగారు. నేరెళ్ళ ఘటనపైనా గవర్నర్‌ను కలిసారు. ఖమ్మం ఘటనపై నేరుగా రాష్టప్రతిని కలిసి ఫిర్యాదు చేశారు.
గౌడ్‌లను ఆకర్షించేందుకు చెట్టుపై నుంచి ప్రమాదవశాత్తును గీత కార్మికుడు మరణిస్తే, వారి కుటుంబాన్ని ఆదుకునేందుకు రూ.10 లక్షలు ఎక్స్‌గ్రేషియా ఇస్తామని తాజాగా టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి ప్రకటించారు. మత్స, పద్మశాలి కుల నేతలతో వేర్వేరుగా మంతనాలు జరిపారు. మైనారిటీలకు, గిరిజనులకు 12 శాతం చొప్పున రిజర్వేషన్లు కల్పిస్తామన్న హామీ ఇచ్చిన టిఆర్‌ఎస్ ఆ హామీని నిలబెట్టుకోలేకపోయిందని ప్రభుత్వాన్ని ఎండగడుతున్నది. బిసి, ఎస్‌సి, ఎస్‌టి కులాలను ఆకర్షించేందుకు ప్రణాళికాబద్ధంగా అడగులు వేస్తున్నది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.