తెలంగాణ
6న తెరాసలోకి కోమటిరెడ్డి
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, మే 21: శాసనసభలో కాంగ్రెస్ ఉప నేత, నల్లగొండ ఎమ్మెల్యే కోమటిరెడ్డి వెంకట్‌రెడ్డి వచ్చే నెల 6వ తేదీన టిఆర్‌ఎస్‌లో చేరనున్నట్టు సాగుతున్న ప్రచారం కాంగ్రెస్ వర్గాలను కుదిపేస్తోంది. తాను తెరాసలో చేరుతున్నట్లు గత కొంతకాలంగా జరుగుతున్న ప్రచారాన్ని కోమటిరెడ్డి ఖండిస్తున్నప్పటికీ తరుచూ సిఎం కెసిఆర్‌ను పొగుడుతుండడంతో పార్టీ మార్పుపై అనుచరుల్లోనూ సందేహాలు రేగాయి. ఇటీవల అసెంబ్లీలో కెసిఆర్ ప్రాజెక్టులపై పవర్ పాయింట్ ప్రజంటేషన్ చేసిన తీరును కాంగ్రెస్ తీవ్రంగా నిరసించగా వెంకట్‌రెడ్డి మాత్రం ప్రశంసించడంపై అప్పట్లో కాంగ్రెస్‌లో దుమారం రేపింది. పిసిసి చీఫ్ ఉత్తమ్‌తో వెంకట్‌రెడ్డికి విభేదాలున్నాయి. తెరాసలో చేరికపై వెంకట్‌రెడ్డి తన అనుచర వర్గాలతో తీవ్ర తర్జనభర్జనల పిదప జూన్ 6న కెసిఆర్ సమక్షంలో తెరాసలో చేరడానికి ముహూర్తం ఖరారు చేసుకున్నారని పార్టీ మార్పుపై కెసిఆర్‌తో చర్చించారని కాంగ్రెస్ వర్గాల్లో ప్రచారం సాగుతోంది. వెంకట్‌రెడ్డి పార్టీ మార్పుపై జిల్లాకు చెందిన రాష్ట్ర కాంగ్రెస్ పెద్దలకు కూడా సమాచారమున్నట్లు తెలుస్తోంది. ప్రస్తుతం అమెరికాలో ఉన్న కోమటిరెడ్డి స్వదేశానికి తిరిగి రాగానే తెరాసలో చేరికపై స్పష్టత నిస్తారని తెలుస్తోంది. తెలంగాణ రాష్ట్ర సాధనకు కోమటిరెడ్డి గతంలో మంత్రి పదవికి రాజీనామా చేయడంతో పాటు ఆమరణ నిరాహార దీక్ష చేసి, ఒక దశలో కాంగ్రెస్ అధిష్టానాన్ని సైతం ధిక్కరించారు. గత ఎన్నికల్లో నల్లగొండ శాసనసభ్యుడిగా ఎన్నికై ప్రస్తుతం సిఎల్పీ ఉపనేతగా వ్యవహరిస్తున్నారు. కోమటిరెడ్డి ఒక్కరే తెరాసలో చేరుతారా లేక తన సోదరుడు కాంగ్రెస్ స్థానిక సంస్థల ఎమ్మెల్సీ కోమటిరెడ్డి రాజగోపాల్‌రెడ్డితో కలిసి చేరుతారా అన్నదానిపై ప్రస్తుతానికి స్పష్టత లేదు.
chitram ఎమ్మెల్యే కోమటిరెడ్డి వెంకట్‌రెడ్డి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.