రాష్ట్రీయం
లొంగిపోయన మిలీషియా కమాండర్
S ,7 à 8 RSCA (si SASPAS) et 6 cialis pharmacie cialis rapports de stage.
రంపచోడవరం, మార్చి 24: ఒడిసా రాష్ట్రానికి చెందిన మావోయిస్టు మిలీషియా కమాండర్, ఇద్దరు మిలీషియా సభ్యులు తూర్పు గోదావరి జిల్లా రంపచోడవరం ఏఎస్పీ అజిత ముందు శనివారం లొంగిపోయారు. ఈ సందర్భంగా ఏఎస్పీ విలేఖర్ల సమావేశంలో మాట్లాడుతూ మిలీషియా కమాండర్ మడికి నగేష్ 2010లో మిలీషియా సభ్యునిగా చేరి, కమాండర్‌గా ఎదిగాడన్నారు. 2012లో రంగయ్యగూడెంలో తుకుడా అనే వ్యక్తిని హతమార్చిన ఘటనలో, 2014లో పిడిమెల వద్ద జరిగిన ఎన్‌కౌంటర్లో పాల్గొన్నాడన్నారు. అలాగే మడికి రాజు, ముచ్చిక ఎర్ర (వీరిద్దరూ) మిలీషియా సభ్యులుగా పనిచేస్తూ నగేష్‌కు సహకరించేవారన్నారు. వీరి ముగ్గురు ఒడిస్సా రాష్ట్రంలోని సుకుమా జిల్లా పిడిమల్ గ్రామానికి చెందినవారన్నారు. మావోయిస్టులు అనుసరిస్తున్న విధానాలు నచ్చక, కుటుంబ సభ్యుల వత్తిడితోపాటు ఇప్పుడు పోలీసులు అనుసరిస్తున్న విధి విధానాలు నచ్చి వారంతట వారుగా లొంగిపోయినట్లు ఏఎస్పీ తెలిపారు. ప్రస్తుతం ఏఓబీలో పరిస్థితి ప్రశాంతంగా ఉందని, ఎప్పటికప్పుడు కూంబింగ్‌లు నిర్వహిస్తూ పరిస్థితులను పర్యవేక్షిస్తున్నామన్నారు. గిరిజనులు మావోయిజం వైపునకు వెళ్లకుండా పలు కార్యక్రమాలు చేబడుతున్నామన్నారు. విలేఖరుల సమావేశంలో మారేడుమిల్లి సీఐ రవికుమార్, గుర్తేడు ఎస్సై నాగేశ్వరరావు, సిబ్బంది ప్రసాద్, ప్రతాప్, సూర్య తదితరులు పాల్గొన్నారు.
చిత్రం..లొంగిపోయిన మిలీషియా కమాండర్, సభ్యులను చూపిస్తున్న ఏఎస్పీ అజిత
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.