రాష్ట్రీయం
రాజకీయాల్లోకి లక్ష్మీనారాయణ?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 22: సిబిఐ మాజీ జాయింట్ డైరక్టర్ (జెడి), మహారాష్ట్ర పోలీస్ శాఖలో ప్రస్తుతం అదనపు డిజి హోదాలో పని చేస్తున్న లక్ష్మీనారాయణ స్వచ్ఛంద పదవీ విరమణ (విఆర్‌ఎస్)కు దరఖాస్తు చేశారు. రాజీనామా లేఖను ఆ రాష్ట్ర డిజిపికి అందజేశారు. ఆయన ద్వారా కేంద్ర ప్రభుత్వం విఆర్‌ఎస్‌కు అనుమతించాల్సి ఉంది. స్వచ్ఛంధ ఉద్యోగ విరమణ తర్వాత ఆయన ప్రత్యక్ష రాజకీయాల్లో పాల్గొంటారని సమాచారం. అయితే ఇంకా ఏ పార్టీలో చేరేది ఆయన వెల్లడించకపోయినప్పటికీ బిజెపిలో గానీ పవన్ కళ్యాణ్ పార్టీ జనసేనలో గానీ చేరతారనే ఊహాగానాలు వస్తున్నాయి. ఆయన ఐపిఎస్ సర్వీస్ నుంచి విఆర్‌ఎస్‌కు దరఖాస్తు చేశారనే సమాచారం వెల్లడి కావడంతో చాలా మంది ఆశ్చర్యానికి గురయ్యారు. ఆయన పూర్తి పేరు వివి లక్ష్మీనారాయణ అయినప్పటికీ సిబిఐ జెడి లక్ష్మీనారాయణగానే అందరికీ గుర్తుండిపోయారు. ఉమ్మడి ఆంధ్రప్రదేశ్‌లో ఆయన సిబిఐ జాయింట్ డైరక్టర్‌గా పని చేసి చాలా సంచలన కేసులు నమోదు చేశారు. సిబిఐ పనితీరు విధానాన్ని ప్రజలకు తెలియజేశారు. సత్యం కంప్యూటర్స్ కుంభకోణం, వైఎస్ జగన్ అక్రమాస్తుల కేసు, ఓబుళాపురం మైనింగ్ కేసుతో పాటు ఎమ్మార్ ప్రాపర్టీస్ కేసులను నమోదు చేయడంలో ఆయన కీలక పాత్ర వహించారు. సత్యం కంప్యూటర్ కేసుతో పాటు అక్రమాస్తుల కేసులో వైఎస్ జగన్, విజయసాయి రెడ్డి, తదితరులు, ఓబుళాపురం మైనింగ్ అక్రమ తవ్వకాల కేసులో గాలి జనార్ధన్‌రెడ్డి తదితరులను అరెస్టు చేయడం అప్పట్లో తీవ్ర సంచలనం రేకిత్తించింది. విధి నిర్వహణలో తనదైన శైలిలో పని చేయడం ద్వారా ఎంతోమందికి ఆదర్శంగా నిలిచారు. ఈ కేసుల నమోదు, అరెస్టుల పర్వం కొనసాగిన కొన్ని రోజుల తర్వాత ఆయనను సిబిఐ నుంచి సొంత క్యాడర్ రాష్టమ్రైన మహారాష్ట్ర పోలీస్‌కు బదిలీ అయ్యారు. అక్కడ వివిధ హోదాల్లో పని చేసిన లక్ష్మీనారాయణ వీలు దొరికినప్పుడల్లా ఆంధ్రప్రదేశ్, తెలంగాణ రాష్ట్రాల్లో పలు కార్యక్రమాల్లో పాల్గొనేవారు. ఆయన హయాంలో నమోదు చేసిన వైఎస్ జగన్ అక్రమాస్తుల కేసు తర్వాత ఎన్‌ఫోర్స్‌మెంట్ డైరక్టరేట్ కూడా దర్యాప్తు చేపట్టిన సంగతి తెలిసిందే. అయితే తాజాగా కోర్టు ఆదేశాలతో ఈడి వైఎస్ జగన్ అక్రమాస్తుల కేసును ఉపసంహరించుకున్న సమయంలో లక్ష్మీనాయణపై సోషల్ మీడియాలో విమర్శల దాడి చేశారు. వైఎస్‌ఆర్‌సిపి, జగన్ అనుచర గణం ఆయనపై పెద్ద ఎత్తున మాటల దాడి చేయడం జరిగింది. ఈ నేపధ్యంలో ప్రస్తుతం ఆయన విఆర్‌ఎస్‌కు దరఖాస్తు చేసుకోవడం, ఆ తర్వాత రాజకీయాల్లోకి వస్తారనే ఊహాగానాలు ప్రస్తుతం చర్చనీయాంశంగా మారాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.