రాష్ట్రీయం
టాస్క్ఫోర్స్ దళంపై ఎర్రచందనం కూలీల రాళ్లదాడి
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఫిబ్రవరి 15: ఎర్రసంపదను కాపాడటానికి టాస్క్ఫోర్స్ పోలీసులు, అటవీశాక సిబ్బంది అనేక చర్యలు చేపడుతున్నా ఎర్ర కూలీలు మాత్రం శేషాచల అడవుల్లోకి భిన్న రూపాల్లో ప్రవేశిస్తూ, తారసపడ్డ పోలీసులపై రాళ్ళురువ్వే చర్యలకు పాల్పడుతూనే ఉన్నారు. ఇందులో భాగంగానే సోమవారం తిరుపతి జూపార్క్ అటవీప్రాంతంలో 30 మంది ఎర్రకూలీలు కార్యదళ సిబ్బందికి తారసపడ్డారు. పోలీసులను గమనించిన కూలీలు ఒక్కసారిగా పోలీసులపై రాళ్ళు రువ్వారు. ఈసంఘటనలో ఆర్‌ఎస్‌ఐ వాసు గాయపడ్డారు. దీంతో అప్రమత్తమైన కార్యదళం గాల్లోకి కాల్పులు జరిపింది. దీంతో ఎర్రకూలీలు అడవిలోకి పలాయనం చిత్తగించారు. వెంటాడిన పోలీసులకు ఇద్దరు ఎర్రకూలీలు పట్టుబడ్డారు. వారు తరలించడానికి సిద్ధంగా ఉంచిన 24 ఎర్రదుంగలను కూడా స్వాధీనం చేసుకున్నారు. సమాచారం తెలుసుకున్న డి ఐ జి కాంతారావు హుటాహుటిన సంఘటనా స్థలానికి చేరుకుని పరిస్థితిని పరిశీలించారు. ఈసందర్భంగా ఆయన మాట్లాడుతూ గోవిందమాలలు వేసుకున్న భక్తుల రూపంలో 30 మంది ఎర్రకూలీలు ముందుగా తిరుమలకు వెళ్లారని అటు తరువాత వారు శేషాచల అడవుల్లోకి ప్రవేశించినట్లు విచారణలో తేలిందన్నారు. ఈక్రమంలో కూంబింగ్ చేస్తున్న తమ సిబ్బందికి జూపార్క్ వద్ద ఎర్ర కూలీలు తారసపడ్డారని అన్నారు. పారిపోయిన కూలీల కోసం కూంబింగ్ ముమ్మరం చేశామని ఆయన తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.