రాష్ట్రీయం
కలిసికట్టుగా ముందుకెళ్దాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 25: ‘కలిసి సాగుదాం. తెరాస పాలనకు చరమగీతం పాడుదాం’ అని టీపీసీసీ అధ్యక్షుడు ఉత్తమ్‌కుమార్ రెడ్డి పార్టీ సీనియర్లు, నాయకులు, కార్యకర్తలకు పిలుపునిచ్చారు. కాంగ్రెస్ ప్రజా చైతన్య బస్సు యాత్ర సోమవారం నుంచి చేవెళ్లనుంచి మొదలవుతున్న సంగతి తెలిసిందే. లోగడ వైఎస్ రాజశేఖర రెడ్డి 2003లో చేవెళ్ళ నుంచి శ్రీకాకుళం వరకూ పాదయాత్ర నిర్వహించి 2004లో జరిగిన సార్వత్రిక ఎన్నికల్లో అధికారంలోకి వచ్చారు. అయితే చేవెళ్ళ సెంటిమెంట్ ఇప్పుడు కాంగ్రెస్‌కు కలిసొస్తుందా? లేదా? అనేది ఒక అంశం కాగా, అసలు ఎంతమంది ముఖ్య నేతలు బస్సెక్కుతారన్నది రెండో ప్రశ్న. మరోపక్క అధ్యక్షుడే అందరినీ కలుపుకుని పోవడం లేదన్న విమర్శ పార్టీలో అంతర్గతంగా వినిపిస్తోంది. ఎన్నికలకు ఇక ఏడాది సమయమే మిగిలి ఉన్నందున పార్టీలో ప్రతి ఒక్కరితో చురుగ్గా పని చేయించేందుకు ఉత్తమ్ ప్రణాళిక రూపొందించారు. పార్టీలో ఒక్కోక్కరిదీ ఒకదారి అనే విమర్శను దూరం చేసేలా ప్రజా చైతన్య బస్సు యాత్ర ద్వారా నేతలందరినీ బస్సు ఎక్కించాలని ప్రయత్నిస్తున్నారు. ఈమేరకు గత 2రోజులుగా పార్టీ సీనియర్లను సంప్రదిస్తున్నారు. బస్సు యాత్ర ద్వారా ప్రజా వ్యతిరేక విధానాలపై ప్రభుత్వాన్ని ఎండగట్టడంతోపాటు పార్టీ శ్రేణుల్లో ఉత్సాహం నింపాలన్నది పార్టీ యోచన. 26న ఉదయం 10 గంటలకు నాంపల్లిలోని దర్గాకు ముఖ్య నేతలు
చేరుకుని ప్రార్థనలు నిర్వహిస్తారు. అక్కడి నుంచి 11 గంటలకు గండిపేట రోడ్డులోని ఆరే మైసమ్మ దేవాలయంలో, 12 గంటలకు మొయినాబాద్ చర్చిలో ప్రార్థనలు నిర్వహించి, నేరుగా చేవెళ్ళకు చేరుకుంటారు. సరిగ్గా ఒంటి గంటకు ముఖ్య నాయకుల ప్రసంగంతో ప్రజా చైతన్య యాత్ర ప్రారంభమవుతుంది. యాత్ర సాయంత్రం 4 గంటలకు వికారాబాద్‌కు చేరుకుంటుంది. వికారాబాద్‌లో బహిరంగ సభ అనంతరం రాత్రి నాయకులంతా అక్కడే బస చేస్తారు. 27న ఉదయం యాత్ర ప్రారంభమై మధ్యాహ్నం ఒంటి గంటకు తాండూరుకు చేరుకుంటుంది. సాయంత్రం 4 గంటలకు సంగారెడ్డిలో సభ, అనంతరం రాత్రి అక్కడే బస చేస్తారు. ఆ మర్నాడు అంటే 28న మధ్యాహ్నం 1 గంటకు జహీరాబాద్, సాయంత్రం 4 గంటలకు నారాయణ్‌ఖేడ్‌లో సభ జరుగుతుంది.
అహంకారం పెరిగింది
*సిఎంపై ఉత్తమ్ విసుర్లు
ముఖ్యమంత్రి కేసీఆర్‌కు అహంకారం పెరిగిందని ఉత్తమ్‌కుమార్ రెడ్డి విమర్శించారు. ప్రభుత్వ వైఫల్యాలను బస్సు యాత్ర ద్వారా ఎండగడతామని ఆయన తెలిపారు. టిఆర్‌ఎస్ ప్రభుత్వానికి ఇదే ఆఖరి బడ్జెట్ అని, మళ్లీ అధికారంలోకి రాదని ఆయన జోస్యం చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.