రాష్ట్రీయం
కాకినాడ ప్రభుత్వాసుపత్రిలో స్వల్ప అగ్నిప్రమాదం
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ సిటీ, ఫిబ్రవరి 19: కాకినాడ ప్రభుత్వాసుపత్రి మాతాశిశు విభాగం భవనం పైభాగంలో ఉన్న ఎన్‌ఐసియు విభాగంలో సోమవారం రాత్రి స్వల్ప అగ్ని ప్రమాదం సంభవించింది. ఈ ప్రమాదంలో పసి బిడ్డలకు ప్రాణవాయువు సరఫరాచే సే సీపేప్ మెషిన్ అగ్నికి ఆహుతయింది. ఈ ప్రమాదంతో వార్డులో తల్లులు తమ పసిబిడ్డలను తీసుకుని పరుగులు తీశారు. అయితే ఎవరికీ ఎటువంటి ప్రమాదం వాటిల్లలేదని తెలుసుకున్న వారు ఊపిరి పీల్చుకుని తిరిగి వార్డులోకి చేరుకున్నారు. పసిబిడ్డలకు ఆక్సిజన్‌ను సరఫరా చేసే సీపేప్ మెషిన్‌లో నుండి మంటలు వెలువడగా ఆ సమయంలో విధినిర్వహణలో ఉన్న వైద్యులు వెంటనే అప్రమత్తమై మెషిన్‌కు ఉన్న విద్యుత్ సరఫరాను నిలిపివేసి, అక్కడ ఉన్న ఫైర్ సేఫ్టీ పరికరాలతో మంటలు ఆర్పివేశారు. అనంతరం వారు ఫైర్ సిబ్బందికి సమాచారం అందజేయడంతో వారు హుటాహుటిన సంఘటనా ప్రాంతానికి చేరుకుని మంటలు వ్యాప్తిచెందకుండా చర్యలు తీసుకున్నారని ఆసుపత్రి సూపరింటెండెంట్ ఎం రాఘవేంద్రరావు తెలిపారు. వైద్యులు సకాలంలో స్పందించడంతో పసిబిడ్డలకు ఎటువంటి ప్రాణహాని జరగలేదన్నారు. ఆస్తినష్టం జరగలేదని స్పష్టం చేశారు. గత రెండు నెలల కాలంలో ప్రభుత్వాసుపత్రిలో జరిగిన మూడవ అగ్ని ప్రమాదం ఘటన కావడంతో ఆసుపత్రిలో తీవ్ర అలజడి నెలకొంది.
చిత్రం..అగ్నిప్రమాదంలో కాలిపోయిన సీపేప్ మెషిన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.