రాష్ట్రీయం
మూడు వారాల్లోనే తేల్చాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 20: రాష్ట్ర రాజధానిలో భవనాల నిర్మాణానికి అనుమతి ఇచ్చే గడువును 30 రోజుల నుండి 21 రోజులకు తగ్గించారు. ఈ మేరకు పురపాలక వ్యవహారాలు, పట్టణాభివృద్ధి ముఖ్యకార్యదర్శి అరవింద్ కుమార్ పేరుతో శనివారం ఉత్తర్వులు (జీఓ) జారీ అయ్యాయి. భవనాల నిర్మాణానికి సంబంధించి అనుమతి ఇవ్వడంలో తీవ్రమైన జాప్యం జరుగుతోందని సంబంధిత మంత్రి కె. తారకరామారావు ఒక సమావేశంలో అసంతృప్తి వ్యక్తం చేశారు. భవనాల అనుమతిని వేగంగా కొనసాగించాలని మంత్రి ఆదేశించారు. దాంతో సంబంధిత అధికారులు యుద్ధప్రాతిపదికన చర్యలు చేపట్టారు. భవన నిర్మాణానికి ఇప్పటివరకు అనుమతి ఇచ్చే గడువు 30 రోజులుగా ఉంది. ప్రజలు ఎవరైన దరఖాస్తు చేస్తే భవన నిర్మాణానికి 30 రోజుల గడువు ఎందుకని, దీన్ని తగ్గించాలని కెటిఆర్ చేసిన సూచనకు అనుగుణంగా ఈ గడువును 21 రోజులకు
తగ్గించారు. భవన నిర్మాణానికి సంబంధించి దరఖాస్తులను ప్రజలు ఆన్‌లైన్‌లో పంపించాలి. ప్రజల నుండి భవననిర్మాణానికి దరఖాస్తు రాగానే వాటిని సంబంధిత అధికారులు పరిశీలించాలని జీఓలో సూచించారు. దరఖాస్తు దారుని నుండి అదనంగా ఏవైనా డాక్యుమెంట్లు, సమాచారం కావాలని భావిస్తే అందుకు పదిరోజుల గడువుగా నిర్ణయించారు. ఆ తర్వాత ఇన్‌స్పెక్టింగ్ అధికారి లేక స్క్రూటినీ అధికారి ఏడు రోజుల్లోగా ఇన్‌స్పెక్షన్ చేయాలని సూచించారు. అంటే దరఖాస్తు దారుడు దరఖాస్తు చేసిన 20 రోజుల్లోగా సమాచారం సేకరించడం, ఇన్‌స్పెక్షన్ పూర్తి చేయాల్సి ఉంటుంది. ఆ మరురోజు అంటే 21 వ రోజు అనుమతి ఇవ్వాలని జీఓలో పేర్కొన్నారు. అయితే అప్రూవ్డ్ లేఅవుట్ లేదా రెగ్యులరైజ్డ్ లేఅవుట్‌లో భవన నిర్మాణ స్థలం ఉంటే ఇన్‌స్పెక్షన్ కూడా చేయాల్సిన అవసరం లేదని పేర్కొన్నారు. హెచ్‌ఎండిఎ మరియు జిహెచ్‌ఎంసికి చెందిన ల్యాండ్ సెక్షన్, రెవెన్యూ సెక్షన్ ఓనర్‌షిప్ డాక్యుమెంట్ల భూపరిశీలనను ఏడురోజుల్లోగా పూర్తి చేయాల్సి ఉంటుంది. నిర్ణీత గడువులోగా అనుమతులకు సంబంధించిన పనులు పూర్తి చేయకపోతే, సంబంధిత సిబ్బందిపై రోజుకు 1000 రూపాయల జరిమానా (పెనాల్టీ) విధిస్తామని స్పష్టం చేశారు.
లైసెన్స్‌డ్ ఆర్కిటెక్ట్‌లు, ఇంజనీర్లు, సర్వేయర్లు మూడు సార్ల వరకు తప్పుడు సమాచారం, తప్పుడు ప్లాన్లను ఇస్తే వారి లైసెన్స్ రద్దు చేయాలని జీఓలో అరవింద్ కుమార్ పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.