రాష్ట్రీయం
పనితీరు భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 24: భూరికార్డుల ప్రక్షాళనను విజయవంతంగా పూర్తి చేసిన రెవెన్యూ ఉద్యోగులకు నెల మూలవేతనాన్ని ప్రోత్సాహకంగా ఇవ్వనున్నట్టు సీఎం కేసీఆర్ ప్రకటించారు. భూరికార్డుల ప్రక్షాళన, కొత్త పాస్‌పుస్తకాల పంపిణీపై ప్రగతిభవన్‌లో శనివారం ప్రత్యేక సమీక్ష నిర్వహించారు. ప్రభుత్వ ప్రోత్సాహక నిర్ణయంతో 10,809 మంది రెవెన్యూ ఉద్యోగులు, 24,410 మంది వీఆర్‌ఏలు, 530మంది సర్వే విభాగం ఉద్యోగులకు లబ్ది జరుగుతుందన్నారు. మొత్తం 35,749 మంది ఉద్యోగులకు నెల మూల వేతనం అదనంగా లభిస్తుందన్నారు. రెవెన్యూ ఉద్యోగులు రేయింబవళ్లు కష్టపడి కేవలం 100 రోజుల్లో భూరికార్డుల ప్రక్షాళన పూర్తి చేశారన్నారు.
తెలంగాణ ప్రజల తరఫున, రైతుల పక్షాన రెవెన్యూ ఉద్యోగులందరికీ మనసారా కృతజ్ఞతలు తెలియచేస్తున్నానన్నారు. దాదాపు 80 ఏళ్ల నుండి భూరికార్డుల ప్రక్షాళన కాలేదని, క్రయవిక్రయాలు సరిగ్గా నమోదు కాలేదని, దాంతో భూరికార్డుల అంశం గందరగోళంగా మారిందని కేసీఆర్ గుర్తు చేశారు. పంటల పెట్టుబడి పథకం అమలు చేసేందుకు ఏ భూమి ఎవరి పేరుతో ఉందో స్పష్టంగా తేలిపోయిందన్నారు. అసైన్డ్‌దారుల విషయంలోనూ స్పష్టత వచ్చిందన్నారు. రాష్ట్రంలో 22.5 లక్షల ఎకరాల భూమిని పేదలకు పంచగా, అందులో 20 లక్షల ఎకరాల భూముల విషయంలో స్పష్టత వచ్చిందన్నారు. మిగతా రెండున్నర లక్షల ఎకరాల విషయంపై వివరాలు సేకరిస్తున్నామన్నారు. కొత్తజిల్లాలు ఏర్పాటు చేయడం వల్ల, జిల్లాల విస్తీర్ణం తగ్గి రికార్డుల ప్రక్షాళన సులువైందని సీఎం కేసీఆర్ అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.