రాష్ట్రీయం
తెరుచుకోనున్న గేట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 28: తెలంగాణ సర్కారు త్వరలో ఖాయిలా పడిన పరిశ్రమల పునరుద్ధరణకు ఇతోధికంగా నిధులు విడుదల చేయనుంది. పరిశ్రమల పునరుద్ధరణకు గతంలో ఏర్పాటు చేసిన తెలంగాణ ఇండస్ట్రియల్ హెల్త్ క్లినిక్‌లు చురుకుగా పనిచేసేందుకు మార్గదర్శకాలను విడుదల చేసే దిశగా ప్రభుత్వం కసరత్తు చేస్తోంది. దీంతో రాష్ట్ర వ్యాప్తంగా ఉన్న చిన్న పరిశ్రమల యజమాన్యాల్లో ఆశలు చిగురిస్తున్నాయి. ఈ ఏడాది బడ్జెట్‌లో ఖాయిలా పడిన పరిశ్రమలను తెరిచేందుకు ప్రభుత్వం రూ.100 కోట్లను కేటాయించింది. దేశంలో ఏ రాష్ట్రంలో కూడా ఇటువంటి హెల్త్ క్లినిక్‌లు లేవు. కానీ ముఖ్యమంత్రి కేసీఆర్ ఆదేశాల మేరకు ఐటి పరిశ్రమల మంత్రి కేటీఆర్ హెల్త్ క్లినిక్‌ల ఏర్పాటుకు శ్రీకారం చుట్టారు. ఈ పథకాన్ని గత బడ్జెట్‌లో ప్రవేశపెట్టారు. రాష్ట్రంలో 15వేలకుపైగా చిన్న తరహా పరిశ్రమలు మూతపడ్డాయ. ఇవన్నీ ప్రభుత్వం వైపు ఆశగా చూస్తున్నాయి. గత ఏడాది జూన్‌లో ప్రారంభించిన హెల్త్ క్లినిక్‌ల వల్ల తమకు ప్రయోజనం కలుగుతుందని ఎదురు చూస్తున్నారు. కానీ ప్రభుత్వం విడుదల చేసిన వంద కోట్ల రూపాయల నిధులు ఏమూలకు సరిపోవడం లేదు. ఖాయిలా పడిన పరిశ్రమలు గంపగుత్తగా దాదాపు రూ.19వేల కోట్ల వరకు బ్యాంకులకు బకాయిలను చెల్లించాల్సి ఉంది.
ప్రతి పరిశ్రమపైన రూ.4.5 లక్షల వరకు రుణభారం ఉంది. కాగా కొన్ని పరిశ్రమలు తమకు రూ. 5నుంచి రూ.20 లక్షల మేర నిధులిస్తే పరిశ్రమలను బతికించుకుంటామంటున్నారు. ఈ పథకం మూతపడిన పరిశ్రమలకు కల్పతరువు లాంటిదని చిన్న పరిశ్రమల సంఘం అధ్యక్షుడు ఏపికె రెడ్డి చెప్పారు. ఈ పరిశ్రమలు బతికితే 30వేల మంది కార్మికులు మళ్లీ ఉపాధి పొందుతారు. తెలంగాణ ఇండస్ట్రియల్ హెల్త్ క్లినిక్‌ను రిజర్వుబ్యాంక్ ఆఫ్ ఇండియా వద్ద రిజిస్టర్ చేశారు. నాన్ బ్యాంకింగ్ ఫైనాన్స్
కంపెనీగా దీనిని నమోదు చేశారు. చాలా పరిశ్రమలు మూతపడేందుకు సమైక్య పాలనలో ఏర్పడిన విద్యుత్ కొరతనే కారణమని పరిశ్రమల యాజమాన్యాలు అంటున్నాయి. ఇప్పుడు కరెంటు లభ్యత బాగుంది. కాని రుణ భారం పెరిగి పరిశ్రమలు మూతపడ్డాయంటున్నారు. 2008 నుంచి 2014 మధ్య విద్యుత్ కోతల వల్ల పవర్ హాలిడేలు ఇచ్చారు. కాని తెలంగాణ రాష్ట్రం అవతరించిన ఆరు నెలల నుంచి విద్యుత్ కొరతంటే తెలియకుండా ప్రభుత్వం సమగమైన ప్రణాళికను అమలు చేసింది. నిరర్ధక ఆస్తుల విలువ పెరగడంతో బ్యాంకులు చిన్న పరిశ్రమలను సీజ్ చేసింది. కాగా ఇటీవల రాష్ట్రప్రభుత్వ ఆదేశంతో పరిశ్రమల నిపుణులు హెల్త్ క్లినిక్ అధికారులతో కలిసి చిన్న పరిశ్రమల పునరుద్ధరణపై అధ్యయనం చేపట్టారు. వీరికి సబ్సిడీపై రుణాలు, మార్కెటింగ్ బ్రాండ్ మద్దతు ఇచ్చే దిశగా ప్రభుత్వం ఆలోచిస్తోంది. మ్యానుఫ్యాక్చరింగ్ యూనిట్‌లకు మాత్రమే ప్రభుత్వ సహాయం అందుతుంది. ఎంపిక చేసిన మార్గదర్శకాలకు లోబడి ఉన్న చిన్న పరిశ్రమలకు మాత్రమే సహాయం అందే అవకాశం ఉంది. మూడు శాతం రుణంపై ఐదు లక్షల రూపాయల వరకు రుణాలు అందే అవకాశం ఉంది. ఆరు నెలల్లో ఈ పరిశ్రమలు ఈ సొమ్మును ప్రభుత్వానికి చెల్లించాల్సి ఉంటుంది. పునరుద్ధరించిన ఖాయిలా పరిశ్రమను కొత్త పరిశ్రమగా గుర్తించి విద్యుత్ సబ్సిడీలు, ప్రోత్సాహకాలను మూడేళ్లపాటు అందించే దిశగా ప్రభుత్వం ప్రణాళికను త్వరలో ఖరారు చేయనుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.