సబ్ ఫీచర్
శ్రీ పరమహంస బోధామృతము
S ,7 à 8 RSCA (si SASPAS) et 6 cialis pharmacie cialis rapports de stage.
పాప మాసన్న్యాసి స్మృతి తప్పి పడిపోవువఱకు నామదాంధుడు వానిపై బడి మోదినాడు. ఈ సన్న్యాసి యొక్క యవస్థను జూచిన మఱియొక మనుష్యుడు మఠమునకు బరుగెత్తిపోయి జరిగిన సంగతి నంతయు దెల్పెను. తోడి సన్న్యాసులీతడు పడియున్న తావునకు బరుగెత్తుకొని వచ్చిరి. వారాతని తమ భుజములపై నెత్తుకొని మఠమునకు దీసికొని వచ్చి యొక గదిలో బరుండబెట్టిరి. ఎంతసేపైనను నాతనికి స్మృతి రాకుండెను. చాల విచారించుచు నా సోదరులు వానికి విసరుచు, జల్లని నీటిని ముఖమున జల్లుచు, గొంచెము కొంచెముగా బాలను నోట బోయుచు వాని కుపచారములు చేయసాగిరి. క్రమముగా నాతడు తేఱుకొనెను. ఆ మహనీయుడు కండ్లు తెఱచి తన చుట్టు నున్న వారివైపు చూచినంతనే యాతడు తమ్ము గుర్తింపగలడో, లేడో తెలిసికొందమని యొక సన్న్యాసి, ‘‘స్వామిజీ! మీకు బాలుపోయుచున్నవారెవరో గుర్తింపగలరా?’’ అని బిగ్గఱగా నడిగెను. ఆ సాధుపుంగవుడు హీన స్వరమున నిట్లు పలికెను: ‘‘అన్నా గు-ర్తిం-ప-కే-మి? నన్ను గొట్టినవాడెవడో వాడే నాకు బాలుపోయుచున్నాడు!’’
జీవబ్రహ్మైక్యమును బొంది సమస్త శుభాశుభములకును, ధర్మాధర్మములకును అతీతుడైన వానికి గాని యిట్టి యద్వైత భావమలవడజాలదు.
పద్దయ్య దేవతార్చన
1121. ఒక గ్రామమున బద్మలోచనుడను నొక బాలుడుండెడివాడు. ఆయూరి వారందఱును వానిని ‘పద్దయ్య’ యని పిలిచెడివారు. ఆ యూరిలో బాడుపడిన యొక దేవాలయముండెను. దానిలో దేవతా విగ్రహమైనను లేదు. ఆలయము నిండ జెట్లు, చేమలు మొలచినవి. అది గుడ్లగూబలకును, గబ్బిలములకును ననుకూలమైన నివాసస్థలమైనది. ఒకనాడు సాయంకాలము హఠాత్తుగా నాపాడుపడిన గుడినుండి జేగంట మ్రోతలు, శంఖధ్వనులు జనులకు వినవచ్చినవి. ఎవరో భక్తుడు దానిలో దేవతావిగ్రహమును ప్రతిష్ఠించి యారాత్రికమును జరుపుచున్నాడు కాబోలు నని జనులాబాలగోపాలముత్సాహముతో నచటకి బరుగెత్తిరి.
వారందఱును జేతులు జోడించుకొని యాపవిత్ర ధ్వానములను వినుచు, దేవతా విగ్రహమును జూచుటకై గుడియెదుట నిరీక్షించుకొని యుండిరి. వారిలోనొకడు సాహసించి, లోన నేమి జరుగుచున్నదో తెలిసికొందమను తమకమున, దలుపుసందులో నుండి తొంగి చూచెను. గుడిలోపల పద్దయ్య జేగంట వాయించుచు, శంఖము నూదుచుండుట చూచి యతడాశ్చర్యపడినాడు. గుడిలో నేలయంతయు నెప్పటివలెనే యసహ్యముగా నుండెను. పూజకు దేవతావిగ్రహమా, ముందే లేదు. అంతనాతడిట్లు కేకవేసి చెప్పెను:
‘‘ఓ పద్దయ్యా! నీ గుడిలో బరమేశ్వర విగ్రహమా, లేదు! పెంటలను దొలగించి గుడిని శుభ్రము చేయనైనను జేయవైతివి! పదునొకండు గబ్బిలములును నందు జేరి దివారాత్రములు గీఱుగాఱుమనుచున్నవి.
- ఇంకాఉంది
శ్రీరామకృష్ణ బోధామృతము - పరిశోధితమగు 112 మహోపదేశములుగల శ్రీరామకృష్ణ వాక్య రత్నాకరము -
సంగ్రహ జీవిత సహితము - అనువాదం: శ్రీ చిరంతనానందస్వామి
Related Articles
పంచయజ్ఞాలను వివరించండి?
బ్రహ్మయజ్ఞం: ఒక ఋక్కునుగాని, యజస్సునుగాని, సామాన్నిగాని అభ్యాసం చేయడమే 3వేదాధ్యయనం2. దీనే్న బ్రహ్మయజ్ఞం అంటారు. స్వాధ్యాయం కూడా బ్రహ్మయజ్ఞమే.
దేవయజ్ఞం: వివిధ దేవతల తృప్తికోసం చేసే యజ్ఞాల్లో హవిస్సు ను3స్వాహా2పూర్వకంగా సమర్పించే కార్యక్రమమే దేవయజ్ఞం.
‘‘కాలము నిల్వబోదు క్షణకాలము’ అనిన కవి వాక్కు అక్షరసత్యము. నిజమే. కాలం ఎవ్వరికోసం ఆగదు. మరలిరాదు. మనకు అందుబాటులో ఉండే అన్ని వనరులలోనూ కాలం చాలా విలువైనది. ‘టైమ్ అండ్ టైడ్ వెయిట్ ఫర్ నన్’ అని కదా లోకోక్తి. కాలము, అల ఎవరికోసం ఆగవు.
‘‘సమయమమూల్యమొక్క నిముసమ్మువృథాచనఁ గ్రమ్మరింపనే
సహజానందం
ప్రాపంచిక వైభోగాలు ఎన్నాళ్లుంటాయి? ఆలోచించండి. దేవుని యిచ్ఛ వల్లనే అవి కలుగుతాయి. ఆపైన అవి యిట్టే నశిస్తాయి. అందుకే లౌకికానందాల పట్ల వెంపర్లాట మానండి! పరమాత్మ అందరిలోనూ వున్నాడు. ఆయనను దర్శించే దృష్టిని సంపాదించుకోండి!
నీ పిలుపే మేలుకొలుపు
దేవ దేవుని ప్రతిహృదయంలో ప్రతిధ్వనిస్తూంది. అద్భుత భక్తి, ప్రేమ, వాత్సల్యం,. త్యాగ భావాలను రేకేత్తిస్తోంది. పూజ, అర్చన, భజనాదికాలుగా రూపొందుతోంది. మనసును దివ్య చింతనలో ఓలలాడించి అంతులేని ఆనంద ప్రవాహంలో ముంచెత్తుతుంది.
దానికి నీవు బదులు పలుకుతున్నావా ? లే.