రాష్ట్రీయం
2019నాటికి మెట్రో పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ , నవంబర్ 29: రాష్ట్ర రాజధాని నగరంగా అభివృద్ధి చెందుతున్న విజయవాడలో 2019నాటికి అమరావతి మెట్రో రైలు ప్రాజెక్టు పూర్తి చేయడానికి సన్నాహాలు చేస్తున్నట్టు కార్పొరేషన్ ఎండి ఎన్ రామకృష్ణారెడ్డి పేర్కొన్నారు. ఆదివారం ఉదయం నగరంలోని కౌన్సిల్ హాల్లో అధికారులు, ప్రజాప్రతినిధులకు జరిగిన అవగాహన కార్యక్రమంలో మాట్లాడారు. నవ్యాంధ్ర ఏర్పాటు తరువాత అభివృద్ధిలో భాగంగా విజయవాడతోపాటు విశాఖపట్టణానికీ కేంద్ర ప్రభుత్వం మెట్రో ప్రాజెక్టు మంజూరు చేసిందన్నారు. 2016 ఏప్రిల్‌లో మెట్రో పనులను లాంఛనంగా ప్రారంభిస్తామని తెలుపుతూ, ఇప్పటికే 6,708 కోట్ల భారీ అంచనాలతో డిపిఆర్ సిద్ధం చేశామన్నారు. నగర ప్రయాణికుల అవసరాలతోపాటు వివిధ పనుల నిమిత్తం తరలివచ్చే సందర్శకుల సౌకర్యార్థం కూడా షేర్ ఆటోకంటే తక్కువ వ్యయంతో ప్రయాణం చేయగలిగేలా మెట్రోను రూపొందిస్తున్నట్టు చెప్పారు. ఫస్ట్ ఫేజ్ కింద పండిట్ నెహ్రూ బస్టేషన్ నుంచి ఏలూరు రోడ్డు నిడమానూరు వరకూ (13.27 కి.మి), బందర్ రోడ్డు పెనమలూరు వరకూ (12.76 కి.మీ) ప్రాజెక్టు పూర్తవుతుందన్నారు. పూర్తి ఆధునిక సాంకేతిక పరిజ్ఞానంతో కూడిన టెలీకమ్యూనికేషన్ ఆటోమెటిక్ సిస్టమ్‌తో నడిచేలా రూపకల్పన చేస్తున్నట్టు చెప్పారు. ఒకొక్క మార్గంలో 12 స్టేషన్ల కారిడార్లను ఏర్పాటు చేస్తున్నామన్నారు. అజిత్‌సింగ్‌నగర్ నుంచి ఆటోనగర్ వరకూ, 5వ నెంబర్ బస్ రూట్‌లో రెండో దశ చేపట్టాల్సిందిగా సిఆర్‌డిఏ అధికారులు కోరిన నేపథ్యంలో, తగు నివేదికల రూపకల్పన చేస్తున్నట్టు చెప్పారు. అమరావతి మెట్రో ప్రాజెక్టులో ఎండీతోపాటు 9మంది సభ్యులతో కూడిన కమిటీని నియమించినట్టు, ఇందులో విఎంసి కమిషనర్ కూడా సభ్యులుగా ఉంటారన్నారు. ప్రతిష్ఠాత్మకంగా చేపట్టే మెట్రోకు నగర ప్రజలతోపాటు ప్రజాప్రతినిధుల సహకారం ఇవ్వాలని కోరారు. తొలుత నగర పాలక సంస్థ కమిషనర్ వీరపాండియన్‌తో కలిసి మెట్రో రైల్ ప్రాజెక్టు పనులు చేపట్టే పండిట్ నెహ్రూ బస్టేషన్ పరిసరాలను క్షేత్రస్థాయిలో పరిశీలించారు. కార్యక్రమానికి నగర మేయర్ కోనేరు శ్రీ్ధర్ అధ్యక్షత వహించగా, అమరావతి మెట్రో కార్పొరేషన్ ఎండి రామకృష్ణారెడ్డి, ఢిల్లీ మెట్రో కార్పొరేషన్ డైరెక్టర్ శర్మ పలువురు మెట్రో ప్రాజక్టు అధికారులు పాల్గొన్నారు.
చిత్రం.. మెట్రో రైలు ప్రాజెక్టు ప్లాన్‌ను పరిశీలిస్తున్న కార్పొరేషన్ అధికారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.