రాష్ట్రీయం
రైతన్నకు అండగా ఉంటా
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జనవరి 20: ‘రైతన్నకు అండగా ఉంటా.. వ్యవసాయానికి గిట్టుబాటు ధర కల్పిస్తా.. రైతు కూలీలను ఆదుకుంటా’నని ప్రతిపక్ష నేత, వైకాపా అధ్యక్షుడు వైఎస్ జగన్మోహన్‌రెడ్డి అన్నారు. ప్రజాసంకల్ప పాదయాత్రలో భాగంగా శనివారం ఉదయం 8గంటలకు చిత్తూరు జిల్లా ఏర్పేడు మండలం కుక్కలవారి కండ్రిగ గ్రామం నుంచి పాదయాత్ర మొదలైంది. వైఎస్ జగన్మోహన్‌రెడ్డి రాగానే ఎమ్మేల్యేలు పెద్దిరెడ్డి రామచంద్రారెడ్డి, నారాయణస్వామి, ఎంపీలు వరప్రసాద్, మిధున్‌రెడ్డి, శ్రీకాళహస్తి నియోజకవర్గం సమన్వయకర్త బియ్యపు మధుసూధన్‌రెడ్డితో కలసి మాట్లాడారు. అనంతరం వెంకటాపురం క్రాస్, కుమ్మరమిట్ట, మోదుగులపాళెం క్రాస్, కొత్తవీరాపురం, కోబాక, ఏర్పేడు, మేర్లపాక, చిందేపల్లి క్రాస్ రోడ్డు మీదుగా శ్రీకాహస్తి వైపు యాత్ర ప్రారంభించారు. కొత్తవీరాపురం చేరుకోగానే ఎదురొచ్చిన మహిళలను ఆప్యాయంగా
పలకరించారు. పక్కనే వరి పొలంలో కలుపుతీస్తున్న మహిళలతో కలిసి కాసేపు కలుపుతీస్తూ వారి సాదకబాధకాలను తెసుకున్నారు. మాకోసం వందల మైళ్లు నడిచొచ్చావన్నా, మీ ప్రేమానురాగాలు మరిచిపోమన్నా, మీ తండ్రి పాలనలో మాకెంతో మేలు జరిగిందన్నా, నువ్వు కూడా మమ్మల్ని అలాగే చూసుకుంటావని నమ్మకముందన్నా, నీరాకతో ఈరోజు మాకు పండగేనన్నా.. అంటూ మురిసిపోయారు. అనంతరం కోబాగ గ్రామం వద్ద చెరువులో చేపలు పడుతున్న యానాదుల వద్దకు వెళ్లి వారి కష్టసుఖాలను అడిగి తెలుసుకున్నారు. శ్రమకు తగ్గ ఫలితం లభించడం లేదని, ఒక పూట తిని మరోపూట పస్తులు ఉంటున్నామని, అంతేకాకుండా, కాస్తో కూస్తో వచ్చిన సొమ్ముతో తమ భర్తలు మద్యానికి బానిసలవుతున్నారని మహిళలు ఆయనకు విన్నవించారు. దీంతో ఆయన స్పందిస్తూ మీ పరిస్థితి ఎంత దారుణంగా ఉందో నాకు అర్థమైందని.. నన్ను మీరంతా ఆదరించండి మీకు అండగా ఉంటానంటూ వారి దీవెనలు తీసుకున్నారు. అనంతరం ఏర్పేడు బస్టాండు ఆవరణలో వైకాపా రాష్ట్ర యువత కార్యదర్శి కన్నలి మోహన్‌రెడ్డి ఆధ్వర్యంలో 206 మందితో నిర్వహించిన నేత్రదానం శిబిరంలో పాల్గొన్నారు. తదనంతరం మేర్లపాక దళితవాడలో పార్టీ జెండాను ఆవిష్కరించారు. కార్యక్రమంలో మండల పార్టీ అధ్యక్షుడు కోటేశ్వర్‌రావు, రమణయ్యయాదవ్, నాగార్జునరెడ్డి, అర్జున్‌బాబు, మునిరత్నంరెడ్డి, కన్నలి లోకనాధరెడ్డి, భాస్కర్‌రెడ్డి, రాజారెడ్డి పార్టీ కార్యకర్తలు పెద్దసంఖ్యలో పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.