రాష్ట్రీయం
ఇక కొండగట్టునుంచి యాత్ర
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 20: రానున్న సార్వత్రిక ఎన్నికల్లో తమ సత్తా చాటుకునేందుకు జనసేన పార్టీ చాప కింద నీరులా సమాయాత్తమవుతోంది. తెలుగు రాష్ట్రాల్లో ఎన్నికల బరిలోకి దిగేందుకు నియోజకవర్గాల వారీ కసరత్తు ప్రారంభించిన పార్టీ అధినేత పవన్ కళ్యాణ్ వివిధ విభాగాలకు తాత్కాలిక కమిటీలను నియమించడంతో పాటు యువతపై దృష్టిసారించారు. రోజూ వివిధ రంగాల్లో నిష్ణాతులైన వారితో సమీక్షిస్తూ మరో పక్క కార్యకర్తలను చైతన్యపరుస్తూ బిజీగా గడుపుతున్న పవన్‌కళ్యాణ్ రెం డు రాష్ట్రాల్లో జనసేన భవితవ్యంపై ఒక ప్రకటన చేయనున్నట్టు తెలిపారు.
రెండు రాష్ట్రాల్లో రాజకీయ యాత్ర త్వరలో ప్రారంభిస్తామని, ఈ యాత్రను జగిత్యాల జిల్లా కొండగట్టు ఆంజనేయస్వామి ఆలయం నుండి ప్రారంభించనున్నట్టు పవన్ కళ్యాణ్ తెలిపారు. 2009లో ఎన్నికల ప్రచారం చేస్తున్న సమయంలో సంభవించిన పెను ప్రమాదం నుండి తాను ఇక్కడే బయటపడటం తన కుటుంబ ఇలవేల్పు ఆంజనేయస్వామి కావడంతో తన రాజకీయ అప్రతిహత యాత్రను కూడా కొండగట్టు నుండే ప్రారంభించాలని నిర్ణయించుకున్నట్టు వివరించారు. సర్వమత ప్రార్ధనల అనంతరం రెండు తెలుగు రాష్ట్రాల ప్రజల ఆశీస్సులు కోసం తాను బయలుదేరుతానని, ప్రజాసమస్యలను అధ్యయనం చేసి వాటిని అవగాహన చేసుకునేందుకు ఈయాత్ర ద్వారా వస్తున్న తనను ఆశీర్వదించాలని పవన్ కళ్యాణ్ కోరారు. తన రాజకీయ యాత్ర వివరాలను, ప్రణాళికలను కొండగట్టులోనే ప్రకటిస్తామని కూడా ఆయన వివరించారు. ఈ మేరకు ఆయన ట్విట్టర్‌లోనూ, ఫేస్‌బుక్‌లోనూ ప్రకటనలు చేశారు. ఈ ట్వీట్‌తో పాటు పవన్ కొండగట్టు ఆంజనేయస్వామి ఆలయ ఫొటోను కూడా పోస్టు చేశారు. రెండు రాష్ట్రాల్లో పాదయాత్ర చేయాలని ఫ్యాన్స్ కోరుతుండగా, సైకిల్ యాత్ర చేయాలని మరికొందరు కోరుతున్నారు. మొత్తం మీద అన్ని నియోజకవర్గాలను కలిసి తిరిగేలా పవన్ యాత్రను రూపొందిస్తున్నట్టు సమాచారం.
పోలాండ్ అంబాసిడర్‌తో భేటీ
పోలాండ్ అంబాసిడర్ ఆడమ్ బురాకోవస్కీతో పవన్ కళ్యాణ్ ఆదివారం నాడు భేటీ కానున్నారు. జనసేన పార్టీకి బురాకోవస్కీ వస్తారని జనసేన నేతలు చెప్పారు. గత నవంబర్‌లో ఇంగ్లాండ్ పర్యటనకు వెళ్లినపుడు ఆయనను కొందరు పోలెండ్ వాసులు కలుసుకున్నారు. కళ్యాణ్ గురించి తెలుసుకున్న బురాకోవస్కీ హైదరాబాద్ వస్తున్నారు. అంబాసిడార్‌తో పాటు 20 మంది పోలాండ్ ప్రతినిధులు కూడా పవన్‌ను కలువనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.