రాష్ట్రీయం
మరింత విస్తరిద్దాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 5: పంచాయతీరాజ్ చట్టం ద్వారా సంస్కరణలకు శ్రీకారం చుట్టాలని భావిస్తున్న ప్రభుత్వం, తర్వాత మున్సిపల్ చట్టంలోనూ మార్పులు తీసుకురావాలని భావిస్తోంది. ఆ లోగా రాష్టవ్య్రాప్తంగా కొత్త నగర పంచాయతీలు, మున్సిపాలిటీను ఏర్పాటు చేయడానికి ప్రభుత్వం కసరత్తు ప్రారంభించింది. 15 వేల జనాభా దాటిని గ్రామాలను నగర పంచాయతీలుగా, మున్సిపాలిటీలుగా మార్చడంతో పాటు హైదరాబాద్ మహానగరం పరిధిలో మరికొన్ని సర్కిళ్లు, జోన్లు ఏర్పాటు చేయాలని ప్రభుత్వం నిర్ణయించింది. ఈ అంశంపై సోమవారం హైదరాబాద్ మహానగర పరిధిలోని ఎమ్మెల్యేలు, ఎంపీలతో మున్సిపల్ శాఖ మంత్రి కల్వకుంట్ల తారకరామారావు చర్చించారు. కొత్త నగర పంచాయతీలు, మున్సిపాలిటీలపై ప్రజా ప్రతినిధులతో ప్రతిపాదనలు తీసుకోవాల్సిందిగా అధికారులను మంత్రి ఆదేశించారు. హైదరాబాద్ అవుటర్ రింగ్ రోడ్ లోపల ప్రస్తుతం 167 గ్రామాలు ఉన్నాయని, వీటి భౌగోళిక స్వరూపం ప్రకారం కొత్త మున్సిపాలిటీలుగా ఏర్పాటు చేయాలా? లేక ప్రస్తుతం ఉన్న మున్సిపాలిటీల్లో విలీనం చేయాలా? అనే అంశాన్ని పరిశీలిస్తున్నట్టు మంత్రి వివరించారు. జనాభా ప్రాతిపదికన అవుట్ రింగ్‌రోడ్‌కు లోపలున్న అమీన్‌పూర్, బొల్లారం, కొంపల్లి, పుప్పాలగూడ, ప్రగతినగర్, తెల్లాపూర్, కొల్లూరు, తుర్కయాంజాల్‌లను మున్సిపాలిటీలుగా ఏర్పాటు చేయాలని ప్రాథమికంగా నిర్ణయించినట్టు మంత్రి వివరించారు. జనాభా 15 వేలకు మించితే కచ్చితంగా నగర పంచాయతీలుగా, మున్సిపాలిటీలుగా ఏర్పాటు చేయాలని ప్రభుత్వం ఇప్పటికే సూత్రప్రాయంగా నిర్ణయించిందన్నారు. గ్రామాలను నగర పంచాయతీలుగా, మున్సిపాలిటీలుగా మార్చడం వల్ల కలిగే ప్రయోజనాలు ప్రజలకు వివరించాలని ఎమ్మెల్యేలకు మంత్రి సూచించారు. మున్సిపాలిటీలుగా మార్చడం వల్ల ఇంటి పన్ను పెరుగుతుందనే అభిప్రాయం ప్రజల్లో ఉంటుందని, అయితే కొత్తగా ఏర్పాటు చేసే నగర పంచాయతీలు, మున్సిపాలిటీలలో రెండు సంవత్సరాల వరకు పన్నుల పెంపు ఉండదని మంత్రి కెటిఆర్ స్పష్టం చేసారు. మంత్రి నిర్వహించిన ఈ సమావేశానికి రాజేంద్రనగర్, ఇబ్రహీంపట్నం, కుత్బుల్లాపూర్, మహేశ్వరం, సంగారెడ్డి ఎమ్మెల్యేలు, ఎమ్మెల్సీలతో పాటు భువనగిరి ఎంపి బూర నర్సయ్య, రంగారెడ్డి, మేడ్చెల్, సంగారెడ్డి జిల్లాల కలక్టర్లు హాజరయ్యారు.
చిత్రం..కొత్త మున్సిపల్ చట్టంపై మంత్రులు, ఎమ్మెల్యేలతో నిర్వహించిన సమావేశంలో మంత్రి కేటీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.