రాష్ట్రీయం
అమర సైనికుడికి అశ్రునివాళి
S ,7 à 8 RSCA (si SASPAS) et 6 cialis pharmacie cialis rapports de stage.
కర్నూలు: సియాచిన్ మంచు పర్వతాల్లో వీర మరణం పొందిన సైనికుడు ముస్తాక్ అహ్మద్(32) అంత్యక్రియలు ముస్లింల సంప్రదాయం ప్రకారం మంగళవారం కర్నూలు జిల్లా బండి ఆత్మకూరు మండలం పార్నపల్లె గ్రామంలో సైనిక లాంఛనాలతో నిర్వహించారు. వేలాదిగా తరలివచ్చిన ప్రజలు, నాయకులు అమర జవానుకు తుది వీడ్కోలు పలికారు. ముస్తాక్ అహ్మద్ పార్థివదేహం హైదరాబాద్ నుంచి ప్రత్యేక వాహనంలో సోమవారం అర్ధరాత్రి దాటిన తరువాత స్వగ్రామం పార్నపల్లి చేరుకుంది. మృతదేహాన్ని చూడగానే ముస్తాక్ తల్లిదండ్రులు, భార్య రోదనలు మిన్నంటాయి. అర్ధరాత్రి దాటినా అమర సైనికుడి పార్థివదేహాన్ని చూసేందుకు ప్రజలు ఎదురుచూస్తూనే ఉన్నారు. మంగళవారం ఉదయం రాష్ట్ర ప్రభుత్వ ప్రతినిధిగా ఉప ముఖ్యమంత్రి కెయి కృష్ణమూర్తి ముస్తాక్ అహ్మద్ భౌతికకాయంపై పుష్పగుచ్ఛం ఉంచి నివాళులు అర్పించారు. పలువురు ఎమ్మెల్యేలు, ఎమ్మెల్సీలు, కలెక్టర్ విజయ మోహన్, డిఐజి రమణకుమార్ తదితరులు శ్రద్ధాంజలి ఘటించారు. ముస్లిం మతపెద్దలు సంప్రదాయం ప్రకారం ప్రార్థనలు నిర్వహించగా అంతిమయాత్ర ప్రారంభమైంది. జై జవాన్, భారతమాతకు జై అంటూ ప్రజలు ముక్తకంఠంతో నినదిస్తూ ముస్తాక్ అంతిమయాత్రలో పాల్గొన్నారు. వైకాపా అధినేత జగన్మోహన్‌రెడ్డి శ్మశానవాటిక వద్ద ముస్తాక్ భౌతికకాయంపై పుష్పగుచ్ఛం ఉంచి నివాళులర్పించారు. ముస్లింల శ్మశానవాటికలో సైనికులు, పోలీసులు గాలిలోకి కాల్పులు జరిపి అమర సైనికుడికి తుది వందనం పలికారు. అనంతరం ముస్తాక్ పార్థివదేహాన్ని ఖననం చేశారు.
ఉప ముఖ్యమంత్రి కెయి ప్రభుత్వం తరపున రూ.25 లక్షల చెక్కును ముస్తాక్ కుటుంబ సభ్యులకు అందజేశారు. ముస్తాక్ భార్యకు ప్రభుత్వ ఉద్యోగం కల్పిస్తామని అలాగే నంద్యాల, కర్నూలులో ఎక్కడ కోరుకుంటే అక్కడ 300 చదరపు గజాల ఇంటి స్థలం కేటాయించి ఇల్లు నిర్మిస్తామని హామీ ఇచ్చారు. తల్లిదండ్రుల జీవనోపాధికి నిబంధనల ప్రకారం సాగుభూమి కేటాయించేందుకు చర్యలు తీసుకుంటామన్నారు.
chitram...
కర్నూలు జిల్లా బండి ఆత్మకూరు మండలం పార్లపల్లెలో మంగళవారం జరిగిన వీరజవాను ముస్తాక్ అంతిమయాత్రలో
వేలాదిగా పాల్గొన్న ప్రజలు. ముస్తాక్ పార్థివదేహం వద్ద నివాళులర్పిస్తున్న ఉప ముఖ్యమంత్రి కెయి.కృష్ణమూర్తి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.