అవీ .. ఇవీ..
మనోహరం...ఈ దృశ్యం
S ,7 à 8 RSCA (si SASPAS) et 6 cialis pharmacie cialis rapports de stage.
ఔను..ఈ ఫొటోలు చూస్తే అదే అనిపిస్తుంది. సృజనాత్మకత, ఓపిక, అకుంఠితదీక్ష కలగలసిన లక్షణాలున్న ఫొటోగ్రాఫర్ల పనితనానికి ఈ చిత్రాలు ఉదాహరణ. వాషింగ్టన్ కేంద్రంగా పనిచేసే ‘స్మిత్‌సోనియన్’ పత్రిక పదమూడవ వార్షికోత్సవం సందర్భంగా ఉత్తమ ఫొటోగ్రాఫర్ల ఎంపికకోసం ఓ పోటీని ప్రకటించింది. ఈ పోటీలో పాల్గొంటూ 160 దేశాలకు చెందిన ఫొటోగ్రాఫర్లు దాదాపు 46000 ఫొటోలను పంపారు. వాటిలో ఉత్తమమైనవాటిని కొన్నింటిని ఎంపిక చేసి ఆ మ్యాగజైన్ వెబ్‌సైట్‌లో పోస్ట్ చేసింది. విజేతను ఎంపిక చేసుకునే అవకాశం పాఠకులకు వదిలిపెట్టింది. ఆ ఫొటోలను చూసి నచ్చినదానికి ఓటువేస్తే మెజారిటీ ఓట్లు దక్కిన ఫొటో తీసిన ఫొటోగ్రాఫర్‌ను విజేతగా ప్రకటిస్తారన్నమాట. తన పెరట్లో ఓ పుష్పంకింద కూర్చుని గింజలుతింటున్న ఓ ఎర్రఉడతను చూసి క్లిక్‌మన్పించాడు గోర్త్‌వెగ్గెన్ అనే ఫొటోగ్రాఫర్. అలాగే ఒక ఎల్లోహెడెడ్ జా ఫిష్ నోటిలో గుడ్లుదాచిపెట్టి పొదగడానికి సిద్ధపడిన దృశ్యాన్ని గంటపాట పరిశీలించి నెమ్మదిగా అది నోరు తెరిచిన తరువాత క్లిక్‌మన్పించాడు మరో ఫొటోగ్రాఫర్ సుజాన్ మెర్దోనియన్. ఇలాంటి అద్భుతమైన ఎన్నో ఫొటోలు ఇప్పుడు ఆ మ్యాగ్‌జైన్‌లో దర్శనమిస్తున్నాయి. ఉత్తమమైనవాటిని ఎంపిక చేయడం అంతసులువైన పనేంకాదు. ఎందుకంటే ప్రతి ఫొటోలో ఏదో ఒక అద్భుతం దాగి ఉంది.
అక్వేరియంలో షో
అందరిమధ్య ర్యాంప్‌పై క్యాట్‌వాక్ చేస్తే గొప్పేముంది. ఇదిగో ఇలా అక్వేరియంలో అందమైన దుస్తులతో స్విమ్ చేస్తే మజా తెలుస్తుంది. బీజింగ్‌లోని ఓ జూలో అక్వేరియంలో నిర్వహించే ఫ్యాషన్ షోకోసం మోడల్స్ ఇలా వినూత్నమైన దుస్తులతో ప్రాక్టీస్ చేస్తున్నారు.
ఈగిల్ హంటర్
ఎతె్తైన కొండలపై దట్టంగా మంచుకప్పుకున్న వేళ..గుర్రాలను అధిరోహించి, పెంచిన గద్దలను వదిలి జంతువులను వేటాడటం ప్రపంచంలోనే అతి పురాతన సంప్రదాయం. మంగోలియా, ఖజికిస్తాన్‌లోని కొన్ని ప్రాంతాల్లో ఇప్పటికీ ఈ సంప్రదాయం బతికేఉంది. దానిని కాపాడుకునేందుకు అక్కడి ప్రజలు తహతహలాడుతూంటారు. ప్రత్యేకించి ఒకజాతి ప్రజలకు మాత్రమే చెందిన కళ. ప్రపంచంలో ఈ కళ తెలిసినవారు వెయ్యిలోపే ఉంటారు. గద్దలతో వేటాడిన జంతువుల చర్మం, బొచ్చు చేసిన దుస్తులను ధరించడం వీరి ప్రత్యేకత.
అందం చూడవయా!
ప్రస్తుత ప్రపంచంలో అందానికి ఇచ్చే ప్రాధాన్యత అంతాఇంతాకాదు. దుస్తులు, మేకప్, కేశసంపద ఇలా అన్ని విషయాల్లో వినూత్న, ఆధునిక పోకడలకు పట్టంగడుతోంది ఈలోకం. ఇదిగో టోక్యో ఫ్యాషన్ వీక్‌కోసం ఎంగ్యున్ కాంగ్ త్రి అనే మోడల్ ఇలా వినూత్న దుస్తులతో దర్శనమిస్తే బెర్లిన్ ఫ్యాషన్ వీక్‌కోసం వినూత్న మేకప్‌తో సిద్ధమైంది మరో మోడల్.
Related Articles
పండుగ వచ్చిందంటే పిల్లలకు నిజంగా పండుగే. సంక్రాంతి పండుగ వస్తే ఇల్లంతా పండుగే. ఊరంతా పండుగే. ఈ మూడు రోజుల పండుగలో ఆనందం ఉంది. అల్లరి ఉంది. ఆరోగ్యం ఉంది. సరదా ఉంది. సంతోషం ఉంది. కలుపుగోలుతనం ఉంది. కలివిడితనం ఉంది. ప్రకృతి అందాలున్నాయి. పర్యావరణ హితం ఉంది. కళ ఉంది. నమ్మకం ఉంది. ఆరాధన ఉంది.
నేషనల్ జియాగ్రాఫికల్ ఛానల్ గత నెలలో కొన్ని ప్రసారాల కోసం ప్రపంచం నలుమూలల నుంచి కొన్ని ఛాయాచిత్రాలను తీయించింది. వాటిలో ఇక్కడివి ప్రేక్షకాదరణ పొందాయి. కెనడాలోని బ్రిటిష్ కొలంబియా ప్రాంతంలో కనిపించిన ఒకరకపు కుక్కగొడుగులు నిజానికి ఫంగీ. ఇవి కొన్ని రకాల జీవులకు ఆహారం.
భారత్‌లోని హిమాలయ ప్రాంతాల్లో ప్రకృతి పుడమిపై మంచుదుప్పటి పరచింది. కేదారనాథ్, గంగోత్రి వంటి పుణ్యక్షేత్రాలు ఇప్పుడు ధవళవర్ణపు మంచులో కొత్త సొబగులతో కనిపిస్తున్నాయి. ఈ సీజన్‌లో ఇక్కడకు యాత్రీకులను అనుమతించరు.
ఈ పెద్దాయన పేరు అనిరుథ్ తాంత్రిక్. ఆయన శిష్టుడు యదుకృష్ణ. ఈ యువ అర్చకుడి వయసు 21. కేరళలోని మనప్పురమ్ మహాదేవాలయంలో పెరుమాళ్ సేవలో విధులు నిర్వహిస్తున్నాడు. ఇందులో విశేషం ఏముందంటే.. ఉందనే చెప్పాలి. ట్రావెన్‌కోర్ దేవస్థానం పరిధిలోని 1248 ఆలయాలున్నాయి. అందులో శబరిమల అయ్యప్ప ఆలయం కూడా ఒకటి.
నేషనల్ జియోగ్రాఫిక్ సంస్థ ఆధ్వర్యంలో ఈ మధ్య 2017 ఫోటోగ్రఫీ పోటీలు నిర్వహించింది. వేలాది ఎంట్రీలు వచ్చాయి. వాటిని పరిశీలించి విజేతలను ఎంపిక చేశారు. బహుమతి పొందిన ఛాయాచిత్రాలను వారి పత్రిక, వారి ఇన్‌స్టాగ్రామ్‌లలో పోస్ట్ చేశారు. మొదటి విజేతకు పదివేల అమెరికన్ డాలర్ల బహుమతి ఇచ్చారు.