రాష్ట్రీయం
తాత్కాలిక సచివాలయం, ఇతర భవనాల నిర్మాణానికి పర్యావరణ అనుమతులు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఫిబ్రవరి 15: గుంటూరు జిల్లా తుళ్లూరు మండలం వెలగపూడి గ్రామ సమీపంలో ప్రతిపాదిత తాత్కాలిక సచివాలయం, ఇతర ప్రభుత్వ భవన సముదాయాల నిర్మాణానికి ఆంధ్రప్రదేశ్ స్టేట్ ఎన్విరాన్‌మెంట్ ఇంపాక్ట్ అసెస్మెంట్ అథారిటీ, ఎంవోఇఎఫ్ అండ్ సీసీ, కేంద్ర పర్యావరణ మంత్రిత్వ శాఖల నుంచి ఈ నెల 9న అన్నిరకాల అనుమతులు లభించినట్లు సిఆర్‌డిఏ అధికారులు సోమవారం నాడిక్కడ తెలిపారు. రాజధాని అమరావతి నగర ప్రాజెక్టు అభివృద్ధి పనులకు పర్యావరణ అనుమతులు లభించటం ఇది రెండోసారన్నారు.
స్టేట్ ఎక్స్‌పర్ట్ అప్రైజల్ కమిటీ నిపుణులు గత నెల 23న ఒకసారి, ఈ నెల 6న మరోసారి నిర్వహించిన సమావేశాల్లో సిఆర్‌డిఏ దరఖాస్తును సమీక్షించి సుదీర్ఘ చర్చల అనంతరం తాత్కాలిక సచివాలయ భవన సముదాయానికి అనుమతుల జారీకి సిఫార్సులు చేశారన్నారు. సిఆర్‌డిఏ అదనపు కమిషనర్ ప్రసన్న వెంకటేష్ ఇతర అధికారులతో కలిసి నిపుణుల బృందానికి సవివరంగా ప్రజెంటేషన్ ఇచ్చారు.
పర్యావరణ పరిరక్షణకు తీసుకుంటున్న విభిన్న చర్యలను ఆయన వివరించారు. ప్రజా సౌకర్యాలతో కూడిన సముదాయాన్ని 45.129 ఎకరాల్లో ఆరు బ్లాకులుగా నిర్మించనున్నారు. దీనిలోనే సచివాలయం, ముఖ్యమంత్రి కార్యాలయం, శాసనసభ నిర్మాణాలుంటాయి. మొత్తం 58వేల 655 చదరపు మీటర్లు బిల్డప్ ప్రాంతం కాగా 23వేల 587 చదరపు మీటర్ల ప్రాంతాన్ని పచ్చదనం కోసం కేటాయించారు. కార్యాలయాల బ్లాకులు సౌర పైకప్పులు కలిగి ఇంధన సామర్థ్య విధివిధానాలకు అనుగుణంగా డిజైన్ చేశారు. దీంతోపాటు ఉద్యోగులు, సందర్శకులకు తగినంత పార్కింగ్ వసతి కల్పించనున్నారు. శబ్ద కాలుష్యం లేకుండా గ్రీన్ కవర్, నీటిశుద్ధి, నీటిని తిరిగి ఉపయోగించేందుకు ఎస్‌టిపిని ఏర్పాటు చేయనున్నారు. ఈసందర్భంగా సిఆర్‌డిఎ కమిషనర్ ఎన్ శ్రీకాంత్ మాట్లాడుతూ పర్యావరణ నిబంధనలకు సంబంధించి చట్టబద్ధమైన నియమ నిబంధనలను పూర్తిగా పరిగణనలోకి తీసుకుంటామని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.