రాష్ట్రీయం
ఎన్నికల హామీలు ఏమయ్యాయి?
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, ఏప్రిల్ 15: ముఖ్యమంత్రి కేసీఆర్ తెలంగాణ ప్రజలకు ఎన్నికల ముందు ఇచ్చిన హామీలు ఏమయ్యాయని, హామీలు నెరవేర్చనందుకు తెలంగాణ ప్రజలకు ముఖ్యమంత్రి క్షమాపణ చెప్పాలని పీసీసీ అధ్యక్షుడు ఉత్తమ్‌కుమార్‌రెడ్డి అన్నారు. కాంగ్రెస్‌పార్టీ ఆధ్వర్యంలో చేపట్టిన ప్రజా చైతన్య బస్సుయాత్ర మహబూబాబాద్ జిల్లాలోని డోర్నకల్ నియోజకవర్గం పరిధిలో మరిపెడ మండల కేంద్రానికి ఆదివారం చేరుకుంది. ఈ సందర్భంగా పార్టీ నియోజకవర్గ ఇంచార్జ్ డాక్టర్ రాంచంద్రునాయక్ అధ్యక్షతన బహిరంగ సభను నిర్వహించారు. డోర్నకల్ నియోజవర్గ పరిధిలోని అన్ని గ్రామాల నుండి పెద్దసంఖ్యలో ప్రజలు ఈ బహిరంగ సభకు హాజరయ్యారు. ఈ సందర్భంగా ఉత్తమ్‌కుమార్‌రెడ్డి మాట్లాడుతూ.. డోర్నకల్ నియోజకవర్గంలో 14సార్లు అసెంబ్లీ ఎన్నికలు జరిగితే 13సార్లు కాంగ్రెస్ అభ్యర్థిని గెలిపించిన ఘనత ఈ నియోజకవర్గ ప్రజలది అన్నారు. సాధారణ గిరిజన కుటుంబంలో జన్మించిన రెడ్యానాయక్‌ను సర్పంచ్‌గా, సమితి అధ్యక్షునిగా, ఎంపిపిగా, ఎమ్మెల్యేగా, క్యాబినెట్ మంత్రిగా చేసిన ఘనత కాంగ్రెస్‌పార్టీది అన్నారు. ఆయనకే కాకుండా రెడ్యా కూతురు కవితకు కూడా ఎమ్మెల్యే టికెట్ కాంగ్రెస్‌పార్టీ ఇచ్చిందన్నారు. ఇన్ని
రకాల అవకాశాలు కల్పించి అందలం ఎక్కిస్తే నమ్ముకున్న ప్రజలను నయవంచన చేసి కేవలం తన ఆస్తులు కాపాడుకోవడానికి, ఇసుక వ్యాపారం చేసుకోవడానికే పార్టీ ఫిరాయించిన నీచ చరిత్ర రెడ్యానాయక్‌దని ఉత్తమ్‌కుమార్‌రెడ్డి తీవ్రస్థాయిలో విమర్శించారు. వచ్చే ఎన్నికల్లో డోర్నకల్ నియోజకవర్గం నుండి డాక్టర్ రాంచంద్రునాయక్ కాంగ్రెస్ అభ్యర్ధిగా, బలరాంనాయక్ మానుకోట పార్లమెంట్ అభ్యర్ధిగా పోటీలో ఉంటారని వారికి ఘనవిజయాన్ని కట్టబెట్టడం ద్వారా కష్టకాలంలో కాంగ్రెస్‌పార్టీని మోసం చేసిన రెడ్యానాయక్‌కు, ఆయన కుటుంబానికి ఈ నియోజకవర్గ ప్రజలు తగిన గుణపాఠం నేర్పాలని ఉత్తమ్‌కుమార్‌రెడ్డి పిలుపునిచ్చారు. తెలంగాణ రాష్ట్రంలో అన్ని వర్గాలు అన్యాయానికి గురవుతున్నాయని అన్నారు. గిరిజనులకు రావాల్సిన అవకాశాలు అందకుండా చేస్తున్న పాపం ఈ తెలంగాణ ప్రభుత్వానిదే అని విమర్శించారు. ఆత్మాభిమానంతో జీవించమని గిరిజనులకు వ్యవసాయ భూములను కాంగ్రెస్‌పార్టీ అందజేస్తే ముఖ్యమంత్రి కేసీఆర్ వాటిని బలవంతంగా లాక్కునే ప్రయత్నం చేస్తున్నారని విమర్శించారు. పోడురైతుల పక్షాన కాంగ్రెస్ పార్టీ అండగా నిలిచి పోరాటం చేస్తుందని అన్నారు. ఇంటికో ఉద్యోగం ఇస్తానని యువతను, డబుల్‌బెడ్‌రూంలు ఇస్తానని మధ్య తరగతి ప్రజలను, మూడెకరాల వ్యవసాయ భూమి అందిస్తానని, హరిజన, గిరిజన వర్గాలను మోసం చేసిన చరిత్ర కేసీఆర్‌ది అన్నారు. రైతులకు గిట్టుబాటు ధర కల్పించాలని ఎన్నిసార్లు కాంగ్రెస్‌పార్టీ ఆధ్వర్యంలో మొత్తుకున్నా ఈ ప్రభుత్వానికి రైతుల బాధలు పట్టడంలేదన్నారు. కేసీఆర్ చేసిన నాలుగు విడుతల రుణమాఫీ మూలంగా రైతులకు ఏమాత్రం ప్రయోజనం చేకూరలేదని విమర్శించారు. వచ్చే ఎన్నికల్లో కాంగ్రెస్‌పార్టీ అధికారంలోకి రావడం ఖాయం అని, రైతులకు రూ.2లక్షల రుణమాఫీ ఏకకాలంలో చేస్తామని ఉత్తమ్‌కుమార్‌రెడ్డి హామీ ఇచ్చారు. ఇంటికో ఉద్యోగం ఇస్తానని కేసీఆర్ దాదాపు 2లక్షల ఉద్యోగాలు ఖాళీగా ఉంటే 20వేల ఉద్యోగాలు కూడా భర్తీ చేయలేదని, అధికారంలోకి వచ్చి నాలుగు సంవత్సరాలు గడిచినా ఒక్క డీఎస్సీ కూడా వేయని అసమర్థ ముఖ్యమంత్రి కేసీఆర్ అని విమర్శించారు. కాంగ్రెస్ అధికారంలోకి వస్తే ఖాళీగా ఉన్న ఉద్యోగాలన్నింటిని భర్తీచేస్తామని, ఉద్యోగాలు దక్కని నిరుద్యోగ యువతకు రూ.3వేల చొప్పున నిరుద్యోగ భృతి అందజేస్తామని ప్రకటించారు. ఫీజు రీయంబర్స్‌మెంట్ ఎలాంటి ఇబ్బంది లేకుండా అమలు చేస్తామని మహిళా సంఘాలను పటిష్టపరుస్తామని, రైతన్నలకు గిట్టుబాటు ధర కల్పిస్తామని మాట ఇచ్చారు. కాంగ్రెస్ కార్యకర్తలకు ఇబ్బంది కల్పిస్తే తీవ్ర పరిణామాలు ఉంటాయని హెచ్చరించారు. వచ్చేది మా ప్రభుత్వం వడ్డీతో సహా చర్యలు తీసుకుంటామని అన్నారు. ఈ బహిరంగ సభలో రాష్ట్ర పార్టీ వ్యవహారాల ఇంచార్జ్ కుంతియా, పార్టీ అగ్రనాయకులు వి.హన్మంతరావు, మల్లు రవి, రేవంత్‌రెడ్డి, పొంగులేటి సుధాకర్ రెడ్డి, దొంతు మాధవరెడ్డి, బలరాంనాయక్, పొన్నం ప్రభాకర్, భరత్‌చందర్‌రెడ్డి, ఉమామురళీనాయక్, సుచిత్రాబాలునాయక్, డాక్టర్ ప్రసాద్ తదితరులు పాల్గొన్నారు.
చిత్రం..మరిపెడలో జరిగిన బహిరంగ సభలో మాట్లాడుతున్న పీసీసీ చీఫ్ ఉత్తమ్‌కుమార్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.