రాష్ట్రీయం
‘పవన్’కు కొండగట్టులో స్థానం లేదు..!
S ,7 à 8 RSCA (si SASPAS) et 6 cialis pharmacie cialis rapports de stage.
కరీంనగర్, జనవరి 21: తెలంగాణ రాష్ట్ర ఏర్పాటును పూర్తిగా వ్యతిరేకించిన జనసేన పార్టీ అధినేత పవన్‌కల్యాణ్‌కు తెలంగాణ ప్రజల సెంటిమెంట్ అయిన కొండగట్టు ఆలయంలో స్థానం లేదని టీపీసీసీ ఉపాధ్యక్షుడు, మాజీ ఎంపి పొన్నం ప్రభాకర్ అన్నారు. తెలంగాణ ప్రజల సెంటిమెంటుకు వ్యతిరేకంగా వ్యవహరించిన పవన్‌కు ఇలాంటి అవకాశం ఇవ్వవద్దని డిమాండ్ చేశారు. ఆదివారం సాయంత్రం కరీంనగర్‌లోని ఆర్‌అండ్‌బి అతిథి గృహంలో ఏర్పాటు చేసిన విలేఖరుల సమావేశంలో ఆయన మాట్లాడుతూ 2009 ఎన్నికల్లో జరిగిన ప్రమాదానికి ప్రాయశ్చిత్తంగా కొండగట్టుకు వస్తానంటే ఊరుకునేది లేదని హెచ్చరించారు. భక్తులతో కిటకిటలాడుతున్న కొండగట్టు దేవస్థానానికి పవన్ వస్తే ఆ భక్తులు తీవ్ర ఇబ్బందులు ఎదుర్కోవాల్సి వస్తుందని తెలిపారు. తెలంగాణకు అన్నివిధాల సహకరించిన మాజీ లోక్‌సభ స్పీకర్ మీరాకుమార్ వస్తే పలు పోలీసు ఆంక్షలతో అడ్డుకున్న కేసీఆర్ ప్రభుత్వం తెలంగాణను పూర్తిగా వ్యతిరేకించిన పవన్ విషయంలో ఏ విధంగా స్పందిస్తుందో చెప్పాలని డిమాండ్ చేశారు. తెలంగాణలో కేసీఆర్ ప్రభుత్వానికి వ్యతిరేకంగా ఉన్న ఓట్లను దారి మళ్లించేందుకే పవన్‌కల్యాణ్‌తో కేసీఆర్ జతకట్టారని ఆరోపించారు. తెలంగాణ విషయంలో కెసీఆర్‌ను తాట తీస్తా, తోలు తీస్తానన్న పవన్‌తో ఏ విధంగా జత కడతారని కేసీఆర్‌ను సూటిగా ప్రశ్నించారు. ఆయనను తెలంగాణలో, ప్రధానంగా కొండగట్టుకు ఎలా అనుమతిస్తారని ప్రశ్నించారు. ఆంధ్రాలో ఏపి విభజన విషయంలో జరుగుతున్న అన్యాయాలపైన, వైజాగ్‌లో దళిత మహిళపై జరిగిన ఆకృత్యంపైన స్పందించిన పవన్ తెలంగాణలో జరుగుతున్న అన్యాయాలు, ఘటనలపై ఎందుకు స్పందించలేదని ప్రశ్నించారు.
నేరెళ్లలో దళితులపై అరాచకత్వం ఘటన దేశాన్ని కదిలించినా నిన్ను కదిలించలేదా పవన్ అంటూ మండిపడ్డారు. ఈ విషయంలో పవన్ సమాధానం చెప్పాలని ప్రభాకర్ డిమాండ్ చేశారు. ఈ సమావేశంలో కాంగ్రెస్ నాయకులు ఆకుల ప్రకాష్, కర్ర రాజశేఖర్, ఒంటెల రత్నాకర్, దిండిగాల మధు, అజిత్ రావు తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.