రాష్ట్రీయం
సమాజానికి మేలుకొలుపు.. ‘ప్రపంచం నీ గుప్పెట్లో’
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, మార్చి 22: కుటుంబం మధ్య ఆత్మీయతలు అంతర్జాలానికి పరిమితమైపోతున్నాయి.. పెరిగిన సాంకేతికత కుటుంబ బంధాలను తెంచేస్తోందని సమకాలీన కుటుంబాల్లోని పరిస్థితులను కథా వస్తువుగా తీసుకుని ప్రస్తుత సామాజిక విశృంఖలత్వాన్ని చక్కగా ఆవిష్కరించింది ‘ప్రపంచం నీ గుప్పెట్లో’ నాటిక. మారుతున్న కాలానికి అనుగుణంగా భర్యాభర్తలిద్దరూ ఉద్యోగాలు చేస్తూ సంపాదిస్తే తప్ప కుటుంబాన్ని నెట్టుకొచ్చే పరిస్థితి లేదని చెబుతూనే మానవ సంబంధాలు ఏ విధంగా నాశనమవుతున్నాయో వివరిస్తూ ఈ నాటకం సందేశాత్మకంగా సాగింది. ప్రేక్షకులను కంట తడిపెట్టించిన ఈ నాటకంలో నటులంతా తమ తమ పాత్రలకు జీవంపోశారు. ఉభయ గోదావరి జిల్లాలకు చెందిన కళావాణి సంస్థ ఈ నాటికను ప్రదర్శించింది. రేలంగి మల్లిక్ రచించగా, ఆర్ ఉదయభాస్కర్ దర్శకత్వం వహించారు. తెరతీసిన వెంటనే పాత ఇల్లు, రేడియో వార్తలు, కట్టెలు పొయ్యపై వంట చేయడం వంటి సన్నివేశాలతో మొదలయ్యే నాటిక రెండో అంకంలో ఆధునిక కాలానికి తగిన ఇంటి సెట్టు వేసి అందులో సమకాలీన కుటుంబ వ్యవస్థను సందేశాత్మకంగా రక్తి కట్టించారు. నాన్నమ్మ, అమ్మమ్మలకు దూరంగా చిన్న చిన్న కుటుంబాలైపోయిన నేపథ్యంలో అమెరికాలో ఉంటున్న కుటుంబాల పిల్లలకు నాన్నమ్మ కథలు స్కైప్‌లో చెప్పడం వినూత్నంగా సమాజాన్ని మేలుకొలిపేదిగా అనిపించింది. ఆంధ్రా నుంచి అమెరికాలో పిల్లలకు నాన్నమ్మ కథలు చెప్పడం ఆలోచింపజేసింది. తల్లిదండ్రులు బాధ్యతారహితంగా వ్యవహరిస్తే మమతలు దూరం అవుతాయని, వాస్తవాలు గ్రహించకుండా కరెన్సీకే విలువిచ్చి మనిషికి విలువ ఇవ్వని స్థితిలో ఇంటర్నెట్ అంతర్జాలం భవబంధాలను విచ్ఛిన్నం చేస్తోందని మొత్తంగా ఈ నాటిక సందేశాన్నిచ్చింది. ఈ నాటికకు ప్రదర్శనా పారితోషికాన్ని ఎఫ్‌డీసీ తరపున సమాచార శాఖ డిఎల్‌పివో జీ వెంకటేశ్వరరావు అందజేశారు. తూర్పు గోదావరి జిల్లా రాజమహేంద్రవరం ఆనం కళా కేంద్రంలో ఆంధ్రప్రదేశ్ చలన చిత్ర టీవీ, నాటక రంగ అభివృద్ధి సంస్థ ఆధ్వర్యంలో ఈ నెల 14 నుంచి జరుగుతున్న నంది నాటకోత్సవం ప్రదర్శనలు గురువారంతో ముగిశాయి. ముగింపు రోజు ‘ప్రపంచం నా గుప్పెట్లో నాటికతోపాటు ధవళేశ్వరం వాసవి కళానికేతన్ కల్చరల్ అసోసియేషన్ వారి ‘్భక్త రామదాసు’ నాటిక ప్రదర్శించారు. ఈ నాటిక దివంగత పి కోటేశ్వరరావు రచించగా బి నర్శింహమూర్తి దర్శకత్వం వహించారు. మూడో ప్రదర్శనగా ఏలూరు అభినయ నృత్య భారతి ఆధ్వర్యంలో ‘చిల్లరకొట్టు చిట్టెమ్మ’ అనే నాటిక ప్రదర్శించారు. దివంగత దాసం గోపాలకృష్ణ రచించిన ఈ నాటికకు మర్రాపు మల్లికార్జునరావు దర్శకత్వం వహించారు. చివరి ప్రదర్శనగా జంగారెడ్డిగూడెంకు చెందిన మీ.కో.స.మె. సంస్థ సమర్పించిన ‘జాగా’ నాటిక ప్రదర్శించారు. రచన, దర్శకత్వం డాక్టర్ బొక్కా శ్రీనివాసరావు. ఎంపీ మాగంటి మురళీమోహన్ సారధ్యంలో ఏపీ చలనచిత్ర టీవీ నాటక రంగ అభివృద్ధి సంస్థ ఆధ్వర్యంలో సాగిన నాటకోత్సవాలకు 42 ప్రదర్శనలు ఎంపికయ్యాయి. అనివార్య కారణాలవల్ల ఏడు ప్రదర్శనలు రద్దుకాగా 35 మాత్రమే ప్రదర్శించారు.
చిత్రం..‘ప్రపంచం నీ గుప్పెట్లో’ నాటికలో ఓ సన్నివేశం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.