రాష్ట్రీయం
మత్స్యావతారునిగా యాదాద్రి నారసింహుడు
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, ఫిబ్రవరి 19: యాదాద్రి లక్ష్మీనరసింహాస్వామి దేవస్థానం బ్రహ్మోత్సవాల్లో సోమవారం విశేషాలంకార, వాహన సేవలు వైభవోపేతంగా ప్రారంభమయ్యాయి. దశవతారాల్లో వేద రక్షకుడిగా శ్రీ మహావిష్ణువు దాల్చిన తొలి అవతారమైన మత్స్యావతార మూర్తిగా దర్శనమిచ్చిన లక్ష్మినరసింహుడు రాత్రి శేష వాహనంపై విహరించారు. శేషశయనుడైన శ్రీ మహావిష్ణువు లక్ష్మినరసింహుడి రూపంలో పెండ్లికొడుకుగా ముస్తాబై ఆదిశేషరూఢుడై తీర్ధజనులకు దర్శనమివ్వగా దర్శించుకున్న భక్తులు తన్మయులయ్యారు. లక్ష్మినరసింహుడికి ఆరు రోజుల పాటు వరుసగా శ్రీకృష్ణాలంకార సేవ, హంసవాసన సేవ, వటపత్రశాయి సేవ, పొన్నవాహన సేవ, గోవర్ధనగిరిధారి సేవ, సింహవాహన సేవ, జగన్మోహినీ సేవ, అశ్వవాహన సేవ, శ్రీరామలంకార సేవ, హనుమత్ వాహన సేవ, గజ వాహన సేవ, శ్రీ మహావిష్ణువు సేవ, గరుడ వాహన సేవలు నిర్వహించనున్నారు. ఉత్సవాల్లో భాగంగా వేద పారాయణలు, హోమ, హవనాలు శాస్తయ్రుక్తంగా కొనసాగాయి. ఉత్సవాల్లో ఆలయ ఈవో గీత, అనువంశిక ధర్మకర్త బి.నరసింహమూర్తి, టీడీపీ తెలుగు రైతు రాష్ట్ర అధ్యక్షుడు వంటేరు ప్రతాప్‌రెడ్డి దంపతులు పాల్గొని స్వామిని సేవించారు. మంగళవారం లక్ష్మీనారసింహుడికి ఉదయం శ్రీమురళీకృష్ణాలంకార సేవ, రాత్రి హంసవాహన సేవలు నిర్వహించనున్నారు. స్వామివారి కల్యాణోత్సవానికి తెలంగాణ ముఖ్యమంత్రి కేసీఆర్‌ను ఆహ్వానిస్తు ఈవో గీత, అనువంశిక ధర్మకర్త బి.నరసింహమూర్తి, ప్రభుత్వ విప్ గొంగిడి సునీతా మహేందర్‌రెడ్డి సోమవారం ప్రగతి భవన్‌కు వెళ్లి ఆహ్వానపత్రికను అందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.