రాష్ట్రీయం
రాజీనామాలంటే రాద్ధాంతం చేస్తారా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 15: ప్రత్యేక హోదా సాధన కోసం తమ పార్టీ అధ్యక్షుడు వైఎస్ జగన్ తీసుకున్న ఎంపీల రాజీనామా నిర్ణయాన్ని స్వాగతిస్తున్నట్లు వైకాపా ఎంపి మిథున్ రెడ్డి ప్రకటించారు. గురువారం ఆయన ఇక్కడ విలేఖర్ల సమావేశంలో మాట్లాడుతూ, వైకాపా ఎంపీల రాజీనామాల నిర్ణయాన్ని ప్రజలు కూడా స్వాగతిస్తున్నారని చెప్పారు. రాజీనామా చేసి ఎన్నికలు వస్తే ఎదుర్కొనేందుకు సిద్ధంగా ఉన్నామన్నారు. ప్రత్యేక హోదా అనేది ఢిల్లీ అహంకారానికి, ఆంధ్ర ఆత్మగౌరరవానికి జరుగుతున్న పోరుగా ఆయన అభివర్ణించారు. 2019 జూన్ 4 వరకు ఎంపీలుగా కొనసాగే అర్హత ఉందని, తాము 14 నెలలు ముందే రాజీనామాలు చేస్తున్నామన్నారు. స్పీకర్ ఫార్మాట్‌లో రాజీనామాలు చేసి ఆమోదించుకుంటామన్నారు. ఇదే సమయంలో వైకాపా నుంచి ఫిరాయించిన ముగ్గురు ఎంపీలు, 22 మంది ఎమ్మెల్యేలతో రాజీనామా చేయించి ఎన్నికలకు రావాలని ఆయన సవాలు విసిరారు. సింగపూర్ జపాన్‌లో దిగిన ఫోటోలు తప్ప చంద్రబాబు అమరావతిలో సాధించిందేమీ లేదన్నారు. విశాఖలో నిర్వహించిన భాగస్వామ్య సదస్సు కారణంగా రూ.15 లక్షల కోట్లు పెట్టుబడులు రాష్ట్రానికి తరలివచ్చాయని చెప్పడం బూటకమన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.