రాష్ట్రీయం
ఆన్‌లైన్‌లోనే బుకింగ్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 29: ఆన్‌లైన్‌లో మారణాయుధాలను కొనుగోలు చేసి ప్రజలను భయభ్రాంతులు చేసేందుకు పథకం వేసిన 12 మందిని నగర టాస్క్ఫోర్స్ అధికారులు అదుపులోకి తీసుకున్నారు. గృహాపకరణాల మాదిరిగా ఆన్‌లైన్ బుకింగ్ ద్వారా ఈ ముఠా పదునైన మారణాయుధాలను, కొన్ని అతిపొడవైన, పదునైన నిషేధిత మారణాయుధాలను సైతం కొనుగోలు చేశారు. ఈ సంగతి టాస్క్ఫోర్స్‌కు సమాచారం అందడంతో దాడి చేసి స్వాధీనం చేసుకున్నారు. టాస్క్ఫోర్స్ డిసిపి పి.రాధాకిషన్‌రావు సోమవారం ఏర్పాటు చేసిన విలేకరుల సమావేశంలో ఈ కేసు వివరాలను వెల్లడించారు. నిందితుల నుంచి 10 తల్వార్లు, 2 డాగ్గర్లు, ఒకటి పొడవాటి కత్తిని స్వాధీనం చేసుకున్నారు. టాస్క్ఫోర్స్ అదుపులోకి తీసుకున్న వారిలో సూద్ అమన్‌సింగ్, తుసమ్ కునాల్ సింగ్, సుధీర్ సింగ్, మహ్మద్ సల్మాన్, మహ్మ ద్ ముజీబ్, ముస్త్ఫా హుస్సేన్, బిసెంట్ శశికాంత్, మహ్మద్ యాసిన్ అహ్మద్, మహ్మద్ రవూఫ్, సల్మాన్ ఖాన్,
మహ్మద్ సిరాజుద్దీన్, మహ్మద్ సోహాలీలు ఉన్నట్లు డిసిపి తెలిపారు. స్నాప్‌డీల్ సర్వీస్ సంస్ధ ద్వారా మొదటి నలుగురు నిందితులు ఒక్కోక్క మారణాయుధాన్ని రూ.2000 నుంచి 2200 వరకు చెల్లించి రెండు నెలల కిందట కొనుగోలు చేశారు. వీటిలో కొన్ని ఎక్కువ పొడవు ఉండి, అతి పదునుగా ఉన్న కత్తులు నిషేధిత ఆయుధాల జాబితాలో ఉన్నాయని తెలిపారు. వీటి ద్వారా అక్రమాలు చేసేందుకు, ప్రజలను భయభ్రాంతులు చేసేందుకు వినియోగించాలని కొనుగోలు చేశారు. ఇలా మిగిలిన నిందితులు కూడా కొన్ని మారణాయుధాలను ఇటీవలే కొనుగోలు చేశారు. ఈ ఆయుధాలను ఫేస్‌బుక్, వాట్సప్ వంటి సామాజిక మాధ్యమాల ద్వారా ఫోటోలను పంపిస్తున్నారు. ఈ మేరకు అందిన సమాచారంతో దర్యాప్తు చేపట్టడంతో ఈ ఆన్‌లైన్ మార్కెటింగ్ వ్యవహారం వెలుగు చూసింది. నిందితులను, స్వాధీనం చేసుకున్న మారణాయుధాలను నిందితులు దొరికిన ప్రదేశాల్లో ఉన్న పోలీసు స్టేషన్లకు అప్పగించారు. ఇలాంటి నిషేధిత మారణాయుధాలను ఎవరూ కొనుగోలు చేయవద్దని, అది నేరమని డిసిపి ప్రజలకు విజ్ఞప్తి చేశారు. ఈ కేసును టాస్క్ఫోర్స్ ఇన్‌స్పెక్టర్ కె.నాగేశ్వరరావు, ఎస్‌ఐలు పి.చంద్రశేఖరరెడ్డి, బి.శ్రావణ్‌కుమార్, కె.శ్రీకాంత్ దర్యాప్తు చేశారు.
చిత్రం..మారణాయుధాలను స్వాధీనం చేసుకున్న టాస్క్ఫోర్స్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.