రాష్ట్రీయం
హీరో నానికి తప్పిన ప్రమాదం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 26: టాలీవుడ్ హీరో నాని కారు రోడ్డు ప్రమాదానికి గురైంది. శుక్రవారం రాత్రి జూబ్లీహిల్స్ రోడ్ నెం.45లో వస్తుండగా కారు అదుపు తప్పి పక్కన ఉన్న డివైడర్‌ను, మధ్యలో ఉన్న విద్యుత్ స్ధంభాన్ని ఢీకొంది. ఈ సంఘటనలో కారు బెలూన్లు వెంటనే తెరుచుకోవడంతో పెద్ద ప్రమాదం తప్పింది. కారులో ఉన్న నానికి స్వల్ప గాయం కాగా, డ్రైవర్‌కు ఏమీ కాలేదు. డ్రైవర్‌ను పోలీసులు బ్రీత్ అనలైజర్‌తో పరీక్షించగా మద్యం సేవించలేదని తేలింది. కేవలం డ్రైవర్ నిద్రమత్తులో ఉండడం వల్ల ఈ ప్రమాదం జరిగినట్లు పోలీసులు చెబుతున్నారు. అయినప్పటికీ ప్రోపర్టీ నష్టం కింద డ్రైవర్‌పై జూబ్లీహిల్స్ పోలీసులు కేసు నమోదు చేశారు. నాని షూటింగ్ ముగించుకుని తిరిగి ఇంటికి వస్తుండగా ఈ ప్రమాదం జరిగింది. ప్రమాదం జరిగిన తర్వాత ఇంటికి ఫోన్ చేసి మరో కారు రప్పించుకుని, దానిలో ఇంటికి వెళ్లిపోయారు. ఈ సంఘటనపై నాని ట్విట్టర్ ద్వారా స్పందించారు. అభిమానులు ఆందోళన చెందవద్దని, స్వల్ప గా యం అయ్యింది తప్ప పెద్ద ప్రమాదం జరగలేదని ట్విట్టర్‌లో తెలిపారు. వారం రోజుల్లోగా మళ్లీ షూటింగ్‌కు వెళతానని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.