రాష్ట్రీయం
మావోల విధ్వంసకాండ
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, ఫిబ్రవరి 5: మావోయిస్టులు సోమవారం తలపెట్టిన తెలంగాణ రాష్టబ్రంద్ ఉద్రిక్తతకు దారితీసింది. చత్తీస్‌గఢ్, తెలంగాణ రాష్ట్ర సరిహద్దుల్లోని భద్రాద్రి కొత్తగూడెం, భూపాలపల్లి జిల్లాల పరిధిలో బంద్ ప్రభావం అధికంగా కనిపించింది. వ్యాపారులు తమ దుకాణాలను మూసివేయగా బస్సులు సైతం సరిగ్గా తిరగలేదు. చత్తీస్‌గఢ్ రాష్ట్రంనుంచి భద్రాచలం, హైదరాబాద్ ప్రాంతాలకు నిత్యం తిరిగే ప్రైవేటు బస్సులు పూర్తిగా ఎక్కడికక్కడ నిలిచిపోయాయి. మావోయిస్టులు బంద్ సందర్భంగా బీఎస్‌ఎన్‌ఎల్ సెల్‌టవర్‌ను పేల్చివేశారు. భూపాలపల్లి జిల్లా వెంకటాపురం మండలం ఎదిర గ్రామంలోని బీఎస్‌ఎన్‌ఎల్ టవర్‌ను పేల్చివేయడంతో కొంత ఉద్రిక్త వాతావరణం నెలకొంది. మరోవైపు సరిహద్దులోని దంతెవాడ జిల్లా పరిధిలోని భచేలి, భాన్సీ మధ్యలో రైలు పట్టాలను తొలగించడంతో అటుగా వెళ్తున్న గూడ్స్‌రైలు ఆరు బోగీలు పట్టాలుతప్పాయి. దీంతో రైళ్ళ రాకపోకలకు అంతరాయం ఏర్పడింది. కేంద్ర, రాష్ట్ర ప్రభుత్వాలు ప్రజా వ్యతిరేక విధానాలను అవలంభిస్తున్నాయని, అటవీ ప్రాంతంలో మావోయిస్టుల ఏరివేత పేరుతో ప్రజలను ఇబ్బందులకు గురిచేస్తున్నాయని, అందుకోసం ప్రత్యేక పోలీస్ క్యాంపులను ఏర్పాటు చేస్తూ అలజడి సృష్టిస్తున్నాయని ఆరోపిస్తూ మావోయిస్టు తెలంగాణ రాష్ట్ర కమిటీ బంద్‌కు పిలుపునిచ్చింది. బంద్‌కు మద్దతివ్వాలంటూ రాష్టన్రేత ఆజాద్ పేరుతో ప్రకటన కూడా విడుదల చేశారు. ఈ క్రమంలో బంద్‌ను విజయవంతం చేయాలని మావోయిస్టులు, దానిని అడ్డుకోవాలని పోలీసులు ప్రయత్నాలు చేయగా ఈ క్రమంలో సామాన్య పౌరులు ఇబ్బందులు పడ్డారు. అటవీ ప్రాంతాల్లో ఉద్రిక్త వాతావరణం నెలకొనగా సామాన్య ప్రజలు తమ ఇళ్ళను విడిచి బయటకు రాలేదు. మరోవైపు పోలీసులు మాత్రం అదనపు బలగాలతో విస్తృతంగా కూంబింగ్ నిర్వహించారు. రెండురోజుల క్రితం మావోయిస్టులకు, పోలీసులకు ఎదురుకాల్పులు జరిగిన ప్రాంతం భద్రాద్రి జిల్లా చర్లకు సరిహద్దులోనిది కావడంతో ఆ ప్రాంతం మరింత ఉద్రిక్తతకు దారితీసింది. తోగ్గూడెం ఔట్‌పోస్టుపై మావోయిస్టులు దాడిచేసిన నేపథ్యంలో ఈ పరిస్థితి నెలకొన్నది. అయితే బంద్ సందర్భంగా మావోయిస్టులు మరోసారి దాడులకు పాల్పడుతారనే సమాచారంతో పోలీసులు అదనపు బలగాలను రప్పించారు.
చిత్రం..దంతెవాడ జిల్లాలో రైలుపట్టాలు తొలగించడంతో పట్టాలు తప్పిన గూడ్స్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.